مەجٸلٸستٸڭ جالپى وتىرىسىندا ٷكٸمەت باسشىسىنىڭ بٸرٸنشٸ ورىنباسارى ەليحان سمايىلوۆ مەملەكەتتٸك قارىز قاۋٸپسٸز دەڭگەيدە ەكەنٸن ايتتى, دەپ حابارلايدى "ۇلت اقپارات".
قارجى مينيسترٸ ەرۇلان جاماۋباەۆ مەملەكەتتٸك قارىز تۇرعىسىنداعى جاعداي كٷن سايىن باقىلاۋدا ەكەنٸن جەتكٸزدٸ.
«مەملەكەتتٸك قارىز ايتارلىقتاي قاۋٸپسٸز دەڭگەيدە ەكەنٸنە سەندٸرگٸم كەلەدٸ. بۇل باعىتتا كٷن سايىن مونيتورينگ جٷرگٸزٸلەدٸ. الداعى جىلدارى بيۋدجەت تاپشىلىعى كٶلەمٸ تٶمەندەيتٸن بولادى. رەيتينگ بويىنشا بٸزدٸڭ قارىزدى باسقا ەلدەرمەن دە سالىستىرىپ وتىرامىز. مىسالى, تٷركييادا مەملەكەتتٸك قارىز كٶرسەتكٸشٸ جالپى ٸشكٸ ٶنٸمگە شاققاندا 40 پايىز, مەكسيكادا – 55 پايىز, يندونەزييادا – 37 پايىز», - دەدٸ مينيستر.
ٶز كەزەگٸندە ٷكٸمەت باسشىسىنىڭ بٸرٸنشٸ ورىنباسارى ەليحان سمايىلوۆ مەملەكەتتٸك قارىز قاۋٸپسٸز دەڭگەيدە ەكەنٸن راستادى.
«27 پايىز دەڭگەيٸندەگٸ ليميت – ول تۇجىرىمداما اياسىندا بەكٸتكەن ٸشكٸ ليميتٸمٸز. حالىقارالىق ۇيىمدار جالپى ٸشكٸ ٶنٸمنەن 50 پايىزدىق ليميتتٸ بەلگٸلەيدٸ. قازٸرگٸ كەزدە كٶپتەگەن ەلدەردەگٸ داعدارىستىق قۇبىلىستارعا بايلانىستى وسى ليميتتٸ ەو ەلدەرٸندە ارتتىرۋ جاعىن پىسىقتاپ جاتىر. جالپى, بۇل كٶرسەتكٸشتٸ تۇراقتى مونيتورينگپەن قامتىپ وتىرمىز. اتاپ ايتقاندا, ٷش جىلدىق بيۋدجەت اياسىندا تاپشىلىقتى بٸرتٸندەپ تٶمەندەتەمٸز», - دەدٸ ە. سمايىلوۆ.
