ناقتى سۇراققا ناقتى جاۋاپ بەرە الماي سەنات تٶراعاسى قاسىم-جومارت توقاەۆتان سىن ەستٸگەننەن كەيٸن ۇلتتىق ەكونوميكا مينيسترٸ تيمۋر سٷلەيمەنوۆتٸڭ سەناتورلاردىڭ الدىنا العاشقى كەلۋٸ. ەستەرٸڭٸزدە بولسا سول جولى «مينيستر مٷدٸرٸپ قالدى» دەگەن سىن ماقالا بەرٸلٸپ, مينيستردٸڭ دايىندىقسىز كەلۋٸ قوعام ٸشٸندە بٸراز رەنٸش تۋعىزعان. اقيقاتى كەرەك, بۇل جولى مينيستر سەناتقا دايىندالىپ كەلٸپتٸ. قازاقشاسى دا جەپ-جاقسى...
دەگەنمەن, بۇل جولى دا مينيستر سەناتورلاردىڭ سىن ساداعىنان قۇتىلا المادى. سەناتتىڭ ەكونوميكالىق ساياسات, يننوۆاتسييالىق دامۋ جەنە كەسٸپكەرلٸك كوميتەتٸنٸڭ تٶراعاسى ا.بەيسەنباەۆ «زاڭ جوباسىنداعى ٶزگەرتۋلەردٸ رەيتينگ كٶرسەتكٸشٸنە جەنە كەسٸپكەرلٸككە قاتىستى دەپ ايتا المايمىز. زاڭ جوباسىندا كەسٸپكەرلٸككە مٷلدە قاتىسى جوق سالالىق ٶزگەرتۋلەر دە ورىن العان.مىسالى, ەرەكشە قورعالاتىن تابيعي اۋماقتاردا, ورمان قورىن قورعاۋدا, جانۋارلار دٷنيەسٸن قورعاۋدا قانداي كەسٸپكەرلٸك بولۋى مٷمكٸن? ول جەردە تەك زاڭ بۇزاتىن براكونەرلەر بولۋى مٷمكٸن جەنە اۋماقتاعى مەملەكەتتٸك باقىلاۋ مەن قاداعالاۋدى جٷرگٸزەتٸن قىزمەتكەرلەر بولۋى كەرەك» , - دەپ ناقتى مىسالعا جٷگٸنە وتىرىپ, كەمشٸلٸكتٸ اشىپ كٶرسەتتٸ.
ا.بەيسەنباەۆتىڭ ايتۋىنشا, زاڭ جوبالارىن دايىنداۋ بارىسىندا, جاۋاپتى ٶكٸلەتتٸ ورگانمەن قاتار, باسقا دا سالالىق مينيسترلٸكتەردٸڭ بٸرگە جۇمىس اتقارۋى ٶتە ماڭىزدى بولسا, ٶكٸنٸشكە قاراي, زاڭ جوباسىمەن جۇمىس بارىسىندا كەيبٸر مينيسترلٸك ٶكٸلدەرٸنٸڭ ٶزدەرٸنە قاتىستى ٶزگەرٸستەردٸ بٸلمەيتٸندٸگٸ انىقتالعان جەنە ونى قابىلدانعاننان كەيٸنگٸ سالدارى دا زەرتتەلمەگەن.
سەناتورلار الداعى ۋاقىتتا ٷكٸمەت رەيتينگ كٶرسەتكٸشٸن جاقسارتۋعا ارنالعان جۇمىستاردى جٷيەلٸ تٷردە جٷرگٸزٸپ, زاڭدارعا رەيتينگكە تٸكەلەي قاتىستى ٶزگەرتۋلەر ەنگٸزۋٸ قاجەتتٸگٸنە كٶڭٸل اۋداردى.
سەناتور ەدٸل مامىتبەكوۆ ايتقان دەرەكتەر بويىنشا, ەلٸمٸزدە 20 كودەكس قولدانىستا, ونىڭ 19-ىنا ٶزگەرٸستەر مەن تولىقتىرۋلار ەنگٸزٸلدٸ, سونداي-اق 296 ارناۋلى زاڭنىڭ 266-سىنا ٶزگەرٸس ەنگٸزٸلدٸ. «بٸزدٸڭ ويىمىزشا, ەرەجەلەردٸڭ كٶپتٸگٸ مەن زاڭناماعا ۇدايى ٶزگەرٸستەر ەنگٸزۋ ەكونوميكانىڭ تيٸمدٸ دامۋىنا كەدەرگٸ بولادى», - دەگەن سىن ايتتى دەپۋتات.
2018 جىلعا دەيٸنگٸ ەسەپ بويىنشا قازاقستان 190 ەل اراسىندا 36-شى ورىنعا يە بولدى. جاقسى نەتيجە سيياقتى كٶرٸنەدٸ.سونىمەن قاتار, قازاقستان مىناداي كٶرسەتكٸشتەر بويىنشا: «سالىق» 50-شٸ, «قۇرىلىسقا رۇقسات الۋ» 52-شٸ, «ەلەكتر جەلٸلەرٸن قوسۋ» 70-شٸ, «نەسيەالۋ» 77-شٸ, «حالىقارالىق ساۋدا» 123 ورىندى يەلەنٸپ, ارتتا قالىپ كەلەدٸ.
سەناتور دۋلات قۇسداۋلەتوۆ زاڭناماعا ٶزگەرٸستەر ەنگٸزۋ مەن باقىلاۋ-قاداعالاۋ مٸندەتٸن قىسقارتۋ شارالارى ەش كەتكەن ەڭبەككە بالادى. سەناتور بۇل شارالار ۋاقىتشا ەسەر ەتەتٸنٸ تۋرالى پٸكٸرٸن ايتىپ, ٷكٸمەتتٸ بيزنەسپەن جۇمىس ستراتەگيياسىن قايتا قاراۋعا جەنە ودان دا تيٸمدٸ جۇمىس ەدٸستەرٸن ٸزدەستٸرۋگە شاقىردى.
دەگەنمەن, مينيستر سەناتورلاردىڭ سىنىنا تٶتەپ بەردٸ. سٶيتٸپ, ەسكەرتۋلەر مەن ۇسىنىستاردىڭ بەرٸ ٶزەكتٸ ەكەنٸ ايتىلىپ, زاڭ جوباسىن ەزٸرلەۋشٸلەر ولاردى الداعى ۋاقىتتا ٷكٸمەتتە ەزٸرلەنٸپ جاتقان جەنە مەجٸلٸستٸڭ قاراۋىنا ۇسىنىلعان باسقا زاڭ جابالارىندا,باسقا نورمالىق-قۇقىقتىق اكتٸلەردٸ ەزٸرلەۋ بارىسىندا ەسكەرۋگە كەلٸستٸ.
مينيستر سەناتورلاردىڭ سىن ساداعىنا ٸلٸككەنٸمەن, بۇل جولى سەناتتان كٶڭٸلدٸرەك شىقتى. كەيپٸندە بٸر سەنٸمدٸلٸك بار. دەل وسى بەتٸنەن تايماسا, بٸرەر جىلدا ەسەپ-قيساپتى قازاقشا سۋشا ساپىراتىن تٷرٸ بايقالادى. كٶز تيمەسٸن. ٶز تٸلٸن ٶگەيسٸنٸپ جٷرگەندەردٸ وسىلاي توقاەۆشا سٸلكٸپ-سٸلكٸپ قويعاننىڭ زييانى جوق سيياقتى عوي.
ەدٸلبەك قابا
