الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قاشقىن بانكير مۇحتار ەبٸليازوۆ پەن ونىڭ سىبايلاستارىنا قاتىستى قىلمىستىق ٸستٸ قاراۋ ودان ەرٸ جالعاسۋدا. سوتتىڭ بٷگٸنگٸ وتىرىسىندا پروكۋرورلار بتا بانكتٸڭ قىزمەتكەرلەرٸنٸڭ اتىنا تٸركەلگەن وففشورلىق كومپانييالاردى نەسيەلەۋگە قاتىستى قىلمىستىق ەرەكەتتەر سۇلباسىن جارييا ەتتٸ.
بتا بانكتەگٸ زاڭسىز ايلا-شارعىلار, نەگٸزٸنەن العاندا, تٸكەلەي بانكتٸڭ ديرەكتورلار كەڭەسٸنٸڭ تٶراعاسى مۇحتار ەبٸليازوۆتىڭ ٶز قولىمەن جاسالعان ستسەناريي بويىنشا جٷزەگە اسىرىلعان. اتاپ ايتقاندا, 2007 جىلى بانك باسشىلىعىنىڭ تٸكەلەي نۇسقاۋىمەن «ليتەر م» جاۋاپكەرشٸلٸگٸ شەكتەۋلٸ سەرٸكتەستٸگٸ قۇرىلادى. بۇل كومپانييا اكتسييالارىنىڭ بٸر پايىزدىق ٷلەسٸ №6 كورپوراتيۆتٸك بيزنەس باسقارماسىنىڭ زاڭگەرٸ ماكسيم حابلوۆتىڭ اتىنا تٸركەلەدٸ. اتاپ ايتارلىعى, كۋەگەرلەردٸڭ سوتتا جارييا ەتكەنٸندەي, بٸرنەشە ميلليونداعان نەسيەلەر ەشقانداي كەدەرگٸسٸز بەرٸلٸپ وتىرعان رەزيدەنت بولىپ تابىلمايتىن كومپانييالاردى تٸركەۋمەن وسى باسقارما اينالىسقان. سايىپ كەلگەندە, ماكسيم حابلوۆ جاڭادان قۇرىلعان كومپانييانىڭ ديرەكتورى بولىپ كٶرسەتٸلگەن.
ال, «ليتەر م» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ قالعان 99 پايىزدىق اكتسيياسىنىڭ ٷلەسٸ سەيشەل ارالدارىندا تٸركەلگەن «Steiman Corp» كومپانيياسىنا تيەسٸلٸ بولعان. ايتا كەتەرلٸگٸ, وففشورلىق كومپانييانىڭ مٷددەسٸن قازاقستاندا سەنٸمحاتپەن قورعاۋ №6 كورپوراتيۆتٸك بيزنەس باسقارماسىنىڭ قىزمەتكەرٸ ەلەونورا سەرگوعا جٷكتەلەدٸ. الايدا, بتا بانكتٸڭ نەسيە بەرۋ بٶلٸمٸنٸڭ قىزمەتكەرلەرٸنٸڭ ەشقايسىسى مۇنداي «بٸر كٷندٸك» وففشورلىق كومپانييالاردىڭ قوجايىندارىن ٶمٸردە كٶرمەگەن.
«2007 جىلدىڭ شٸلدە ايىندا ماكسيم حابلوۆ بتا بانككە 20,5 ميلليون اقش دوللارى كٶلەمٸندە نەسيە بەرۋگە ٶتٸنٸش جازادى. نەسيە الۋداعى نەگٸزگٸ ماقسات رەتٸندە اينالىمداعى قاراجاتتىڭ قورىن تولىقتىرۋ دەپ كٶرسەتەدٸ»,- دەپ ەڭگٸمەلەدٸ سوت وتىرىسىندا بتا بانكتٸڭ ٶكٸلٸ تالعات امانتاي. بۇل جولى دا ەدەتتەگٸدەي ەشقانداي قاجەتتٸ تالداۋلار جاسالماستان, ٶتٸنٸش قاناعاتتاندىرىلادى. تٸكەلەي مۇحتار ەبٸليازوۆتٸڭ باقىلاۋىنداعى نەسيە كوميتەتٸ تۇراقتى نەسيەلٸك قۇجاتتاردىڭ جەنە تيٸستٸ مٷلٸكتٸك كەپٸلدٸڭ جوقتىعىنا قاراماستان, مۇنداي نەسيەلٸك ٶتٸنٸشتەردٸ ماقۇلداپ وتىرعان. بۇل جولى سولاي بولعان. باستىسى, «اينالىمداعى قاراجاتتى تولىقتىرۋعا» دەپ بەرٸلگەن نەسيەلەردٸڭ ەشقايسىسى بانككە قايتارىلماعان.
«ارادا ەكٸ اي ۋاقىت ٶتكەندە «ليتەر م» جشس-نٸڭ قارجىلاندىرۋ شەگٸ 22,5 ميلليون اقش دوللارىنا دەيٸن كٶبەيتٸلگەن. بۇعان كەپٸل رەتٸندە «مونتاجينجينيرينگ» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ جارعىلىق قورىنىڭ 75 پايىزدىق ٷلەسٸ قويىلۋى كەرەك بولعان»,- دەپ جالعاستىردى سٶزٸن تالعات امانتاي. تٷپتەپ كەلگەندە, «مونتاجينجينيرينگ» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ جارعىلىق قورىنىڭ 75 پايىزدىق ٷلەسٸن م. ەبٸليازوۆتىڭ باقىلاۋىنداعى «ليتەر I» جاۋاپكەرشٸلٸگٸ شەكتەۋلٸ سەرٸكتەستٸگٸ ٶزٸنە مەنشٸكتەيدٸ. سوڭعى كومپانييا م. ەبٸليازوۆتىڭ كٷزەتشٸسٸنٸڭ اتىنا تٸركەلەدٸ. بۇل جەردە «مونتاجينجينيرينگتٸڭ» الماتى قالاسىنداعى اباي جەنە فۋرمانوۆ كٶشەلەرٸنٸڭ قيىلىسىنداعى قۇنى قىمبات جىلجىمايتىن مٷلٸك كەپٸلگە قويىلۋى تيٸس بولعان.
الايدا, سايىپ كەلگەندە نە «ليتەر م» جشس-ٸنٸڭ, نە «ليتەر I» جشس-ٸنٸڭ تاراپىنان بتا بانككە ەشقانداي كەپٸلدٸك قويىلماعان. بانكتەن بەرٸلگەن نەسيە قايتارىلماعان, تٸپتٸ ونى ەشكٸم دە قايتارۋعا نيەت تانىتپاعان.
«سترويگرۋپپ LTD» جاۋاپكەرشٸلٸگٸ شەكتەۋلٸ سەرٸكتەستٸگٸنە دە وسىنداي كەستەمەن نەسيە بەرٸلگەن. ايتا كەتەلٸك, بۇل كومپانييانىڭ اكتسيياسىنىڭ 80 پايىزدىق ٷلەسٸ مۇحتار ەبٸليازوۆتٸڭ سىبايلاستارىنىڭ بٸرٸ بانكتٸڭ بۇرىنعى باسقارۋشى ديرەكتورى, سوتتالۋشى قايرات سادىقوۆتىڭ اتىنا تٸركەلٸپتٸ. سوت وتىرىسىندا سوتقا تٷسٸنٸك بەرگەن سادىقوۆ اتالعان كومپانييانىڭ نومينالدى قوجايىنى بولعانىن, بٸراق ەشقانداي مەسەلەلەردٸ شەشۋمەن اينالىسپاعانىن ايتتى. بتا بانكتٸڭ نەسيە كوميتەتٸ ٶتٸنٸشتٸ ٶزٸ تٸركەپ, «سترويگرۋپپ LTD» جشس-نە 45 ميلليون اقش دوللارى كٶلەمٸندەگٸ كەپٸلسٸز نەسيەنٸ اۋدارادى. تٷپتەپ كەلگەندە, بۇل نەسيە دە بانككە قايتارىلماعان.
