استانادا باستالاتىن سيرييا بەيبٸت كەلٸسسٶزٸنٸڭ كەزەكتٸ بەسٸنشٸ كەزدەسۋٸندە سيرييادا تٶرت دەەسكالاتسييا ايماعىن قۇرۋ تۋرالى مەموراندۋمدى ٸسكە اسىرۋ جولدارى تالقىلانادى, - دەپ مەلٸمدەدٸ قازاقستان سىرتقى ٸستەر مينيسترٸ قايرات ابدراحمانوۆ. كەلٸسسٶز Rixos President Astana قوناقٷيٸندە ٶتەدٸ.
استانادا جۋرناليستەرگە سۇحبات بەرگەن ابدراحمانوۆ كەلٸسسٶز نەگٸزٸنەن گارانت ەلدەر رەسەي, تٷركييا جەنە يران اراسىندا ٶتٸپ جاتقانىن ايتتى. كەلٸسسٶزگە رەسەي بيلٸگٸنٸڭ جوعارى شەندٸ ٶكٸلدەرٸ, تٷركييا, يران سىرتقى ٸستەر مينيسترلەرٸنٸڭ ورىنباسارلارى, سيرييا ٷكٸمەتٸنٸڭ دەلەگاتسيياسى, سيرييا قارۋلى وپپوزيتسيياسى دەلەگاتسيياسىنىڭ توعىز ٶكٸلٸ كەلگەن.
"بۇل مەموراندۋمدى ٸسكە اسىرۋدا دەەسكالاتسييا زونالارىنىڭ شەكاراسىن ايقىنداۋ, زونالاردىڭ قىزمەت ەتۋٸن باقىلاۋ, ولاردىڭ شەكارالارىندا قاداعالاۋ-ٶتكٸزۋ بەكەتتەرٸن ورناتۋ مەسەلەلەرٸن تالقىلاۋ ٶتە ماڭىزدى" دەدٸ ابدراحمانوۆ. ونىڭ سٶزٸنشە, گارانت ەلدەر سونىمەن قاتار سيرييا تەرريتوريياسىنداعى يۋنەسكو قورعاۋىنا الىنعان تاريحي, مەدەني نىسانداردى مينادان تازارتۋ مەسەلەلەردٸ دە تالقىلاماق.
ابدراحمانوۆتىڭ ايتۋىنا قاراعاندا, رەسەيدٸڭ سيريياداعى قاقتىعىستى توقتاتۋ رەجيمٸن باقىلاۋ ورتالىعىنىڭ مەلٸمەتٸنشە, سيريياداعى اتىستى توقتاتۋ رەجيمٸنە 65-كە جۋىق وپپوزيتسييالىق قارۋلى توپتار قوسىلعان.
بەسٸنشٸ كەزدەسۋ باستاپقىدا 12–13 ماۋسىمعا بەلگٸلەنڭپ, بٸراق كەيٸنگە شەگەرٸلگەن. وسىعان دەيٸنگٸ كەزدەسۋدە گارانت ەلدەر - رەسەي, تٷركييا جەنە يران سيرييادا تٶرت قاۋٸپسٸزدٸك ايماعىن قۇرۋ جٶنٸندە مەموراندۋم جاساعان. بٸراق وپپوزيتسييا رەسەيدٸڭ بۇل جوسپارىنان باس تارتقان.
سيريياداعى جانجالدا يران مەن رەسەي سيرييا پرەزيدەنتٸ باشار اسادتى قولدايدى. ال تٷركييا كەيبٸر قارۋلى كٶتەرٸلٸسشٸلەردٸ جاقتايدى.
