قاسىم-جومارت توقاەۆ قىرعىزستان پرەزيدەنتٸ سادىر جاپاروۆپەن شاعىن قۇرامدا كەلٸسسٶزدەر ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
اقوردا رەزيدەنتسيياسىندا قىرعىز پرەزيدەنتٸ سادىر جاپاروۆتى سالتاناتتى قارسى الۋ رەسٸمٸ ٶتتٸ. ەكٸ ەلدٸڭ مەملەكەتتٸك ەنۇراندارى ورىندالعاننان كەيٸن قۇرمەت قاراۋىلى روتاسىنىڭ باستىعى قازاقستان مەن قىرعىزستان پرەزيدەنتتەرٸنە راپورت بەردٸ. مەملەكەت باسشىلارى قۇرمەت قاراۋىلىنىڭ الدىنان ٶتٸپ, شاعىن قۇرامدا كەلٸسسٶزدەر جٷرگٸزۋ ٷشٸن رەزيدەنتسييانىڭ «شىعىس زالىنا» باردى.
قاسىم-جومارت توقاەۆ سادىر جاپاروۆتىڭ پرەزيدەنت رەتٸندە العاشقى مەملەكەتتٸك ساپارىن قازاقستاننان باستاعانىنىڭ ماڭىزى زور ەكەنٸن اتاپ ٶتتٸ.
– بۇل - قازاقستانعا دەگەن ٷلكەن قۇرمەت. ساپارىڭىزدىڭ رٶلٸ, ماعىناسى ايىرىقشا دەپ ايتۋعا بولادى. سەبەبٸ بۇل ساپار ەكٸ ەل اراسىنداعى قارىم-قاتىناستارعا ٷلكەن سەرپٸن بەرەدٸ. شىن مەنٸندە ساپارىڭىزدىڭ باعدارلاماسى اۋقىمدى. سوندىقتان بٸز بٷگٸن ەڭ ٶزەكتٸ مەسەلەلەر بويىنشا پٸكٸر الماسامىز. قۇداي قالاسا, ەكٸ حالىقتىڭ مٷددەسٸنە ساي تيٸستٸ كەلٸسٸمدەرگە قول جەتكٸزەمٸز دەپ ويلامىن, – دەدٸ مەملەكەت باسشىسى.
قاسىم-جومارت توقاەۆ قازاق-قىرعىز بايلانىستارى اراسىندا دەستٷرلٸ دوستىقتىڭ بار ەكەنٸنە, سونداي-اق, قىرعىزستان – ەلٸمٸز ٷشٸن تەك وداقتاس مەملەكەت قانا ەمەس, باۋىرلاس مەملەكەت ەكەنٸن جەتكٸزدٸ.
– بۇل دەستٷردٸ جوعارى باعالايمىز. الدىمىزدا تۇرعان مٸندەتٸمٸز وسى دەستٷردٸ جالعاستىرۋ, نىعايتۋ. سوندىقتان بٷگٸنگٸ كەلٸسسٶزدەردٸڭ ماڭىزى زور, – دەدٸ مەملەكەت باسشىسى.
ٶز كەزەگٸندە, قىرعىزستان پرەزيدەنتٸ قاسىم-جومارت توقاەۆقا قازاقستانعا مەملەكەتتٸك ساپارمەن شاقىرعانىنا ريزاشىلىعىن بٸلدٸردٸ. سادىر جاپاروۆ ەكٸ ەل اراسىنداعى قارىم-قاتىناستاردىڭ تەرەڭ ەكەنٸن سيپاتتاي وتىرىپ, قازاقتىڭ بەلگٸلٸ اقىنى جۇبان مولداعاليەۆتٸڭ سٶزدەرٸن ەسكە الدى.
– مەن قازاقپىن, قىرعىز ول – تۋىسقانىم, بٸرگە تارتقان تارلاننىڭ قۇيىسقانىن. انامىز دا قارا كٶز بٸر قىز, بەلكي, بٶلٸپ بەرگەن ەگٸزگە ۋىس نانىن, – دەپ قازاق اقىنىنىڭ پوەماسىنان ٷزٸندٸ كەلتٸردٸ, قىرعىز پرەزيدەنتٸ.
سادىر جاپاروۆ قازاقستان مەن قىرعىزستان اراسىندا ىنتىماق پەن باۋىرلاستىق ورناپ, ەشقاشان شەشٸلمەيتٸن مەسەلەلەر بولماۋى كەرەك ەكەنٸن ايتتى.
سادىر جاپاروۆ قاسىم-جومارت توقاەۆتى ٶزٸنە ىڭعايلى ۋاقىتتا قىرعىزستانعا ساپارمەن كەلۋگە شاقىردى.
كەزدەسۋ بارىسىندا قازاقستان مەن قىرعىزستان پرەزيدەنتتەرٸ ەكٸجاقتى ستراتەگييالىق سەرٸكتەستٸكتٸڭ اۋقىمدى مەسەلەلەرٸ, اتاپ ايتقاندا, ساياسي, ساۋدا-ەكونوميكالىق, ينۆەستيتسييالىق, كٶلٸك-لوگيستيكالىق, سۋ-ەنەرگەتيكالىق, كوروناۆيرۋس ٸندەتٸنە قارسى بٸرلەسكەن شارالار, مەدەني-گۋمانيتارلىق باعىتتار, سونداي-اق, ەۋرازييالىق ينتەگراتسييا جەنە كٶپجاقتى قۇرىلىمدار اياسىنداعى بايلانىستاردى تالقىلادى.
