وسى سەسسييادا دەپۋتاتتار جۇمىس ٸستەيتٸن زاڭ جوبالارىنىڭ ەرەكشە ماڭىزى بار. بۇل تۋرالى مەجٸلٸس تٶراعاسى ەرلان قوشانوۆ ايتتى, دەپ حابارلايدى قازاقپارات.
«بٷگٸن بارلىعىمىز پرەزيدەنتتٸڭ كەزەكتٸ جولداۋىن تىڭدادىق. بۇل جولداۋ اسا ەرەكشە بولدى دەپ ايتار ەدٸم. ول بۇرىن باستالعان رەفورمالاردىڭ لوگيكالىق جالعاسى بولىپ وتىر. ٶتە ماڭىزدى, ەلٸمٸزدٸڭ بولاشاق دامۋىنا, تاعدىرىنا قاتىستى اۋقىمدى مەسەلەلەر كٶتەرٸلدٸ. ەڭ باستىسى, مەملەكەت باسشىسى جولداۋدا العاش رەت بولاشاق سايلاۋ ناۋقاندارىنىڭ كەستەسٸن جارييالاپ, ەلٸمٸزدٸڭ بٷكٸل ساياسي جٷيەسٸنٸڭ جاڭارىپ-جاڭعىرۋىنا جول اشىپ بەردٸ. بۇل بيلٸكتٸڭ اشىقتىعىن جەنە مەملەكەت پەن قوعام اراسىنداعى سەنٸمنٸڭ نىعايۋىن ايقىن كٶرسەتەدٸ. سونىمەن بٸرگە, پرەزيدەنت ەڭ ٶزەكتٸ مەسەلەلەرگە توقتالىپ, ولاردى شەشۋ جولدارىن ۇسىندى», - دەدٸ قوشانوۆ مەجٸلٸستٸڭ جالپى وتىرىسىندا.
وسى ورايدا ول پرەزيدەنت جولداۋدا ايتقان بارلىق مەسەلەلەر قوعام سۇرانىسىنا ساي كەلەتٸنٸن ايتتى.
«قازٸر قازاقستاندىقتاردى تولعاندىراتىن ەڭ باستى مەسەلە – ەكونوميكانىڭ دامۋى, حالىقتىڭ ەل-اۋقاتىن ارتتىرۋ. ەلدٸ باعا مەن تاريفتەردٸڭ ٶسۋٸ الاڭداتىپ وتىر. پرەزيدەنت جولداۋدا كٶپتٸڭ كٶكەيٸندە جٷرگەن وسى سۇراقتارعا ناقتى جاۋاپ بەردٸ. ول «ازامات – بيزنەس – مەملەكەت» اراسىنداعى قاتىناستى تٷبەگەيلٸ ٶزگەرتۋدٸ ۇسىندى. ونىڭ باستى ماقساتى – بيزنەس اشىپ, كەسٸپكەرلٸكپەن اينالىسۋ ٷشٸن تەڭ مٷمكٸندٸكتەر جاساۋ, ەكونوميكالىق ەركٸندٸكتٸ قولداۋ, مەملەكەتتٸڭ ەكونوميكاعا شەكتەن تىس ارالاسۋىنان باس تارتۋ. سونىمەن بٸرگە, سالىق جەنە بيۋدجەت جٷيەسٸن جاڭعىرتۋعا, بيۋدجەت قاراجاتىنىڭ تيٸمدٸلٸگٸن ارتتىرۋعا, مەملەكەتتٸك-جەكەمەنشٸك ەرٸپتەستٸك پەن مەملەكەتتٸك ساتىپ الۋ مەحانيزمدەرٸن جەتٸلدٸرۋگە, وتاندىق بيزنەس ٷشٸن نەسيە رەسۋرستارىنىڭ تاپشىلىعى مەسەلەسٸن شەشۋگە ەرەكشە باسىمدىق بەرٸلٸپ وتىر. قازٸرگٸ ەلەمدەگٸ كٷردەلٸ احۋالعا قاراماستان, مەملەكەت حالىق الدىنداعى ەلەۋمەتتٸك مٸندەتتەمەلەرٸن تولىق ورىندايدى جەنە ارتتىرادى», - دەدٸ مەجٸلٸس تٶراعاسى.
ونىڭ ايتۋىنشا, مەجٸلٸس دەپۋتاتتارى الدىندا كونستيتۋتسييالىق رەفورمالار اياسىندا دا بٸرقاتار زاڭدى قابىلداۋ مٸندەتٸ تۇر.
«وسى سەسسييادا دەپۋتاتتار جۇمىس ٸستەيتٸن زاڭ جوبالارىنىڭ ەرەكشە ماڭىزى بار جەنە ونى قوعام دا كٷتٸپ وتىر. سوندىقتان, ولاردى قاراۋ كەزٸندە حالىقتىڭ, ازاماتتىق قوعام ٶكٸلدەرٸ مەن ساراپشىلاردىڭ پٸكٸرٸ مەيلٸنشە ەسكەرٸلۋٸ تيٸس.
جۇمىس توپتارىنىڭ وتىرىستارى, زاڭ جوبالاردىڭ تانىستىرىلىمى سيياقتى بارلىق جيىندارعا جۇرتشىلىقتىڭ كەڭٸنەن قاتىسۋىن قامتاماسىز ەتۋ قاجەت», - دەدٸ قوشانوۆ.
