گەرمانييا كانتسلەرٸ انگەلا مەركەل جەنە سىرتقى ٸستەر مينيسترٸ حايكو مااس رەسەي بيلٸگٸن وپپوزيتسييالىق ساياساتكەر الەكسەي ناۆالنىيعا ۋ بەرگەندەردٸ تاۋىپ, جاۋاپكەرشٸلٸككە تارتۋعا شاقىردى. دٷيسەنبٸ كٷنٸ مەركەل مەن مااستىڭ ورتاق مەلٸمدەمەسٸندە وسىلاي دەپ جازىلعان.
24 تامىزدا ناۆالنىيدى ەمدەپ جاتقان بەرليندەگٸ “شاريتە” اۋرۋحاناسى ساياساتكەردٸڭ اعزاسىنان ينگيبيتور حولينەستەراز توبىنا جاتاتىن ۋلى زاتتار تابىلعانىن حابارلاعان بولاتىن.
بۇل توپقا “نوۆيچوك” ۋى دا كٸرەدٸ, 2018 جىلى سەرگەي سكريپال مەن قىزى يۋلييا سكريپال دا دەل وسى زاتتان ۋلانعان ەدٸ.
“ناۆالنىي مىرزانىڭ رەسەي وپپوزيتسيياسىنداعى جەتەكشٸ رٶلٸن ەسكەرە وتىرىپ, بيلٸكتەن وسى قىلمىستى مۇقييات ەرٸ اشىق زەرتتەۋ تالاپ ەتٸلٸپ جاتىر” دەلٸنگەن مەلٸمدەمەدە.
گەرمانييا باسشىلارى مەلٸمدەمەدە سونىمەن بٸرگە ناۆالنىي تولىق جازىلاتىن شىعار دەپ ٷمٸتتەنەتٸنٸن دە جەتكٸزگەن. كلينيكانىڭ مەلٸمدەمەسٸندە ونىڭ ٶمٸرٸنە قاتتى قاۋٸپ تٶنٸپ تۇرماعانى, بٸراق ساياساتكەردٸڭ ەسٸن ەلٸ جيماعانى تۋرالى جازىلعان. دەرٸگەرلەر ۋدىڭ ۇزاق ۋاقىت ەسەر ەتۋٸ مٷمكٸن ەكەنٸن دە جوققا شىعارماعان.
رەسەي بيلٸگٸ “شاريتە” كلينيكاسىنىڭ حابارلاماسىنا بايلانىستى پٸكٸر ايتپادى.
رەسەي پرەزيدەنتٸ ۆلاديمير پۋتيننٸڭ قارسىلاسى, جەمقورلىققا قارسى ناۋقان جٷرگٸزگەن الەكسەي ناۆالنىي 20 تامىزدا تومسكٸدەن مەسكەۋگە بارا جاتقان ۇشاقتىڭ ٸشٸندە ەسٸنەن تالىپ, ارتىنان كوماعا تٷسكەن. ناۆالنىي ۇشاققا وتىرماس بۇرىن تومسك ەۋەجايىندا بٸر كەسە قارا شاي ٸشكەن. ونىڭ جاقتاستارى سول شايعا ۋ قوسىلعان دەپ سانايدى. ال ونى ومبىدا ەمدەگەن دەرٸگەرلەر بۇعان دەيٸن زات الماسۋ پروتسەسٸنٸڭ بۇزىلعانىن, اعزاسىنان قاۋٸپتٸ زات تابىلمادى دەپ حابارلاعان بولاتىن.
