رەسەي, قىتاي جەنە يرانمەن بايلانىستى حاكەرلەر اقش-تا الداعى ۋاقىتتا ٶتەتٸن پرەزيدەنت سايلاۋىنا قاتىسى بار ادامدار مەن توپتاردى اڭدىپ جٷر. بۇل تۋرالى بەيسەنبٸ كٷنٸ Microsoft كومپانيياسى حابارلادى. كومپانييانىڭ ايتۋىنشا, تٶرت جىل بۇرىن دەموكراتييالىق پارتييانىڭ سەرۆەرٸن بۇزۋعا ارالاسقان حاكەرلەر ەندٸ سايلاۋعا ىقپال ەتۋگە تىرىسىپ جاتىر.
"سىرتتان بەلسەندٸلٸك ارتىپ كەلەدٸ, سايلاۋ پروتسەسٸنە ىقپال ەتۋگە كٷش سالعان ەرەكەتتەر كٶبەيدٸ" دەدٸ Microsoft ٶكٸلدەرٸ.
ساراپشىلاردىڭ ايتۋىنشا, حاكەرلەر ەسٸرەسە پرەزيدەنت سايلاۋىنا تٷسەتٸن رەسپۋبليكاشىلدار كانديداتى دونالد ترامپ پەن دەموكراتتار ۇسىنعان كانديدات دجو بايدەندٸ نىساناعا الىپ وتىر.
Microsoft رەسەيلٸك Strontium حاكەرلەر توبىنىڭ 200-دەن استام ۇيىمعا كيبەرشابۋىل جاساۋعا تىرىسقانىن ايتادى.
"2016 جىلداعىداي Strontium قولدانۋشىلاردىڭ تٸركەۋ دەرەكتەرٸن ۇرلاۋعا كٷش سالىپ وتىر. ەزٸرگە تولىق ەمەس مەلٸمەت بويىنشا ولار دەرەكتٸ ارنايى قىزمەتكە اقپارات جيناۋعا كٶمەكتەسۋ ٷشٸن نەمەسە قارالاۋ كامپانيياسىنا پايدالانعىسى كەلەدٸ" دەدٸ Microsoft كومپانيياسىنىڭ ۆيتسە-پرەزيدەنتٸ توم بەرت.
بريتاندىق BBC سايتىنىڭ جازۋىنشا, Fancy Bear اتپەن دە بەلگٸلٸ Strontium توبىن ساراپشىلار رەسەيلٸك ەسكەري بارلاۋ قىزمەتٸمەن (گرۋ) بايلانىستىرادى. مامانداردىڭ پايىمداۋىنشا, سول حاكەرلەر توبىنىڭ بريتاندىق ساياسي پارتييالارعا باعىتتالعان كيبەرشابۋىلدارعا دا قاتىسى بار. دەگەنمەن Microsoft ناقتى قاي ساياسي پارتييالار ەكەنٸن اشىپ كٶرسەتپەگەن.
IT كومپانيياسىنىڭ مەلٸمەتٸنشە, قىتاي حاكەرلەرٸ دجو بايدەن اينالاسىنداعى ادامداردى تٶڭٸرەكتەسە, يراننىڭ كيبەرالاياقتارى اق ٷي جەتەكشٸسٸ ترامپمەن بايلانىستى ادامداردىڭ كومپيۋتەرٸنە شابۋىل جاساپ جاتىر. Microsoft مەلٸمەتٸنشە, كيبەرشابۋىلداردىڭ باسىم بٶلٸگٸ نەتيجەسٸز اياقتالعان.
مەسەلەدەن حابارى بار اقپارات كٶزٸنە سٷيەنگەن Reuters اگەنتتٸگٸ 10 قىركٷيەكتە رەسەيمەن بايلانىسى بولۋى مٷمكٸن حاكەرلەر امەريكالىق SKDKnickerbocker كونستالتينگ كومپانيياسىنا كيبەرشابۋىل جاساعانىن حابارلادى. دەموكراتييالىق پارتييا اتىنان سايلاۋعا تٷسەتٸن دجو بايدەننٸڭ شتابى وسى كومپانييامەن بٸرگە جۇمىس ٸستەيدٸ. Reuters-تٸڭ اقپارات كٶزٸنٸڭ ايتۋىنشا, كومپانيياعا شابۋىل جاسالاتىنىن بۇعان دەيٸن Microsoft ماماندارى ەسكەرتكەن.
مەسكەۋ ٶزگە ەلدەردەگٸ سايلاۋعا قاتىسى بارى تۋرالى ايىپتاۋلاردى ٷنەمٸ جوققا شىعارادى. 2016 جىلعى اقش-تاعى پرەزيدەنت سايلاۋىنا دا قاتىسى جوعىن ايتقان.
