sýret ashyq derekkózden alyndy
Aýyl sharýashylyǵy ministri Erbol Qarashókeev Qazaqstanda piiaz baǵasynyń ósýine qatysty pikir bildirdi, - dep habarlaidy Tengrinews.kz saity.
Úkimette ótken brifingte jýrnalister ministrge iri azyq-túlik jelilerindegi piiaz baǵasynyń kúrt kóterilýine qatysty saýal qoidy.
"Bul qysqa merzimdi ósimge bailanysty dúrbeleń. Biz piiaz naryǵyndaǵy sońǵy aida qalyptasqan jaǵdaidy bilemiz", - dep jaýap berdi Qarashókeev.
Ol ótken jyly 1,5 million tonna piiaz óndirilgenin, onyń 1 million 100 myńy tek Jambyl oblysynda óndirilgenin aitty.
"Keiin piiaz eksporttaýshy Pákistandaǵy tabiǵi qubylystardyń saldarynan (sý tasqyny, aýa raiynyń aiaq astynan sýytýy) piiaz jetkizý kólemi azaidy. Sonymen qatar kórshimiz Ózbekstanda piiazǵa suranys artty. Osy jaǵdailardy eskere otyryp, biz piiaz eksportyna ýaqytsha shekteý qoidyq", - dedi ministr.
Ministrdiń aitýynsha, piiaz baǵasy baqylaýda.
"Búginde Jambyl oblysynda 100 myń tonna piiaz qory bar. Bul kelesi egis maýsymyna deiin jetkilikti. Qazir kóterme baǵa 150 teńgeden 230 teńge arasynda aýytqyp tur. Bul qubylys logistikamen bailanysty. Jaqyn arada másele retteledi. Elimizde piiaz bar. Statistikaǵa súiensek, aqpannyń basynda, Astanada piiazdyń kelisi 190 - 210 teńge boldy", - deidi ol.
