Búgin Senat depýtaty Sársenbai Eńsegenov pen Bilim jáne ǵylym ministri Ashat Aimaǵambetov kezdesip, bilim salasyna qatysty máselelerdi talqylady, dep habarlaidy "Ult aqparat".
Senattyń baspasóz qyzmetinen málim etkendei, Eńsegenov bilim berý júiesinde týyndaǵan jáne beiindi vedomstvonyń aralasýyn talap etetin birqatar mańyzdy problemalardy tilge tiek etken.
Atap aitqanda, depýtat pen ministr mektepterdiń qashyqtan oqytýǵa daiyndyǵy, mektep direktorlaryn rotatsiialaý arqyly taǵaiyndaý, jalaqyny arttyrý jáne memlekettik satyp alýǵa qujattardy daiyndaý boiynsha muǵalimderge túsetin júktemeni alyp tastaý máselelerin talqylady. Atalǵan máselelerdi turǵyndar senatordyń aimaqtyq saparlary kezinde kótergen.
Ashat Aimaǵambetov vedomstvoda qoldanystaǵy zańnamaǵa birqatar ózgerister men tolyqtyrýlar jobasy daiyndalǵanyn, ol qazirdiń ózinde Parlamentke jiberilgenin jáne bul aitylǵan máselelerdi sheshýge yqpal etetindigin aitty.
Sondai-aq, senator mektep psihologtary qyzmetine qatysty týyndaityn máseleler týraly sóz qozǵady.
Óz kezeginde Aimaǵambetov «Pedagog mártebesi týraly» jańa zań muǵalimderdi kásibi qyzmetine qatysy joq jumysqa tartýǵa jol bermeitinin aityp, Eńsegenov sóz etken máselelerdiń barlyǵy ministrliktiń turaqty baqylaýynda bolatynyn jetkizdi.
