شاۆكات-اكا ٸسكە شىنداپ كٸرٸسكەن سىڭايلى – كەيبٸر دەرەكتەر بويىنشا, كٶرشٸلەس ٶزبەكستاندا كٷشتٸك قۇرىلىمداردىڭ ونداعان ٶكٸلٸ تۇتقىندالعان كٶرٸنەدٸ.
اتىشۋلى تۇتقىنداۋلار ٶزبەكستاندى دٷر سٸلكٸندٸردٸ. مارقۇم يسلام كەرٸموۆ تاعايىنداعان كادرلارلاردىڭ ٷستٸنەن (نەگٸزٸنەن كٷش قۇرىلىمدارى) ونداعان قىلمىستىق ٸستەر قوزعالىپتى.
جەرگٸلٸكتٸ (شىن مەنٸندە, ولار عانا ەمەس) ساراپشىلار بٸردەن رۋستام ينوياتوۆ تا وسىنداي جاعدايعا ۇشىرايتىن شىعار دەگەن بولجام جاسادى.
22-اقپاندا ەلدٸڭ ەكس-باس پروكۋرورى راشيد قادىروۆ (سۋرەتتە) قاماۋعا الىنعان ەدٸ. ەلبەتتە, بۇل وقيعا باق-تىڭ نازارىنان تىس قالعان جوق, بٸراق ٸس وسىلاي ناسىرعا شابادى دەگەن وي ەشكٸمنٸڭ ٶڭٸ تٷگٸل, تٷسٸنە دە كٸرمەگەن-دٸ.
بىلىقتارى اشىلا باستادى
ەدٸلەت پولكوۆنيگٸ ۇلۇقبەك سۇنناتوۆ 2017 جىلدىڭ سوڭىنان بەرٸ تاشكەنت وبلىسى پروكۋرورىنىڭ لاۋازىمىندا بولعان ەدٸ. ودان بۇرىن (2014 جىلدان بەرٸ) ٶزبەكستاننىڭ باس پروكۋرورىنىڭ ورىنباسارى قىزمەتٸن اتقاردى.
الايدا وبلىسقا تاعايىندالعانىنا بٸر جارىم ٶتپەي جاتىپ, شاۆكات ميرزيياەۆ سۇنناتوۆتى سىن تەزٸنە الىپ, «يت تەرسٸن باسىنا قاپتاپ», «جاۋاپكەرشٸلٸك تانىتپاعانى, نەمقۇرايلىلىعى جەنە قىزمەتتە جٸبەرگەن ەلەۋلٸ كەمشٸلٸكتەرٸ» ٷشٸن قىزمەتٸنەن بوساتتى.
ال 24-اقپاندا پروكۋراتۋرا قىزمەتكەرلەرٸ سۇنناتوۆتى ٶزٸنٸڭ ٷيٸندە قاماۋعا الدى. مۇنىڭ الدىندا ونىڭ ٷستٸنەن قىلمىستىق ٸس قوزعالعانى بەلگٸلٸ بولدى.
ٶزٸنٸڭ دەرەككٶزٸنە سٸلتەمە جاساعان «وزودليك» پورتالى سۇنناتوۆتىڭ قادىروۆ ٸسٸ بويىنشا قاماۋعا الىنعانىن حابارلادى. وعان قىزمەت بابىن تەرٸس پايدالاندى جەنە پاراقورلىققا باردى دەگەن ايىپ تاعىلىپ وتىر.
سونداي-اق سۇنناتوۆ ٶزبەكستاننىڭ ۇلتتىق اپاراوليمپيادالىق اسسوتسياتسيياسى تٶراعاسى لاۋازىمىنان دا بوساتىلدى.
«وزودلىق» جۋرناليستەرٸنٸڭ ايتۋىنشا, سۇنناتوۆ قادىروۆتىڭ ۇلتىق قاۋٸپسٸزدٸك قىزمەتٸنٸڭ ەكس-باسشىسى رۋستام ينوياتوۆقا قارسى بەرگەن بەرگەن جاۋابىنان كەيٸن تٷتقىندالعان.
بۇل تۋرالى ولارعا سول باياعى ٶزدەرٸنٸڭ دەرەككٶزٸ حابارلاعان كٶرٸنەدٸ.
– جاقىندا شاۆكات ميرومونۇلى, ٶزبەكتٸڭ جالپاق تٸلٸمەن ايتقانادا, قاماۋعا الىنعان شەندٸلەردٸڭ بۇلبۇلشا سايراپ جاتقانىن تٸلگە تيەك ەتكەن بولاتىن. بۇل بۇرىنعى پروكۋرورعا دا (راشيدا قادىروۆتى مەڭزەپ وتىر – ەسكەرت.) قاتىستى, ونىڭ بەرگەن جاۋاپتارىنىڭ نەگٸزٸندە جاڭا شەندٸلەر قاماۋعا الىنىپ جاتىر. سۇنناتوۆ دەل سونىڭ جاۋاپتارىنان كەيٸن قاماۋعا الىندى دەيدٸ, — دەرەككٶزدٸڭ سٶزٸن كەلتٸرگەن پورتال.
ابىرجىماڭدار, باراتىن جەرٸمٸز بٸر!
سۇنناتوۆ قاماۋعا الىناردان بٸرنەشە ساعات بۇرىن ارنايى توپ تاشكەنت وبلىسىنىڭ تاعى بٸر پروكۋرورىن, سۇنناتوۆتىڭ الدىندا وسى قىزمەتتە بولعان ەدٸلەتتٸڭ اعا كەڭەسشٸسٸ دجامشيد فايزيەۆتٸ ٶز ٷيٸنەن باس قاپ كيگٸزٸپ, قولىنا كٸسەن سالىپ, الىپ كەتكەن بولاتىن.
جەرگٸلٸكتٸ باق-تىڭ حابارلاۋىنشا, وعان قاتىستى قىلمىستىق ٸس تە قادىروۆتىڭ جاۋاپ بەرۋٸنەن كەيٸن قوزعالىپتى.
فايزيەۆكە قىزمەت بابىن تەرٸس پايدالاندى جەنە پاراقورلىق جاسادى دەگەن ايىپ تاعىلۋدا.
ول 2017 جىلعى 2-تامىزدا سەلەكتورلىق مەجٸلٸستە ميرزيياەۆ ٶزٸن «بٸرٸنشٸ ۇرى» دەپ اتاعاننان كەيٸن, تاشكەنت وبلىسى پروكۋرورى لاۋازىمىنان بوساتىلعان بولاتىن.
ال سول مەجٸلٸستٸڭ ٶزٸن, تٸپتٸ, مەملەكەتتٸك تەلەارنالاردان كٶرسەتكەن ەدٸ.
اشۋ كەرنەگەن پرەزيدەنت كەرٸموۆ دەۋٸرٸندەگٸ پروكۋراتۋرا قىزمەتكەرلەرٸن «مۋسور» دەپ, ايىپتاپ, ايدار تاققان بولاتىن.
— پروكۋراتۋرا ورگاندارىندا ەلٸ بۇرىنعى جٷيەدەن قالعان 15-20 پروتسەنت «مۋسور» جۇمىس ٸستەيدٸ. فايزيەۆ تە سول جٷيەنٸڭ ادامى.
بٸز بەرٸبٸر ولاردىڭ باورلىعىنان ارىلامىز, – دەدٸ ول.
سٶيتكەن پرەزيدەنت, «پروكۋراتۋرا ورگاندارىن سول ادامداردان تازارتاتىنىن» ەسكەرتتٸ.
— قۇدايعا شٷكٸر, مەن بارلىعىن بٸلەمٸن. ەشكٸم جەنە ەشقاشان مەملەكەتتٸ مازاق ەتە المايدى, – دەپ جازدى ميرزيياەۆتٸڭ سٶزٸن كەلتٸرگەن ٶزبەك باسىلىمدارى.
فايزيەۆتٸڭ لاۋازىمىنان الىنۋىنان تۇتقىندالۋىنا دەيٸن جارتى جىل ۋاقىت ٶتتٸ. وسى ۋاقىت ٸشٸندە ول كٷشتٸك قۇرىلىمداردىڭ باقىلاۋىندا تاشكەنتتەگٸ ٶز ٷيٸندە بولىپتى.
تىقىر تاياندى
كٶپتەگەن اقپارات قۇرالدارى باس پروكۋراتۋرانىڭ ۇيىمداسقان قىلمىس پەن جەمقورلىققا كٷرەس باسقارماسىنىڭ ەكس-باسشىسى ۇلۇقبەك حۋرراموۆ پەن تاشكەنت پروكۋرورىنىڭ جەمقورلىق جەنە ەكونوميكالىق قىلمىستار جٶنٸندەگٸ بۇرىنعى ورىنباسارى ميراعلام ميرزاەۆ تا قاماۋدا وتىر دەپ, جارىسا جازۋدا. الايدا بۇل اقپاراتتى ەلٸ ەشكٸم رەسمي راستاعان جوق.
— وسىدان بٸراز ۋاقىتقا دەيٸن, ميراعلام ميرزاەۆ «ەڭ ىقپالدى» ٶزبەك پروكۋرورلارىنىڭ بٸرٸ بولىپ سانالاتىن. ول 2014 جىلعى اقپاندا بٷگٸندە مارقۇم بولعان تۇڭعىش پرەزيدەنت يسلام كەرٸموۆتىڭ قىزى گٷلنەر كەرٸموۆانىڭ ٷيٸنە رەيد جٷرگٸزۋگە سانكتسميا بەرگەن ەدٸ, — دەپ, جازدى «وزودلىق».
دەرەككٶزدٸڭ حابارلاۋىنشا, ميرزاەۆتىڭ ٶزٸ عانا ەمەس, سونىمەن قاتار, ينوياتوۆتىڭ ەيەلٸنٸڭ تۋىسى بولىپ كەلەتٸن (كەيبٸر دەرەكتەر بويىنشا) ونىڭ جۇبايى مۋحاببات حاسانوۆا دا قاماۋعا الىنعان كٶرٸنەدٸ.
1-ناۋرىز كٷنٸ ۇلتتىق قاۋٸپسٸزدٸك قىزمەتٸنٸڭ پولكوۆنيگٸ تويمۇروز ەلٸموۆ تە تۇتقىندالدى. شىنىن ايتقاندا, ول 26-اقپاندا قاماققا الىنعان بولاتىن. باسقاسىنان بٶلەك, پولكوۆنيك قاساقانا كٸسٸ ٶلتٸردٸ جەنە قىلمىستىق ٸستٸڭ ماتەريالدارىن بۇرمالادى دەپ, ايىپتالىپ وتىر.
ورتالىق ازييانىڭ جاڭالىقتار قىزمەتٸ ەلٸموۆ ۇلتتىق قاۋٸپسٸزدٸك قىزمەتٸ باسشىسىنىڭ ەكس-ورىنباسارى, قازٸر ٶمٸر بويىنا باس بوستاندىعىنان ايىرۋ جازاسىن ٶتەپ جاتقان, شۋحرات گۋلياموۆتىڭ ارنايى تاپسىرمالارىن ورىنداعان دەپ, حابارلادى.
بايىپتاپ قاراساق, تۇتقىنداۋلار وسىمەن بٸتە قويمايتىن سىڭايلى. پورتال «بٸزدە حالىق پەن مەملەكەتتٸ اياۋسىز توناعان شەنەۋنٸكتەردٸڭ ٷلكەن تٸزٸمٸ بار» دەگەن باس پروكۋراتۋرانىڭ قىزمەتكەرٸنە (ول ٶزٸنٸڭ اتىن اتاماۋدى ٶتٸنٸپتٸ) سٸلتەمە جاساپ وتىر.
بٸرتە-بٸرتە كەزەك باسقالارىنا دا جەتەدٸ, دەگەن پٸكٸردە پروكۋراتۋرا قىزمەتكەرٸ.
شىدامنىڭ دا شەگٸ بار
Kaktakto پورتالى تازالاۋ پروكۋراتۋرانىڭ بۇرىنعى قىزمەتكەرلەرٸمەن شەكتەلمەيدٸ دەگەن سەنٸمدە. مەسەلەن, كەرٸموۆ دەۋٸرٸندە قىزمەتتە بولعان باسقا كٷشتٸك قۇرىلىمداردىڭ ٶكٸلدەرٸ دە قاماۋعا الىنا باستادى, اتاپ ايتقاندا, ٶزبەكستاننىڭ ۇلتتىق قاۋٸپسٸزدٸك قىزمەتٸنٸڭ قىزمەتكەرلەرٸ.
مۇنىڭ الدىندا, قاڭتار ايىندا پرەزيدەنت ۇلتتىق قاۋٸپسٸزدٸك قىزمەتٸ باسشىسىنىڭ ٷش ورىنباسارىن جەنە ون بٸر قىزمەتكەرٸن لاۋازىمدارىنان الىپ تاستاعان-دى.
بۇل رۋستام ينوياتوۆتىڭ قىزمەتتەن كەتۋٸن ەسەپكە الماعاندا. كٶپشٸلٸكتٸڭ «ول قىزمەتتەن ٶز ەركٸمەن كەتتٸ» دەگەن ەڭگٸمەگە سەنگەنٸنە قاراماستان, ماقالادا ونداي مٷمكٸندٸك مٷلدەم قاراستىرىلمايدى دا.
سونداي-اق اۆتور 16-اقپاندا ميرزيياەۆ «ارنايى قىزمەتتٸڭ جۇمىسىن 1937 جىلعى رەپرەسسييالارمەن سالىستىرىپ, چەكيستەردٸ قىلمىس جاسادى دەپ, تٸكەلەي ايىپتادى» جەنە جازاعا تارتاتىنىن ەسكەرتتٸ.
— بۇقارادا مەنٸڭ قاجەتتٸ اقپارات الاتىن دەرەككٶزدەرٸم جەتكٸلٸكتٸ. مەن ولاردىڭ جەرگٸلٸكتٸ كەسٸپكەرلەردٸ ناقاقتان ناقاق كٸنەلەپ, جازىقسىز تٷرمەگە قاماعاندارىن جاقسى بٸلەمٸن.
مەنٸڭ قولىمدا, تٸپتٸ, ولاردىڭ ادامداردى قالاي ازاپتاعانىن ايعاقتايتىن سۋرەتتەر دە بار.
مەن وسىنداي زۇلىمدىق جاساعان تەرگەۋشٸلەردٸڭ اتى-جٶنٸن دە بٸلەمٸن. قۇداي بۇيىرتىپ, امان-ەسەن بولساق, ۋاقىتى كەلگەندە, سٸزدەر ولاردى تەلەارنالاردان كٶرەتٸن بولاسىزدار. مەن ولاردىڭ تيٸستٸ جازاسىن الۋى ٷشٸن قولىمنان كەلگەننٸڭ بارلىعىن جاسايمىن. نەگە? ٶيتكەنٸ ەدٸلدٸك سالتانات قۇرۋ كەرەك..
قاجەت بولسا, ولاردى جيىرما جىلعا تٷرمەگە وتىرعىزامىز.
ەدٸلدٸك ورناتۋ ٷشٸن تەرتٸپ كٷشەيتٸلەدٸ. ەشبٸر ەلدە پوگون تاققان وڭباعاندارعا وسىنشاما ٶكٸلەتتٸلٸك بەرٸلمەگەن. تٸپتٸ, 37-جىلى دا مۇنداي بولماعان. سوندىقتان مەن بارلىعىن ٶز ورنىنا قويامىن, – دەپ جازدى ميرزيياەۆتىڭ سٶزٸن كەلتٸرگەن پورتال.
ينوياتوۆ پا? ونى دا وڭدىرماس
ماقالا اۆتورى «ٶزبەكستان باسشىسى مەلٸمدەگەن ارنايى قىزمەت قىزمەتكەرلەرٸ جاساعان قىلمىستار تۋرالى ينوياتوۆتىڭ بٸلمەۋٸ مٷمكٸن ەمەس», دەگەن سەنٸمدە. ەلبەتتە, دەل سولاي دەپ, ايتۋعا بولماس, بٸراق بۇل مٸندەتتٸ تٷردە تۋىندايتىن سۇراق.
— وسى ورايدا, ەگەر ميرزيياەۆتىڭ ساياسي جٸگەرٸ جەتەتٸن بولسا, وندا كەلەسٸن تۇتقىندالاتىن ادام دەل سول رۋستام ينوياتوۆ بولۋ كەرەك دەگەن قيسىندى بولجام تۋىندايدى. ونىڭ ٷستٸنە, «وزودلىقتىڭ» جاسىرىن دەرەككٶزٸنە قۇلاق اساتىن بولساق, وعان قارسى بەرٸلگەن مەلٸمەتتەر دە جەتكٸلٸكتٸ كٶرٸنەدٸ. ول دەرەكتەردٸ سول باياعى راشيد كادىروۆ بەرگەن, — دەيدٸ اۆتور.
وسىدان بٸراز بۇرىن ورتالىق ازيياداعى قاۋٸپسٸزدٸك مەسەلەلەرٸ جٶنٸندەگٸ ساراپشى, ساياساتتانۋشى رۋستام بۇرناشەۆ, 365infoعا بەرگەن سۇقباتىندا ٶزبەكتٸڭ كادر ساياساتىنداعى قىزىقتى ەرەكشەلٸكتەر تۋرالى ايتىپ بەرگەن ەدٸ.
ونىڭ ايتۋىنشا, وسى تۇرعىدان العاندا, ٶزبەك دەستٷرلەرٸ قازاقستاندىققا قاراعاندا, بٸرشاما جٷمساق كٶرٸنەدٸ.
مۇندا لاۋازىمدى تۇلعانى الدىمەن وتستاۆكا جٸبەرەدٸ, تەك سودان كەيٸن, وعان قارسى قىلمىستىق ٸس قوزعالادى. كەيدە قوزعالماۋى دا مٷمكٸن.
بٸراق, قالاي بولعاندا دا, قوعامدا سونشالىقتى ٷلكەن شۋ تۋدىرمايدى. ٶيتكەنٸ ەڭگٸمە قىزمەتتەگٸ شەندٸ تۋرالى ەمەس قوي, — دەگەن-دٸ ساراپشى.
دەگەنمەن. ينوياتوۆ تۋرالى سٶز قوزعايتىن بولساق, ەگەر ونىڭ قاماۋعا الىناتىنى تۋرالى بولجام راستالاتىن بولسا, بۇل جاڭالىقتىڭ ٶزبەك قوعامىندا ٷلكەن رەزونانس تۋدىراتىنى ايدان انىق دٷنيە.
ٶيتكەنٸ ول ٶتە جەكسۇرىن تۇلعا.
ال سول رەزونانستىڭ ارتى نە بولاتىنى مٷلدەم باسقا مەسەلە.
