فوتو: Kaznpu.kz
شىمكەنت قالاسى ەكٸمٸنٸڭ ورىنباسارى, مەجٸلٸستٸڭ ەكس-دەپۋتاتى رۋسلان بەردەنوۆكە قاستاندىق جاسالعانى دٷيٸم جۇرتتى دٷرلٸكتٸردٸ. قالا باسشىسىنىڭ ورىنباسارى بٸرنەشە وق جاراقاتىمەن اۋرۋحاناعا اۋىر كٷيدە جەتكٸزٸلسە, ال كٷدٸكتٸ كٶپ ۇزاماي سول ماڭدا پوليتسەيلەردٸڭ قولىنا تٷستٸ. وسىعان بايلانىستى Ult.kz تٸلشٸسٸ مەجٸلٸس دەپۋتاتتارىن سٶزگە تارتىپ, بۇرىنعى ەرٸپتەسٸنٸڭ باسىنا تٷسكەن وقىس جاعدايعا قاتىستى پٸكٸرٸن سۇرادى.
مەجٸلٸس دەپۋتاتى ەدٸل جاڭبىرشين بولعان قىلمىستىق وقيعانىڭ انىق-قانىعانىن قۇقىق قورعاۋ ورگاندارى ناقتىلايتىنىنا ەش كٷمەنٸ جوعىن جەتكٸزٸپ, بۇل وقيعانى مەملەكەتكە باعىتتالعان ەسكەرتۋ دەپ سانايتىنىن جاسىرمادى.
«ەگەر مۇنىڭ شىن مەنٸندە تاپسىرىسپەن ورىندالعان قىلمىس ەكەنٸ راستالسا بۇل بيلٸككە دە تٶنگەن قاۋٸپ. سەبەبٸ مەن رۋسلان بەردەنوۆتٸ ونىمەن بٸرگە جۇمىس ٸستەگەن ازامات رەتٸندە ونىڭ تەرتٸپتٸ, جٶنٸ تٷزۋ ادام ەكەنٸن جاقسى بٸلەمٸن. وسىدان 3-4 كٷن بۇرىن عانا ەكەۋٸمٸز بٸر مەسەلەمەن تەلدەفون ارقىلى سٶيلەستٸك. وعان دەيٸن دە ەڭگٸمەلەسكەنٸمٸزدە ونىڭ قالادا تەرتٸپ ورناتقىسى كەلەتٸنٸن ايتىپ قالعان. مەنٸڭشە, سونىسى بٸرەۋلەرگە ۇناماي قالعان بولۋ كەرەك. جالپى, ەلدە تەرتٸپ ورناتاتىن كەز كەلدٸ. پرەزيدەنت تە زاڭ مەن تەرتٸپ ٷستەمدٸگٸ تۋرالى ناقتى ايتتى عوي. مەن وسى وقيعادان كەيٸن قوعامدا تيٸستٸ قورىتىندى شىعۋى كەرەك دەپ ويلايمىن.
مەن بۇرىنعى ەرٸپتەسٸمە تەز ساۋىعىپ, امان-ەسەن قاتارعا قوسىلۋىن تٸلەيمٸن. ول مىقتى جٸگٸت, بەرٸ دۇرىس بولادى دەگەن ويدامىن. ونىڭ پارتييالاستارى ارقىلى ەسٸن جيىپ, ٶز-ٶزٸنە كەلگەنٸن سۇراپ بٸلدٸم. ٶزٸنە حابارلاسىپ, ارتىق مازاسىن العىم كەلمەدٸ», – دەيدٸ ە.جاڭبىرشين.
مەجٸلٸس دەپۋتاتىنان بۇل وقيعا رۋسلان بەردەنوۆتٸڭ دەپۋتات كەزٸندەگٸ لۋدومانييامەن كٷرەسكە, ويىن بيزنەسٸنە قاتىستى زاڭنامالىق باتىل ۇستانىمىنا بايلانىستى دا بولۋى مٷمكٸن بە دەگەن نۇسقا جايلى دا ويىن سۇرادىق.
«ەرينە ەرتٷرلٸ نۇسقالار ايتىلىپ جاتىر. لۋدومانيياعا قارسى بٸراز دەپۋتات كٷرەس جٷرگٸزگەنبٸز. ٶزٸم دە زاڭ جوباسى اۆتورلارىنىڭ بٸرٸمٸن. بٸز بۇل زاڭ جوباسىن ەزٸرلەۋدٸ بٸرنەشە دەپۋتات بولىپ 2007 جىلى باستاعانبىز. ەسٸرەسە ەلنۇر بەيسەنباەۆ بۇل مەسەلە تٶڭٸرەگٸندە كٶپ جۇمىس ٸستەدٸ. ارتىنان اراسىندا ر.بەردەنوۆ تە بار, ٶزگە دە ەرٸپتەستەرٸمٸز قوسىلدى. دەگەنمەن قاۋٸپ بۇل جاعىنان كەلٸپ تۇرعان جوق شىعار. سول جاقتاعى (شىمكەنتتەگٸ – اۆتور) مەسەلەلەرگە بايلانىستى بولار دەپ ويلايمىن. تٷرلٸ قاڭقۋ سٶزدەر مەن فەيك اقپاراتتارعا ەرٸپ كەتپەي, قۇزىرلى ورگانداردىڭ رەسمي اقپاراتىن كٷتەيٸك», – دەدٸ ەدٸل تەرەكبايۇلى.
سونداي-اق ول مۇنداي جاعداي بەرٸنە ساباق بولىپ, ەندٸگەرٸ قايتالانباس ٷشٸن الدىمەن قاستاندىققا تاپسىرىس بەرۋشٸنٸ تاۋىپ, سوسىن سوت پروتسەسٸن اشىق ٶتكٸزۋ كەرەكتٸگٸن ايتتى.
بۇل ٸسكە قاتىستى مەجٸلٸسمەن جارقىنبەك امانتايۇلىنىڭ دا پٸكٸرٸن بٸلدٸك. دەپۋتات بۇل وقيعانىڭ كٷتپەگەن توسىن جاعداي بولعانىن جاسىرمادى.
«بۇعان قۇقىق قورعاۋ ورگاندارى لايىقتى باعاسىن بەرەر دەگەن ويدامىز. قانداي جاعداي بولسا دا زورلىق-زومبىلىق, كٷش قولدانۋ مەسەلەسٸنە جول بەرمەۋٸمٸز كەرەك. وسىنداي ساياسي قىزمەتتە جٷرگەن ازاماتتاردىڭ قاۋٸپسٸزدٸگٸنە نۇقسان كەلتٸرگەن بۇل وقيعا ەرينە بٸزگە اۋىر تيدٸ.
دەسە دە, بٸر عانا جاعدايعا بولا تاپ قازٸر زاڭعا بەلەندەي ٶزگەرٸستەر ەنگٸزۋ كەرەك دەگەن ويدان اۋلاقپىز. جالپى, بۇعان دەيٸن دە, مەسەلەن قارۋ-جاراق اينالىمىنا قاتىستى تٷرلٸ باقىلاۋلار كٷشەيتٸلٸپ جاتىر. سوندىقتان مۇنداي قاۋٸپ-قاتەر بارلىق جەردە بار دەگەن سٶز ەمەس. بۇل كٷتپەگەن, وقىس جاعداي. بۇل جەردە جەكە ٸس بولىپ وتىر», – دەيدٸ ج.امانتايۇلى.
ونىڭ ايتۋىنشا, ەگەر ر.بەردەنوۆ ايىپتى بولىپ جاتسا ونى پارتييا قاتارىنان شىعارا ما, شىعارماي ما, ول جاعىن پارتييا ٶزٸ شەشەدٸ.
«جالپى, قاستاندىققا سەبەپ بولعان جاعداي تۋرالى بٸرنەرسە ايتۋ, ياعني كٸمنٸڭ ايىپتى, كٸمنٸڭ ايىپسىز ەكەنٸن كەسٸپ ايتۋ ەلٸ ەرتە. بٸراق ەلٸ انىق-قانىعى انىقتالماعان مۇنداي وقىس وقيعانىڭ ارقاسىندا اقپارات قۇرالدارىنىڭ, جەكەلەگەن بلوگەرلەردٸڭ ۇپاي تٷگەندەپ الۋعا تىرىسۋى دۇرىس ەمەس. مەن جالپى بۇل ٸسكە قاتىستى قانداي دا بٸر بولجام جاسامايمىن. دەگەنمەن ەكٸ ادامنىڭ اراسىنداعى تۇرمىستىق كيكٸلجٸڭنٸڭ قاتىسى بار دەگەن نۇسقا ايتىلىپ جاتىر. سوندا دا مۇنداي پٸكٸر بٸلدٸرۋدەن اۋلاقپىن. ناقتى سەبەبٸن تەرگەۋشٸلەر بەرە جاتار. سوندىقتان تەرگەۋ شارالارى جٷرٸپ جاتقان كەزدە ازاماتتاردى جاڭساق پٸكٸر بٸلدٸرمەۋگە جەنە الىپ قاشپا ەڭگٸمەلەرگە ٸلەسپەۋگە شاقىرامىن», – دەگەن مەجٸلٸس دەپۋتاتى جاعدايدىڭ اق-قاراسى انىقتالماي جاتىپ, جان-جاقتان پٸكٸر بٸلدٸرۋ بٸزدٸڭ قوعامدا بەلەڭ الىپ كەتكەنٸن اتاپ ٶتتٸ.
تاعى بٸر مەجٸلٸس دەپۋتاتى مۇرات ەبەنوۆ ٸسپەن قۇقىق قورعاۋ ورگاندارى اينالىسىپ جاتقاندىقتان الدىن الا تون پٸشٸپ, بەلەندەي پٸكٸر بٸلدەرگەنٸمٸز دۇرىس ەمەس ەكەنٸن اشىپ ايتتى.
«ەڭ باستىسى تەزٸرەك, ساۋىعىپ كەتسٸن. ەرينە رۋسلان بەردەنوۆ مەملەكەتتٸك قىزمەتتە جٷرگەندٸكتەن كٶپ مەسەلەنٸ كٶتەرەدٸ. مۇنداي جاعدايدىڭ ورىن العانى ەرينە ويلاندىرادى. بەرٸن قۇقىققورعاۋ ورگاندارى شەشسٸن», – دەدٸ ول.
ال بۇل قاستاندىقتى لۋدومانييانى اۋىزدىقتاۋعا, ويىن بيزنەسٸن قۇرتۋعا قاتىستى زاڭمەن بايلانىستىرعان نۇسقانى مۇرات ەبەنوۆ قۇپ كٶرمەيتٸنٸن جەتكٸزدٸ.
«ەرينە, بۇل زاڭ جوباسىنا باستاماشىلىق ەتٸپ, اينالىسقان تەك قانا رۋسلان بەردەنوۆ قانا ەمەس. ٶزگە دە دەپۋتاتتار بار. بەرٸمٸز ەرەكەت ەتٸپ, زاڭ قابىلدادىق. وقيعاعا دەل وسى مەسەلە نەمەسە باسقا دا جاعدايلار تٷرتكٸ بولدى دەپ ايتۋ اسىعىستىق بولار. بٸزدٸڭ قازٸرگٸ كەز كەلگەن پٸكٸرٸمٸز پوليتسييانىڭ جۇمىسىنا كەدەرگە جاساۋى مٷمكٸن. ونىڭ ٷستٸنە ەركٸمنٸڭ وتباسى بار. بٸرەۋٸن اقتاپ, بەرۋٸن داتتاپ, ونسىز دا اۋىر جاعدايدا جاتقان ازاماتقا, وتباسىلارىنا دا زييانىمىزدى تيگٸزبەيٸك», – دەدٸ م.ەبەنوۆ.
ەسكە سالا كەتسەك, رۋسلان بەردەنوۆ مەجٸلٸس دەپۋتاتى بولىپ تۇرعاندا قۇمار ويىندارمەن كٷرەس جٷرگٸزدٸ. مەجٸلٸستە ول قازاقستاندا نەبەرٸ ٷش جىلدىڭ ٸشٸندە ويىن بيزنەسٸ ٶز يەلەرٸنە تريلليون تەڭگەدەن استام تابىس ەكەلگەنٸن ايتىپ, مەسەلە كٶتەرگەن-دٸ. رەسپۋبليكالىق بۋكمەكەرلٸك قاۋىمداستىق دەپۋتاتتى «جالعان اقپارات تاراتتى» دەپ سوتقا بەرٸپ, كٶپشٸلٸكتٸڭ الدىندا كەشٸرٸم سۇراۋىن تالاپ ەتكەن. الايدا سوتتا بەردەنوۆ جەڭٸپ شىقتى.
سونداي-اق رۋسلان بەردەنوۆ ەسٸرتكٸ بيزنەسٸنە قارسى مەسەلەلەردٸ نازارىنان تىس قالدىرمادى. ول ەسٸرتكٸ زەرتحانالارىن انىقتاۋ; شەكارا قىزمەتٸن ەسٸرتكٸنٸ انىقتاي الاتىن ساپالى جابدىقتارمەن قامتاماسىز ەتۋ; ەسٸرتكٸ ساۋداسى ٷشٸن پايدالانتىلاتىن ينتەرنەت پلاتفورمالاردى باقىلاۋ; ەسٸرتكٸنٸڭ جاڭا تٷرلەرٸن انىقتايتىن زاماناۋي سوت ساراپتاماسىن تاعايىنداۋ; ەسٸرتكٸگە قارسى ٷگٸت-ناسيحات جٷرگٸزۋ مەسەلەلەرٸن كٶتەرٸپ, بٸرنەشە مەرتە دەپۋتاتتىق ساۋال جولداعان.
رۋسلان بەردەنوۆ كٸم?
رۋسلان بەردەنوۆ شىمكەنت قالاسىندا تۋىپ-ٶسكەن. بٸلٸمٸ جوعارى, 2006 جىلى مەنەدجمەنت ماماندىعى بويىنشا ەل-فارابي اتىنداعى قازۇۋ-دٸ بٸتٸرگەن. 2009 جىلى كيمەپ-تەن ٸسكەرلٸك باسقارۋ ماگيسترٸ (MBA) دەرەجەسٸن بٸتٸرٸپ شىقتى.
ەڭبەك جولىن 2005 جىلى «الماتى قۇس» ااق كومپانيياسىنىڭ بٶلشەك ساۋدا ديرەكتورى قىزمەتٸنەن باستاعان.
ودان كەيٸن Procter & Gamble, «Eastcomtrans» كومپانييالارىندا ەڭبەك ەتكەن.
2012 جىلعى قاراشادان 2018 جىلعى مامىرعا دەيٸن – «اق نيەت» جشس باس ديرەكتورى.
2018 جىلعى قاراشا ايىنان 2019 جىلعى سەۋٸر ايى ارالىعىندا – «اق نيەت» جشس بايقاۋ كەڭەسٸنٸڭ مٷشەسٸ.
2019 جىلعى سەۋٸر-2023 جىلعى ناۋرىز ارالىعىندا – Aq niet Group بايقاۋ كەڭەسٸ تٶراعاسىنىڭ ورىنباسارى.
2023 جىلعى 29 ناۋرىزدان باستاپ 2025 جىلدىڭ 24 اقپانىنا دەيٸن – «Respublica» پارتيياسىنىڭ پارتييالىق تٸزٸمٸ بويىنشا VIII سايلانعان مەجٸلٸس دەپۋتاتى, پالاتاداعى قارجى جەنە بيۋدجەت كوميتەتٸنٸڭ مٷشەسٸ.
2025 جىلدىڭ 24 اقپانىنان باستاپ شىمكەنت قالاسى ەكٸمٸنٸڭ ورىنباسارى قىزمەتٸن اتقارىپ كەلەدٸ.
جاسۇلان باقىتبەك
