بٷگٸن استاناداعى ورتالىق كوممۋنيكاتسييالار قىزمەتٸندە «قازاقستان» رترك» اق ۇيىمداستىرۋىمەن «مەن قازاقپىن» اتتى حالىقارالىق مەگاجوباعا بايلانىستى باسپاسٶز مەسليحاتى ٶتتٸ.
شاراعا مەملەكەت جەنە قوعام قايراتكەرٸ مىرزاتاي جولداسبەكوۆ جەنە «قازاقستان» رترك» اق باسقارما تٶراعاسى ەرلان قارين قاتىستى.
جوبانىڭ ماقساتى – ەلٸمٸزدٸڭ تٷكپٸر-تٷكپٸرٸندەگٸ دەستٷرلٸ ەنشٸ-تەرمەشٸ, كٷيشٸلەردٸڭ باسىن بٸر ارنادا توعىستىرىپ, ەلٸمٸزدٸڭ ەر ايماعىندا قالىپتاسقان ٶنەر مەكتەپتەرٸنٸڭ تاڭداۋلى تۋىندىلارىن دەرٸپتەۋ ماقساتىندا اتادان-بالاعا مۇرا بولىپ كەلە جاتقان تٶل ٶنەرٸمٸز كٷي, جىر-تەرمەنٸ دامىتىپ, زامانعا ساي جاڭاشالاندىرىپ, ٶسكەلەڭ ۇرپاققا ناسيحاتتاۋ.
ايتا كەتەيٸك, قازاقستان رەسپۋبليكاسىنىڭ اقپارات جەنە كوممۋنيكاتسييا مينيسترلٸگٸنٸڭ قولداۋىمەن «قازاقستان» رترك» اق بٸرلەسٸپ 2017 جىلى «مەن قازاقپىن» اتتى حالىقارالىق تەلەۆيزييالىق مەگاجوباسىن جٷزەگە اسىرعان بولاتىن.
«قازاقستان» رترك اق باسقارما تٶراعاسى ەرلان قارين: «بيىل, «مەن قازاقپىن» جوباسىنا ەلٸمٸزدٸڭ 14 ايماعىنان, 170 اۋدان قاتىسادى دەپ جوسپارلانۋدا. سونداي-اق, ەدەتتەگٸدەي شەتەلدەگٸ قانداستارىمىزدى تارتۋ ٷشٸن رەسەيدٸڭ استراحان, موڭعولييانىڭ بايان-ٶلگەي جەنە قىرعىزستاندا ۇيىمداستىرۋ جۇمىستارىن جٷرگٸزەتٸن بولامىز. بۇل جوبا ۇلتتىق تٶل ٶنەرٸمٸزدٸ دامىتۋ عانا ەمەس, جاڭا ەسٸمدەر اشۋمەن قاتار, ەلٸمٸزدەگٸ ەنشٸ-تەرمەشٸلەر مەن كٷيشٸلەردٸڭ ٶنەرٸن كەڭٸنەن ناسيحاتتاۋ» - دەدٸ.
ٶتكەن جىلى, بۇل اۋقىمدى جوباعا 3000-نان استام ٷمٸتكەر ٶتٸنٸش بٸلدٸرٸپ, وبلىستىق ٸرٸكتەۋگە 700-دەي ادام قاتىسقان بولاتىن. ال, استانادا ٶتكەن تەلەۆيزييالىق جوباعا 57 ٶنەرپاز باق سىناسىپ, ٶنەرلەرٸن ورتاعا سالدى. ٷش ايعا سوزىلعان تەلەۆيزييالىق بايقاۋدا ەنشٸ, كٷيشٸ, تەرمەشٸلەردٸڭ ٷزدٸگٸن انىقتاۋعا قازىلار القاسىمەن بٸرگە كٶرەرمەندەر دە داۋىس بەرۋ ارقىلى اتسالىستى.
وسىلايشا, «مەن قازاقپىن» مەگاجوباسىنىڭ بٸرٸنشٸ ماۋسىمداعى شىعارىلىمى تەۋەلسٸزدٸك كٷنٸ قارساڭىندا مەرەگە جەتتٸ. جەڭٸمپازداردى ماراپاتتاۋ استانا قالاسى ورتالىق كونتسەرت زالىندا ٶتٸپ, فيناليستەر جەنە ٶنەر شەبەرلەرٸنٸڭ قاتىسۋىمەن گالا-كونتسەرت ٶتتٸ.
حالىقارالىق دەڭگەيدە ۇيىمداستىرىلعان «مەن قازاقپىن» مەگا جوباسىنا ٶنەرپازداردى تارتۋ ٷشٸن شەت ەلدەرگە ٸس-ساپار ۇيىمداستىرىلىپ, قىتاي, رەسەي, موڭعولييا ەلدەرٸندە تۇراتىن قانداستارىمىز دا ٶنەرلەرٸن كٶرسەتۋگە مٷمكٸندٸك العان بولاتىن.
سونداي-اق, جوبا اياسىندا ەر ٶڭٸردٸڭ تاريحىنا, ەل ٸشٸندەگٸ اعايىننىڭ تۇرمىس-تٸرشٸلٸگٸنە بايلانىستى 20 فيلم دايىندالىپ, ەفيرگە شىققان ەدٸ.
ايتا كەتەيٸك, شىعارماشىلىق ۇجىمنىڭ ەڭبەگٸ لايىقتى باعالانىپ بيىل ٶتكەن «تۇمار» ۇلتتىق تەلەۆيزييالىق بايقاۋىندا «ٷزدٸك ويىن-ساۋىق جوبا» اتالىمىن جەڭٸپ الدى.
