مەرزٸمدٸ ەسكەري قىزمەتشٸلەر ارىس قالاسى پوليگونىنداعى جۇمىسقا تارتىلمايدى. قورعانىس مينيسترٸ نۇرلان ەرمەكباەۆ ٷكٸمەت وتىرىسىنان كەيٸن تٸلشٸلەرگە بەرگەن سۇحباتىندا وسىلاي دەدٸ, دەپ حابارلايدى "ۇلت اقپارات".
«جوعارعى باس قولباسشىنىڭ بٸزگە بەرگەن تاپسىرماسى بار. وق-دەرٸلەردٸ تەزٸرەك الىپ شىعۋ ماقساتىنداعى مەملەكەتتٸك قاجەتتٸلٸك, ارىس قالاسى تۇرعىندارىنىڭ تالاپتارى بارشىلىق. بٸز بۇل باعىتتا جۇمىس جٷرگٸزٸپ جاتىرمىز», - دەدٸ نۇرلان ەرمەكباەۆ.
ونىڭ ايتۋىنشا, قازٸرگٸ ۋاقىتتا ارىستاعى جاعدايدى رەتكە كەلتٸرۋ ٷشٸن 700 ەسكەري قىزمەتشٸ جۇمىلدىرىلعان.
«بٸز ول جاققا مەرزٸمدٸ ەسكەري قىزمەتشٸلەردٸ تارتپايمىز. وندا بٸلٸكتٸلٸگٸ جوعارى, دايىندالعان ساپەرلەر, ينجەنەرلەر مەن ەسكەري پوليتسەيلەر عانا بارادى. بارلىعى دا - كەلٸسٸمشارت بويىنشا قىزمەتتەگٸلەر», - دەدٸ ول.
سونىمەن بٸرگە مينيستر قالانى وق-دەرٸدەن تازارتۋ جۇمىستارىن تەك ماماندانعان ەسكەريلەر جٷرگٸزە الاتىنىن مەلٸم ەتتٸ.
«بۇل ەلبەتتە, قاۋٸپتٸ جۇمىس. ارىس قالاسىنىڭ تىنىشتىعىن ساقتاپ, تاپسىرمانى ورىنداۋ ٷشٸن ەسكەري قىزمەتشٸلەر سانالى تٷردە تەۋەكەلگە بارىپ جٷر. ەسكەري قىزمەتشٸلەردەن باسقا ەشكٸم بۇل جۇمىستى اتقارا المايدى. بۇل ٷشٸن, تاعى دا ايتا كەتەيٸن, دايىندىعى مىعىم ەسكەري ماماندار تارتىلعان. دەل قازٸرگٸ ۋاقىتتا قالا تۇرعىندارىنا تٸكەلەي قاۋٸپ جوق. قالا تولىعىمەن تازارتىلعان. نەگٸزگٸ جۇمىس جارىلىس بولعان ەسكەري بٶلٸم اۋماعىندا جٷرگٸزٸلۋدە», - دەدٸ ول.
ەسكە سالا كەتسەك, بۇعان دەيٸن قورعانىس مينيسترٸ نۇرلان ەرمەكباەۆ ارىس ماڭىندا جارىلىستان قازا تاپقان ەسكەري قىزمەتشٸنٸڭ تۋعان-تۋىستارىنا كٶڭٸل ايتقان بولاتىن.
