سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ بٸرٸنشٸ ورىنباسارى ولجاس بەكتەنوۆ ەندٸ مەملەكەتتٸك قىزمەتتەگٸ باسشىلار ٶزٸنە باعىنىشتى قىزمەتكەرلەر سىبايلاس جەمقورلىق قىلمىسىن جاساعان جاعدايدا وتستاۆكاعا كەتۋگە مٸندەتتٸ ەكەنٸن ايتتى, دەپ حابارلايدى Sputnik قازاقستان.
ول "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەملەكەتتٸك قىزمەت جەنە سىبايلاس جەمقورلىققا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭعا ەنگٸزٸلگەن جاڭاشىلدىقتى تٷسٸندٸرٸپ بەردٸ.
"بۇل زاڭنىڭ قابىلدانۋى قازاقستاندا سىبايلاس جەمقورلىققا قارسى كٷرەستٸڭ جاڭا كەزەڭٸ باستالعانىن بٸلدٸرەدٸ. تەۋەلسٸز قازاقستان تاريحىندا تۇڭعىش رەت باسشىلاردىڭ قول استىنداعى قىزمەتكەرلەرٸ ٷشٸن جاۋاپكەرشٸلٸگٸ زاڭنامالىق دەڭگەيدە بەكٸتٸلدٸ", - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگتە.
وتستاۆكاعا كەتۋگە مٸندەتتٸ
ونىڭ ايتۋىنشا, ساياسي مەملەكەتتٸك قىزمەتشٸلەر – مينيسترلەر مەن ولاردىڭ ورىنباسارلارى, وبلىستاردىڭ, نۇر-سۇلتان, الماتى, شىمكەنت قالالارى مەن وبلىس ەكٸمدەرٸ مەن ولاردىڭ ورىنباسارلارى, اۋدان ەكٸمدەرٸ تٸكەلەي باعىنىشتى قىزمەتكەرلەرٸ سىبايلاس جەمقورلىق جاساسا, مٸندەتتٸ تٷردە وتستاۆكاعا شىعۋى قاجەت.
"زاڭنىڭ جاڭا رەداكتسيياسىنا سەيكەس, بٸرٸنشٸ باسشى ونىڭ تٸكەلەي باعىنىشتى قىزمەتكەرٸنە قاتىستى سوتتىڭ ايىپتاۋ ٷكٸمٸ كٷشٸنە ەنگەننەن سوڭ, 10 كٷنتٸزبەلٸك كٷن ٸشٸندە نەمەسە اقتالمايتىن نەگٸزدەر بويىنشا قىلمىستىق ٸس توقتاتىلعاننان كەيٸن وتستاۆكاعا كەتۋگە مٸندەتتٸ", - دەدٸ سىبايلاس جەمقورلىققا قارسى قىزمەت تٶراعاسىنىڭ بٸرٸنشٸ ورىنباسارى.
قانداي قىزمەتكەرلەر باعىنىشتى بولىپ سانالادى?
ولجاس بەكتەنوۆ زاڭ اياسىندا قانداي قىزمەتكەرلەر تٸكەلەي باعىنىشتى رەتٸندە قاراستىرىلاتىنىن تٷسٸندٸردٸ.
"ورتالىق مەملەكەتتٸك ورگاننىڭ باسشىسى (مينيستر) ٷشٸن بۇل ونىڭ ورىنباسارلارى, جاۋاپتى حاتشى نەمەسە اپپارات باسشىسى, ايماقتىق بٶلٸمشەلەردٸڭ باسشىلارى; وبلىس, رەسپۋبليكالىق ماڭىزى بار قالالار, استانا ەكٸمٸ ٷشٸن ونىڭ ورىنباسارلارى, اپپارات باسشىسى, اۋدان (وبلىستىق ماڭىزى بار قالانىڭ) ەكٸمٸ; ورتالىق مەملەكەتتٸك ورگان باسشىسىنىڭ ورىنباسارى (ۆيتسە-مينيستر) ٷشٸن ونىڭ قاراماعىنداعى بٶلٸمشە نەمەسە تەۋەلسٸز قۇرىلىمدىق بٶلٸمشە باسشىسى سىبايلاس جەمقورلىق قىلمىسىن جاساعان كەزدە قىزمەتٸنەن كەتەدٸ", - دەدٸ باسشى.
ونىڭ ايتۋىنشا, وبلىس ەكٸمٸنٸڭ ورىنباسارى جەرگٸلٸكتٸ بيۋدجەتتەن قارجىلاندىرىلاتىن اتقارۋشى ورگانداردىڭ باسشىلارىنا جاۋاپ بەرەدٸ. ال اۋدان ەكٸمٸ ٶزٸنٸڭ ورىنباسارلارىنا, اپپارات باسشىسىنا, جەتەكشٸلٸك ەتەتٸن اۋداندىق اتقارۋشى ورگانداردىڭ باسشىلارىنا, اۋىل, كەنت, اۋىلدىق وكرۋگتەردٸڭ ەكٸمدەرٸنە جاۋاپتى.
سىبايلاس جەمقورلىقتىڭ الدىن الۋعا مٸندەتتەلەدٸ
ۆەدومستۆو تٶراعاسىنىڭ بٸرٸنشٸ ورىنباسارى بۇل زاڭ بويىنشا باسشىلار باعىنىشتى قىزمەتكەرلەرٸنە سىبايلاس جەمقورلىق قىلمىسىن جاساتپاۋعا, ونىڭ الدىن الۋعا مٸندەتتٸ ەكەنٸن اتاپ ٶتتٸ. ول بۇل مٸندەت ورىندالماعان جاعدايدا باسشى تەرتٸپتٸك جاۋاپكەرشٸلٸككە تارتىلاتىنىن ايتتى.
"زاڭناماعا ۇجىمداعى سىبايلاس جەمقورلىقتى بولدىرماۋ مٸندەتٸن جٷيەلٸ تٷردە ورىندامايتىن باسشىلىققا جاۋاپكەرشٸلٸك ەنگٸزٸلدٸ. ەگەر تٸكەلەي باعىنىشتى ادامدار سىبايلاس جەمقورلىق قىلمىس جاساماعان بولسا دا, مەملەكەتتٸك ورگاندا نەمەسە بەلگٸلٸ بٸر ايماقتىق بٶلٸمشەدە سىبايلاس جەمقورلىق دەڭگەيٸ كٷرت جوعارىلاسا, باسشىنى تەرتٸپتٸك جاۋاپكەرشٸلٸككە تارتۋ مەسەلەسٸ قارالادى", - دەپ اتاپ ٶتتٸ ولجاس بەكتەنوۆ.
ونىڭ پٸكٸرٸنشە, سىبايلاس جەمقورلىققا قارسى ٸس-قيمىل اگەنتتٸگٸنٸڭ باستى مٸندەتٸ – باسشىلاردى ٸس جٷزٸندە ٶز ۇجىمىندا سىبايلاس جەمقورلىقتىڭ الدىن الۋعا جەنە بولدىرماۋعا ىقپال ەتۋ.
ايتا كەتەيٸك, بٷگٸن مەملەكەت باسشىسى قاسىم-جومارت توقاەۆ "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەملەكەتتٸك قىزمەت جەنە سىبايلاس جەمقورلىققا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭعا قول قويدى.
زاڭ جوباسى مەملەكەتتٸك قىزمەتشٸلەردٸڭ ەلەۋمەتتٸك قورعالۋىن ارتتىرۋعا, كونكۋرستىق رەسٸمدەردٸ جەتٸلدٸرۋگە, مەملەكەتتٸك قىزمەتشٸلەردٸڭ جەكە جاۋاپكەرشٸلٸگٸن جوعارىلاتۋعا, كادر تاپشىلىعىن ازايتۋعا ىقپال ەتەدٸ.
