سۋرەت اشىق دەرەككٶزدەن الىندى
اۋىل شارۋاشىلىعى مينيسترٸ ەربول قاراشٶكەەۆ قازاقستاندا پيياز باعاسىنىڭ ٶسۋٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz سايتى.
ٷكٸمەتتە ٶتكەن بريفينگتە جۋرناليستەر مينيسترگە ٸرٸ ازىق-تٷلٸك جەلٸلەرٸندەگٸ پيياز باعاسىنىڭ كٷرت كٶتەرٸلۋٸنە قاتىستى ساۋال قويدى.
"بۇل قىسقا مەرزٸمدٸ ٶسٸمگە بايلانىستى دٷربەلەڭ. بٸز پيياز نارىعىنداعى سوڭعى ايدا قالىپتاسقان جاعدايدى بٸلەمٸز", - دەپ جاۋاپ بەردٸ قاراشٶكەەۆ.
ول ٶتكەن جىلى 1,5 ميلليون توننا پيياز ٶندٸرٸلگەنٸن, ونىڭ 1 ميلليون 100 مىڭى تەك جامبىل وبلىسىندا ٶندٸرٸلگەنٸن ايتتى.
"كەيٸن پيياز ەكسپورتتاۋشى پەكٸستانداعى تابيعي قۇبىلىستاردىڭ سالدارىنان (سۋ تاسقىنى, اۋا رايىنىڭ اياق استىنان سۋىتۋى) پيياز جەتكٸزۋ كٶلەمٸ ازايدى. سونىمەن قاتار كٶرشٸمٸز ٶزبەكستاندا پييازعا سۇرانىس ارتتى. وسى جاعدايلاردى ەسكەرە وتىرىپ, بٸز پيياز ەكسپورتىنا ۋاقىتشا شەكتەۋ قويدىق", - دەدٸ مينيستر.
مينيستردٸڭ ايتۋىنشا, پيياز باعاسى باقىلاۋدا.
"بٷگٸندە جامبىل وبلىسىندا 100 مىڭ توننا پيياز قورى بار. بۇل كەلەسٸ ەگٸس ماۋسىمىنا دەيٸن جەتكٸلٸكتٸ. قازٸر كٶتەرمە باعا 150 تەڭگەدەن 230 تەڭگە اراسىندا اۋىتقىپ تۇر. بۇل قۇبىلىس لوگيستيكامەن بايلانىستى. جاقىن ارادا مەسەلە رەتتەلەدٸ. ەلٸمٸزدە پيياز بار. ستاتيستيكاعا سٷيەنسەك, اقپاننىڭ باسىندا, استانادا پييازدىڭ كەلٸسٸ 190 - 210 تەڭگە بولدى", - دەيدٸ ول.
