ەكولوگييا جەنە تابيعي رەسۋرستار مينيسترٸ ەرلان نىسانباەۆ «جاڭبىر ادامى» التاي اينابەكتٸڭ ارالدىڭ ارناسىن جاڭبىر شاقىرۋ تەسٸلٸ ارقىلى قالپىنا كەلتٸرۋ جوباسى تۋرالى پٸكٸر بٸلدٸردٸ, دەپ حابارلايدى "ۇلت اقپارات" Kazinform اقپارات اگەنتتٸگٸنە سٸلتەمە جاساپ.
ٷكٸمەت وتىرىسىنان كەيٸن ٶتكەن باسپاسٶز مەسليحاتىندا باق ٶكٸلٸ التاي اينابەكتٸڭ ەلەۋمەتتٸك جەلٸدە كٶپ تالقىلانىپ جٷرگەن جوباسىنا مينيسترلٸك قانداي باعا بەرەتٸنٸن سۇرادى.
"بٸرٸنشٸدەن, بۇل كٷندەرٸ بٸزدٸڭ قازگيدرومەتتٸڭ بولجامى بويىنشا جاڭبىر جاۋۋ كەرەك بولاتىن. مەسەلەن, مىناۋ العاشقى 10 كٷنگە بەرٸلگەن بولجام ەر كەز ٶتە ناقتى بولادى. ەكٸنشٸدەن, دٷنيە جٷزٸندەگٸ وسى مەسەلەمەن اينالىساتىن عالىمدار دا, مەكەمەلەر دە يونداۋ تەسٸلٸنە كٷمەنمەن قاراپ وتىر. بۇل ٶزٸ — بىلاي ادام سەنٸڭكٸرەمەيتٸن, ەرٸ ناقتى دەلەلٸ جوق تەسٸل. ارال ٶڭٸرٸندەگٸ جاڭبىر تۋرالى ايتساق, ەرينە بٸز قىزىعۋشىلىق تانىتىپ, قازگيدرومەت ماماندارىن شاقىرىپ قارادىق. سينوپتيك بولجامى بويىنشا سول كٷندەرگە جاڭبىر بەلگٸلەنگەن. سول سەبەپتەن دٷنيەجٷزٸندەگٸ عالىمداردىڭ ۇستانىمىمەن ايتساق, بۇعان كٶپ سەنە بەرۋگە بولمايدى", — دەدٸ ە.نىسانباەۆ.
ەسكە سالا كەتەيٸك, سوڭعى كٷندەرٸ التاي اينابەك اتتى عالىم ارال تەڭٸزٸن سۋعا تولتىرۋ ٷشٸن جاڭبىر شاقىرىپ, ەڭبەكتەنٸپ جاتقانىن ايتىپ, ەلەۋمەتتٸك جەلٸدە تانىمال بولعان ەدٸ.
