سىرتقى ٸستەر مينيسترٸنٸڭ بٸرٸنشٸ ورىنباسارى مۇحتار تٸلەۋبەردٸ ۆەدومستۆو سيريياعا كەتكەن قازاقستاندىقتاردىڭ مەسەلەسٸن نازاردا ۇستاپ وتىرعانىن ايتتى, دەپ حابارلايدى Sputnik قازاقستان تٸلشٸسٸ.
"حابار 24" تەلەارناسىنىڭ رەداكتسيياسىنا كٶمەك سۇراپ جٷگٸنگەن ەيەلدٸڭ ايتۋىنشا, قازاقستاننىڭ جەتٸ ازاماتى 16 بالامەن بٸرگە سەگٸز اي بويى سيرييادان ەلگە قايتا الماي وتىر. ولار سيريياعا ورال, اقتٶبە, الماتى جەنە جەزقازعان قالالارىنان بارعان. ايتۋىنشا, قازاقستاندىقتار ٶتە ناشار جاعدايدا تۇرادى, ال بالالار بوسقىندار لاگەرٸندە تٷرلٸ دەرتكە شالدىققان.
مۇحتار تٸلەۋبەردٸ سيرييا مەن يراكتاعى ازاماتتاردىڭ مەكەنجايىن انىقتاۋ بويىنشا جۇمىس جٷرٸپ جاتقانىن مەلٸمدەدٸ.
"ولاردى ەلگە قايتارۋ بويىنشا دا مەسەلە قارالىپ جاتىر. بٸزدٸڭ يوردانيياداعى ەلشٸلٸگٸمٸز بەن ليۆانداعى باس كونسۋلدىق ازاماتتاردى ٸزدەۋمەن اينالىسۋدا. بۇدان بٶلەك بٸز سوندا جٷرگەن ازاماتتاردىڭ اتا-انالارىمەن دە بايلانىستامىز", — دەدٸ ول.
ايتۋىنشا, قاۋٸپتٸ ايماقتارعا كەتكەن وتانداستاردى ەلگە قايتارۋمەن تەك سٸم عانا ەمەس, ارنايى قىزمەت, قورعانىس, ٸشكٸ ٸستەر مينيسترلٸكتەرٸ مەن تٶتەنشە جاعداي كوميتەتٸ دە اينالىسىپ جاتىر. ازاماتتاردى ەلگە قايتارعان جاعدايدا ارنايى ۇشاق بٶلٸنەدٸ.
"قازٸر سيرييا مەن يراكتا ازاماتتارىمىزدىڭ تەرروريستٸك قىزمەتكە قاتىستىلىعى تەكسەرٸلۋدە. ولاردىڭ كٸنەسٸز ەكەندٸگٸ انىقتالعاننان كەيٸن, قازاقستان تاراپىنا بەرٸلەدٸ. كەيبٸر ەيەلدەردٸڭ قاسىندا بالالارى بار. ولاردى وتانعا قايتارۋ ٷشٸن اتا-اناسىنىڭ بالانى الىپ كەتۋگە رۇقساتى كەرەك. ال اناسى نەمەسە ەكەسٸ ارنايى تەكسەرٸس اياقتالعانعا دەيٸن سول جاقتا قالا تۇرادى", —دەدٸ تٸلەۋبەردٸ.
