بٷگٸن سەنات دەپۋتاتى سەرسەنباي ەڭسەگەنوۆ پەن بٸلٸم جەنە عىلىم مينيسترٸ اسحات ايماعامبەتوۆ كەزدەسٸپ, بٸلٸم سالاسىنا قاتىستى مەسەلەلەردٸ تالقىلادى, دەپ حابارلايدى "ۇلت اقپارات".
سەناتتىڭ باسپاسٶز قىزمەتٸنەن مەلٸم ەتكەندەي, ەڭسەگەنوۆ بٸلٸم بەرۋ جٷيەسٸندە تۋىنداعان جەنە بەيٸندٸ ۆەدومستۆونىڭ ارالاسۋىن تالاپ ەتەتٸن بٸرقاتار ماڭىزدى پروبلەمالاردى تٸلگە تيەك ەتكەن.
اتاپ ايتقاندا, دەپۋتات پەن مينيستر مەكتەپتەردٸڭ قاشىقتان وقىتۋعا دايىندىعى, مەكتەپ ديرەكتورلارىن روتاتسييالاۋ ارقىلى تاعايىنداۋ, جالاقىنى ارتتىرۋ جەنە مەملەكەتتٸك ساتىپ الۋعا قۇجاتتاردى دايىنداۋ بويىنشا مۇعالٸمدەرگە تٷسەتٸن جٷكتەمەنٸ الىپ تاستاۋ مەسەلەلەرٸن تالقىلادى. اتالعان مەسەلەلەردٸ تۇرعىندار سەناتوردىڭ ايماقتىق ساپارلارى كەزٸندە كٶتەرگەن.
اسحات ايماعامبەتوۆ ۆەدومستۆودا قولدانىستاعى زاڭناماعا بٸرقاتار ٶزگەرٸستەر مەن تولىقتىرۋلار جوباسى دايىندالعانىن, ول قازٸردٸڭ ٶزٸندە پارلامەنتكە جٸبەرٸلگەنٸن جەنە بۇل ايتىلعان مەسەلەلەردٸ شەشۋگە ىقپال ەتەتٸندٸگٸن ايتتى.
سونداي-اق, سەناتور مەكتەپ پسيحولوگتارى قىزمەتٸنە قاتىستى تۋىندايتىن مەسەلەلەر تۋرالى سٶز قوزعادى.
ٶز كەزەگٸندە ايماعامبەتوۆ «پەداگوگ مەرتەبەسٸ تۋرالى» جاڭا زاڭ مۇعالٸمدەردٸ كەسٸبي قىزمەتٸنە قاتىسى جوق جۇمىسقا تارتۋعا جول بەرمەيتٸنٸن ايتىپ, ەڭسەگەنوۆ سٶز ەتكەن مەسەلەلەردٸڭ بارلىعى مينيسترلٸكتٸڭ تۇراقتى باقىلاۋىندا بولاتىنىن جەتكٸزدٸ.
