Qazaqstan prezidenti Nursultan Nazarbaev Astanada úkimettiń keńeitilgen otyrysyn ashty, dep habarlaidy "Ult aqparat" Sputnik Qazaqstan agenttigine silteme jasap.
"Jyldyń basynda aldymyzda turǵan maqsattardy anyqtap, jumys isteý úshin búgingi úkimettiń keńeitilgen májilisin ótkizgeli otyrmyz. Shynyn aitý kerek, ótken jyl ońai bolǵan joq. Dúniejúziniń ekonomikasy da aýmaly-tókpeli boldy. Bizdiń de jaǵdai ár túrli boldy. Degenmen, úkimet pen ákimshilikterdiń birlesip istegen jumysynyń arqasynda meniń baǵalaýym boiynsha durys nátijelerge jettik", — dedi otyrysty ashqan Elbasy.
Prezident ótken jyly ekonomikanyń ósimi 4% protsent, infliatsiianyń 7% tóńireginde bolýy biz úshin jańa beles ekenin atap ótti.
"Sondyqtan bul jaǵynan úkimettiń jalpy jumysyna, árbir úkimet músheleriniń jumysyna oń baǵamdy bergenim durys dep sanaimyn. Halyq ta solai oilaityn shyǵar. Degenmen ár ýaqytta jetistikterimizdi menmensip otyra bermeimiz. Aldymyzda maqsattar kóp. Baǵdarlamalardyń oryndalýynda kemshilikter bar. Ony, árine, aitatyn bolamyz. Búgingi otyrysta ótken jyldyń qorytyndysyn taǵy da bir halyqqa jariia etip, aldymyzda turǵan mindetterdi anyqtaityn bolamyz", — dedi memleket basshysy.
