فوتو: kommersant.ru
قازاقستاندىق ميللياردەر كەڭەس راقىشەۆ مەسكەۋ ماڭىنداعى اۋماعى 841 شارشى مەتر ٷيٸن ساتۋعا قويدى. بۇل تۋرالى Telegram-داعى "ۆىحود ك موريۋ" ارناسى جازدى, دەپ حابارلايدى ازاتتىق راديوسى.
رەسەيلٸك جىلجىمايتىن مٷلٸك اگەنتتٸگٸ شىعارعان حابارلاما قازٸر اشىلماي تۇر. الايدا اگەنتتٸك ٶكٸلٸ بۇل ٷي ەلٸ ساتىلىمدا ەكەنٸن ايتقان.
"حابارلاما سايتتان مٷلٸك يەسٸنٸڭ ٶتٸنٸشٸمەن الىپ تاستالدى. بٸراق ٷي ساتىلادى دەگەن شەشٸم ٶزگەرگەن جوق" دەدٸ ٶزٸن ميحايل بۋرىكين دەپ تانىستىرعان NF Group جىلجىمايتىن مٷلٸك اگەنتتٸگٸنٸڭ قىزمەتكەرٸ. ونىڭ ايتۋىنشا, ٷيدٸڭ قۇنىنا ٸشٸندەگٸ جيھاز بەن تەحنيكا باعاسى دا كٸرەدٸ.
69 سوتىق جەردە ورنالاسقان ەكٸقاباتتى كوتتەدجدٸڭ باستاپقى باعاسى 850 ميلليون رۋبل بولعان, قازٸر 670 ميلليون رۋبلگە (شامامەن 4 ملرد تەڭگە) تٷسكەن.
ٷي مەسكەۋدەگٸ ەڭ قىمبات اۋداندا – رۋبلەۆو-ۋسپەنسكوە كٷرەجولىندا ورنالاسقان. جىلجىمايتىن مٷلٸك اگەنتتٸگٸنٸڭ حابارلاماسى بويىنشا, وندا ٷش جاتىن بٶلمە, بٸرنەشە زال, اۋماعى 234 شارشى مەتر مونشا, ٷش اۆتوكٶلٸك سىياتىن گاراج بەن قىزمەتكەرگە ارنالعان بٸر بٶلمەلٸ ٷي بار.
اگەنتتٸك ٶكٸلٸ ٷي يەسٸ قازٸر رەسەيدە تۇرمايتىنىن, سول ٷشٸن ساتقىسى كەلەتٸنٸن ايتتى.
دەل وسى ٷيدٸڭ قازاقستاندىق ميللياردەر كەڭەس راقىشەۆقا تيەسٸلٸ ەكەنٸن ٷش جىل بۇرىن رەسەيلٸك "پروەكت" باسىلىمى جازعان. باسىلىم رۋبلەۆو-ۋسپەنسكوە كٷرەجولى مەسكەۋدەگٸ ەڭ قىمبات جەر ەكەنٸن جازىپ, وندا ورنالاسقان جىلجىمايتىن مٷلٸكتٸڭ كٶبٸنە رەسەي بيلٸگٸنە قاتىسى بار بايلار مەن شەنەۋنٸكتەر يەلٸك ەتەتٸنٸن زەرتتەگەن. ولار ەزٸرلەگەن كارتاعا قاراساق, راقىشەۆپەن بٸر كٶشەدە ورىس-ٶزبەك وليگارحى ەلٸشەر وسمانوۆتىڭ تۋعان ەپكەسٸ گٷلباحور يسمايلوۆا تۇرادى. ول دا ٷيٸن ساتىلىمعا شىعارعان.
ازاتتىق بىلتىر راقىشەۆ پەن ونىڭ ەيەلٸ ەسەل تاسماعامبەتوۆانىڭ الماتىداعى سارايىن انىقتاعان. زەۋلٸم ٷي بۇرىن قازاقستان كومپارتيياسىنىڭ دەمالىس ٷيٸ بولىپ, كەيٸن جەكەشەلەندٸرٸلگەن المالى قالاشىعىندا ورنالاسقان. سارايدىڭ قاسىندا نۇرسۇلتان نازارباەۆتىڭ "ەلباسى قورىنا" قارايتىن رەزيدەنتسييا, تٸكۇشاق قوناتىن الاڭ بار.
