Ekologiia jáne tabiǵi resýrstar ministri Erlan Nysanbaev «jańbyr adamy» Altai Ainabektiń Araldyń arnasyn jańbyr shaqyrý tásili arqyly qalpyna keltirý jobasy týraly pikir bildirdi, dep habarlaidy "Ult aqparat" Kazinform aqparat agenttigine silteme jasap.
Úkimet otyrysynan keiin ótken baspasóz máslihatynda BAQ ókili Altai Ainabektiń áleýmettik jelide kóp talqylanyp júrgen jobasyna ministrlik qandai baǵa beretinin surady.
"Birinshiden, bul kúnderi bizdiń Qazgidromettiń boljamy boiynsha jańbyr jaýý kerek bolatyn. Máselen, mynaý alǵashqy 10 kúnge berilgen boljam ár kez óte naqty bolady. Ekinshiden, dúnie júzindegi osy máselemen ainalysatyn ǵalymdar da, mekemeler de iondaý tásiline kúmánmen qarap otyr. Bul ózi — bylai adam senińkiremeitin, ári naqty dáleli joq tásil. Aral óńirindegi jańbyr týraly aitsaq, árine biz qyzyǵýshylyq tanytyp, Qazgidromet mamandaryn shaqyryp qaradyq. Sinoptik boljamy boiynsha sol kúnderge jańbyr belgilengen. Sol sebepten dúniejúzindegi ǵalymdardyń ustanymymen aitsaq, buǵan kóp sene berýge bolmaidy", — dedi E.Nysanbaev.
Eske sala keteiik, sońǵy kúnderi Altai Ainabek atty ǵalym Aral teńizin sýǵa toltyrý úshin jańbyr shaqyryp, eńbektenip jatqanyn aityp, áleýmettik jelide tanymal bolǵan edi.
