قازاقستاننىڭ تۇڭعىش پرەزيدەنتٸ – ەلباسى, قاۋٸپسٸزدٸك كەڭەسٸنٸڭ تٶراعاسى نۇرسۇلتان نازارباەۆ ەلدٸڭ ەلەۋمەتتٸك-ەكونوميكالىق دامۋىن قامتاماسىز ەتۋ ٷشٸن بٸرەگەي امال-ەدٸس كەرەكتٸگٸن مەلٸم ەتتٸ, دەپ حابارلايدى قازاقپارات.
«ەڭ بٸرٸنشٸ كەزەكتە داعدارىسقا قارسى شارالار كەشەنٸن جٷزەگە اسىرۋ كەرەك. قولداۋدىڭ بەرٸ بيزنەس پەن حالىققا جەتۋٸ ٷشٸن ەربٸر تەڭگەنٸ قادالاعاۋ كەرەك. قازٸردٸڭ ٶزٸندە ەكونوميكانى قالپىنا كەلتٸرۋ مەن داعدارىستان كەيٸنگٸ دامۋ باعدارلاماسىن باستاي بەرگەن ابزال. نەگٸزگٸ سالالار, بولاشاق ەكونوميكاسى, قالالار مەن اۋىلداردى, ەلەۋمەتتٸك سالا مەن قارجى جٷيەسٸ بويىنشا باعىتتاردى ايقىنداۋ كەرەك», - دەدٸ ەلباسى قاۋٸپسٸزدٸك كەڭەسٸنٸڭ وتىرىسىندا.
ەلباسى داعدارىسقا قارسى شارالاردى جٷزەگە اسىرۋ ٷشٸن مەملەكەتتٸك باسقارۋدىڭ بارلىق دەڭگەيٸندە تيٸمدٸ جۇمىستى جولعا قويۋ كەرەكتٸگٸن ەسكە سالدى.
«قازاقستانعا – بٸرىڭعاي ورتالىقپەن ەرٸ ستراتەگييالىق جەنە وپەراتسييالىق ناقتى جوسپار بويىنشا باسقارىلاتىن تيٸمدٸ كورپوراتسييا تۇرعىسىنان قارايتىن ۋاقىت جەتتٸ. مەملەكەتتٸك باسقارۋشىلاردىڭ بەرٸ – اۋىل ەكٸمٸنەن باستاپ ٷكٸمەت مٷشەسٸنە دەيٸن ٶز جۇمىسىن قايتا قاراپ, ناقتى نەتيجەگە جەتۋٸ تيٸس. مەملەكەتكە ەكونوميكانى قالىپقا كەلتٸرٸپ, جۇمىسسىزدىقتى ازايتىپ, حالىقتى قاجەتتٸ ازىق-تٷلٸكپەن قامتاماسىز ەتۋ ٷشٸن تيٸستٸ شارالاردى قابىلداۋعا ەزٸر باتىل مەنەدجەرلەر كەرەك», - دەدٸ نۇرسۇلتان نازارباەۆ.
سٶز سوڭىندا قاۋٸپسٸزدٸك كەڭەسٸنٸڭ تٶراعاسى ەلدٸڭ دامۋىن ۋاقتىلى كٶرە بٸلۋ – 2020 جىلعى داعدارىستان امان ٶتٸپ قانا قويماي, بٷكٸل مەملەكەتتٸ پايداعا كەنەلتەر باسىمدىق بەرەتٸنٸن جەتكٸزدٸ.
«بٸز بۇل داعدارىستى ەڭسەرەتٸنٸمٸزگە سەنٸمدٸمٸن. ەكٸمدەر, مينيسترلەردٸڭ بەرٸ دە جاۋاپتى. ٷكٸمەت مەملەكەتتٸك باعدارلامالار مەن داعدارىسقا قارسى شارالاردىڭ تيٸمدٸ جٷزەگە اسىرىلۋىن قامتاماسىز ەتۋٸ تيٸس. بٷكٸل حالىققا ايتارىم: وسىناۋ شارالار لەگٸن قولداپ, بٸرلٸك تانىتىپ, ىنتىماق پەن تەرتٸپ ساقتاۋ كەرەك. جۇمىستىڭ بەرٸ دە حالىقتىڭ قامى ٷشٸن جاسالىپ جاتىر», - دەدٸ نۇرسۇلتان نازارباەۆ.
