قازاقستان پرەزيدەنتٸ نۇرسۇلتان نازارباەۆ استانادا ٷكٸمەتتٸڭ كەڭەيتٸلگەن وتىرىسىن اشتى, دەپ حابارلايدى "ۇلت اقپارات" Sputnik قازاقستان اگەنتتٸگٸنە سٸلتەمە جاساپ.
"جىلدىڭ باسىندا الدىمىزدا تۇرعان ماقساتتاردى انىقتاپ, جۇمىس ٸستەۋ ٷشٸن بٷگٸنگٸ ٷكٸمەتتٸڭ كەڭەيتٸلگەن مەجٸلٸسٸن ٶتكٸزگەلٸ وتىرمىز. شىنىن ايتۋ كەرەك, ٶتكەن جىل وڭاي بولعان جوق. دٷنيەجٷزٸنٸڭ ەكونوميكاسى دا اۋمالى-تٶكپەلٸ بولدى. بٸزدٸڭ دە جاعداي ەر تٷرلٸ بولدى. دەگەنمەن, ٷكٸمەت پەن ەكٸمشٸلٸكتەردٸڭ بٸرلەسٸپ ٸستەگەن جۇمىسىنىڭ ارقاسىندا مەنٸڭ باعالاۋىم بويىنشا دۇرىس نەتيجەلەرگە جەتتٸك", — دەدٸ وتىرىستى اشقان ەلباسى.
پرەزيدەنت ٶتكەن جىلى ەكونوميكانىڭ ٶسٸمٸ 4% پروتسەنت, ينفلياتسييانىڭ 7% تٶڭٸرەگٸندە بولۋى بٸز ٷشٸن جاڭا بەلەس ەكەنٸن اتاپ ٶتتٸ.
"سوندىقتان بۇل جاعىنان ٷكٸمەتتٸڭ جالپى جۇمىسىنا, ەربٸر ٷكٸمەت مٷشەلەرٸنٸڭ جۇمىسىنا وڭ باعامدى بەرگەنٸم دۇرىس دەپ سانايمىن. حالىق تا سولاي ويلايتىن شىعار. دەگەنمەن ەر ۋاقىتتا جەتٸستٸكتەرٸمٸزدٸ مەنمەنسٸپ وتىرا بەرمەيمٸز. الدىمىزدا ماقساتتار كٶپ. باعدارلامالاردىڭ ورىندالۋىندا كەمشٸلٸكتەر بار. ونى, ەرينە, ايتاتىن بولامىز. بٷگٸنگٸ وتىرىستا ٶتكەن جىلدىڭ قورىتىندىسىن تاعى دا بٸر حالىققا جارييا ەتٸپ, الدىمىزدا تۇرعان مٸندەتتەردٸ انىقتايتىن بولامىز", — دەدٸ مەملەكەت باسشىسى.
