قر مەدەنيەت جەنە سپورت مينيسترٸ ارىستانبەك مۇحامەديۇلى ديماشتىڭ كونتسەرتٸندە جانجال شىعارعاندار جۇمىستان قۋىلعانىن ايتتى, - دەپ حابارلايدى kaz.tengrinews.kz.
"دوستارىم, كەشە قىتايداعى I am a singer دەگەن ابىرويلى تەلەكونكۋرستا كەرەمەت ٶنەر كٶرسەتكەن دارىندى جاس ەنشٸمٸز ديماش قۇدايبەرگەندٸ ۇلىقتادىق. ديماشتى سٷيەتٸندەرگە, جانكٷيەر بولعاندارعا شىن جٷرەگٸمٸزبەن مەرەكەلٸك سىيلىق جاساۋعا تىرىستىق. "قازاقستان" وكز ەسٸكتەرٸن تەگٸن ايقارا اشتىق جەنە زور قۋانىشپەن قالاعان ادامدى كونتسەرتكە شاقىردىق. ديماش قۇدايبەرگەن كەشە كەرەمەت كونتسەرت ٶتكٸزدٸ, ول اتا-اناسىمەن بٸرگە ەن ايتىپ, جەڭٸسٸن اتاسى مەن اپاسىنا ارنادى", - دەدٸ مينيستر.
سونداي-اق, مينيستر ۋاقىت تاۋىپ, ديماشتى كٶرۋگە نيەت بٸلدٸرگەن, قوشەمەتتەپ, قولداعانداردىڭ بارلىعىنا العىسىن بٸلدٸردٸ. "ۋاقىتىنىڭ تىعىزدىعىنا جەنە ۇشىپ كەلٸپ, شارشاعانىنا قاراماستان, بارلىق جانكٷيەرٸ مەن تىڭدارمانىنا قىتايدا العىس ايتۋعا اسىعىپ, تۋعان ەلٸندە تۇڭعىش كونتسەرتٸن بەرگەنٸ ٷشٸن ديماشتىڭ ٶزٸنە كٶپ راقمەت ايتامىن!", - دەدٸ ارىستانبەك مۇحامەديۇلى.
ٶز كەزەگٸندە مينيستر بولعان وقيعاعا قاتىستى پٸكٸرٸن بٸلدٸردٸ. "بولعان وقيعا جايلى. ٶكٸنٸش بٸلدٸرەمٸن. ەشكٸمنٸڭ دە باسقا ادامداردىڭ بوستاندىعىنا شەكتەۋ قويۋعا قۇقىعى جوق, ولاردىڭ ٸشٸندە مەن قۇرمەتپەن قارايتىن جۋرناليستەردٸڭ دە. كٷزەت قىزمەتكەرلەرٸنٸڭ مۇنداي ەرەكەتتەرٸنٸڭ دۇرىس ەمەستٸگٸ سٶزسٸز. مەن تاڭەرتەڭ وسى جانجالدا بولعان ادامدارعا قاتىستى قاتاڭ شارالاردى قولدانۋدى تاپسىردىم", - دەپ ايتىپ ٶتتٸ مينيستر.
مينيستردٸڭ ايتۋىنشا, "قازاقستان" وكز باسشىلىعى قازٸرگٸ ۋاقىتتا ولاردى قىزمەتتەرٸنەن بوساتتى.
"مۇنىڭ بٸز ٷشٸن EXPO-2017 كٶرمەسٸن ٶتكٸزۋدٸڭ الدىندا بٸر قورىتىندىعا كەلۋٸمٸزگە سەبەپ بولاتىنى سٶزسٸز. ۇيىمداستىرۋ مەسەلەسٸنە كەلەتٸن بولساق, بٸز ەندٸگٸدە مۇنداي جاعدايلار قايتالانباس ٷشٸن شارالاردى كٷشەيتەمٸز, ال بولاشاقتا ديماشتىڭ كونتسەرتتەرٸن ٶتكٸزەتٸن كەزدە سىيىمدىلىعى ٷلكەنٸرەك الاڭداردى قاراستىراتىن بولامىز", - دەدٸ مۇحامەديۇلى.
سونداي-اق, مينيستر "ينفورمبيۋرو" باسىلىمىمەن بولعان وقيعاعا توقتالىپ ٶتتٸ.
"ەندٸ "ينفورمبيۋروعا" بەرگەن "پٸكٸرٸم" تۋرالى ايتاتىن بولساق. وسى جاعدايعا قاتىستى تاعى بٸر تٷسٸنٸك بەرگٸم كەلەدٸ. جۋرناليستەردٸڭ ەشقايسىسى - "ينفورمبيۋرو" دا, باسقا باق-تار دا ماعان حابارلاسقان جوق. ديماشتىڭ كونتسەرتٸنەن كەيٸن مەن بەيبٸتشٸلٸك پەن كەلٸسٸم سارايىندا ٶتەتٸن كونتسەرتكە دايىندالۋعا كەتتٸم. وندا تٷن جارىمعا دەيٸن بولدىم, جۋرناليستەردەن ەشقانداي دا قوڭىراۋ تٷسكەن جوق. "ينفورمبيۋرو" باسشىلىعى ماعان وسى قاتەلٸككە قاتىستى كەشٸرٸم سۇراپ, ايتىلعان "پٸكٸردٸ" جوققا شىعاردى", - دەدٸ مەدەنيەت جەنە سپورت مينيسترٸ.
ەسكە سالا كەتەيٸك, وسىعان دەيٸن ٸشكٸ ٸستەر مينيسترٸ قالمۇحانبەت قاسىموۆ "قازاقستان" وكز عيماراتىندا جۋرناليستەر مەن كٷزەتشٸلەر اراسىندا بولعان جانجالدى شىعارعان كٸنەلٸلەردٸ انىقتايتىنىن مەلٸمدەگەن ەدٸ.
