قازاقستاندىق ەنشٸ مٶلدٸر مۇقانوۆا تۋعان اۋىلىنا بارىپ, بالالىق شاعىنىڭ جىلى ەستەلٸكتەرٸمەن بٶلٸستٸ. ٶنەر يەسٸ ەلەۋمەتتٸك جەلٸدەگٸ پاراقشاسىندا اۋىلداعى تىنىس-تٸرشٸلٸكتٸ كٶرسەتەتٸن بەينەجازبا جارييالادى, دەپ حابارلايدى ult.kz.
ەنشٸنٸڭ ايتۋىنشا, اۋىلدىڭ قاراپايىم ٶمٸرٸ مەن تابيعي تاعامدارىنىڭ دەمٸن قاتتى ساعىنعان. ول ٶزەنگە شومىلىپ كەلگەننەن كەيٸن ىستىق شاي ٸشٸپ, سارى ٸرٸمشٸكتٸ سۇيىق قايماققا ارالاستىرىپ جەگەن كٷندەرٸن ەرەكشە ىقىلاسپەن ەسكە العان.
سونىمەن قاتار, مٶلدٸر مۇقانوۆا تابيعي سٷت, قايماق پەن قۇرتتىڭ ارتىندا ٷلكەن ەڭبەك, شىدامدىلىق جەنە مال شارۋاشىلىعىنا دەگەن جاۋاپكەرشٸلٸك جاتقانىن اتاپ ٶتتٸ.
ٶنەر يەسٸ اناسىنىڭ جانىندا جٷرٸپ سيىر ساۋىپ, سٷت تارتقان كٷندەرٸن ساعىنىشپەن ەسكە العانىن جاسىرمادى.
«ٶزەنگە تٷسٸپ كەلٸپ دايىن شاي ٸشەتٸن, سارى ٸرٸمشٸكتٸ سۇيىق قايماققا ارالاستىرىپ جەيتٸن جاقتامىن.
سٷت, قايماق, قۇرتتىڭ دەمٸن-اي. ارتىندا ٷلكەن ەڭبەك, تۇراقتىلىق, مال شارۋاشىلىعىنا ۇقىپتىلىق جاتىر.انامنىڭ جانىندا جٷرٸپ سيىر ساۋىپ, سٷت تارتقانىمدى دا ساعىنىپپىن. ساعىنىشىمدى وسىلاي ەركەلەپ جٷرٸپ باسىپ الدىم, راقمەت ساعان اۋىلىم», – دەپ جازدى ەنشٸ.
سونداي-اق ول اناسىنىڭ ەربٸر ٸس-ەرەكەتٸ ٶزٸنە ٷلگٸ ەكەنٸن ايتىپ, «اناڭا تارتقانسىڭ» دەگەن سٶزدٸ ەڭ ٷلكەن ماقتاۋ سانايتىنىن جەتكٸزدٸ.
مٶلدٸر مۇقانوۆا اۋىلدا مازداپ جانعان وتتىڭ باسىندا باۋىرساق پٸسٸرٸپ, بالالىق شاعى مەن اناسىنىڭ مەيٸرٸمٸن ساعىنىشپەن ەسكە العانىن ايتىپ, ەر شاڭىراققا بەرەكە مەن مولشىلىق تٸلەدٸ.
جەلٸ قولدانۋشىلارى ەنشٸنٸڭ قاراپايىمدىلىعى مەن اۋىلعا دەگەن ىقىلاسىنا وڭ باعاسىن بەرٸپ, «اۋىلعا كەلٸن بولاتىن جان ەكەن», «ناعىز قازاق قىزى», «اۋىلدىڭ تەربيەسٸ كٶرٸنٸپ تۇر» دەگەن پٸكٸرلەرٸن قالدىردى.
