پرەزيدەنت قاسىم-جومارت توقاەۆ ٶزگە ٶڭٸرلەردەن سولتٷستٸك قازاقستان وبلىسىنىڭ قىزىلجار اۋدانىنا قونىس اۋدارعان ازاماتتارمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت مەملەكەتتٸك قولداۋمەن سولتٷستٸك قازاقستان وبلىسىنا قونىس اۋدارعان ازاماتتارمەن كەزدەستٸ. ولارعا ارناپ قىزىلجار اۋدانىنىڭ چاپاەۆو اۋىلىندا باسپانا سالۋ جٶنٸندەگٸ پيلوتتىق جوبا جٷزەگە اسىرىلعان بولاتىن. بٷگٸن مەملەكەت باسشىسى جاڭا تۇرعىن ٷيلەردٸ ارالاپ كٶردٸ.
قاسىم-جومارت توقاەۆ كەلەسٸ جىلدان باستاپ اۋىل ەكٸمدەرٸ تۇڭعىش رەت سايلاناتىنىن, بۇل باستاما دەموكراتييانىڭ ايقىن كٶرٸنٸسٸ ەكەنٸن ايتتى.
«ەكٸمدەر اۋىلداعى پروبلەمالاردى بەرٸنەن جاقسى بٸلەدٸ. سوندىقتان اۋىل تۇرعىندارى ٶزدەرٸنٸڭ مەسەلەلەرٸن ەڭ الدىمەن سٸزدەرگە ايتادى. كٶپتەگەن ارىز-شاعىمداردى جەرگٸلٸكتٸ جەردە شەشۋگە بولادى. ەسٸرەسە اۋىلدىق جەرلەردە اۋىزسۋ مەسەلەسٸن شەشۋ ٶتە ٶزەكتٸ. سونىمەن قاتار «جۇمىسپەن قامتۋدىڭ جول كارتاسى» باعدارلاماسىن جٷزەگە اسىرۋ ماڭىزدى. سونىڭ نەتيجەسٸندە جەرگٸلٸكتٸ جەرلەردەگٸ ينفراقۇرىلىم داميدى, جاڭا جۇمىس ورىندارى اشىلادى. وبلىستا بۇل مەسەلە تيٸستٸ دەڭگەيدە ٸسكە اسىرىلىپ جاتىر», – دەدٸ مەملەكەت باسشىسى.
پرەزيدەنت مەملەكەتتٸك قىزمەت كٶرسەتۋ جٷيەسٸ مەن مەملەكەتتٸك باسقارۋ مەسەلەسٸنە دە توقتالدى.
«مەن قازاقستان حالقىنا ارناعان جولداۋىمدا مەملەكەتتٸك قىزمەت جٷيەسٸ جابىق بولماۋى كەرەك ەكەنٸن ايتتىم. بٸزگە ويى ۇشقىر, اقىلدى جاستار كەرەك. بٸزدە تۇڭعىش پرەزيدەنتٸمٸزدٸڭ ساياساتىنىڭ ارقاسىندا ٶتە جاقسى بٸلٸم العان جاستار كٶپ. سوندىقتان بٸز مەملەكەتتٸك قىزمەتكە جاستاردى شاقىرامىز», – دەدٸ قاسىم-جومارت توقاەۆ.
وبلىس ەكٸمٸ قۇمار اقساقالوۆ پرەزيدەنتكە ٶزگە ٶڭٸرلەردەن كٶشٸپ كەلگەن دەرٸگەر, مۇعالٸم, مەحانيزاتور جەنە باسقا دا ماماندىق يەلەرٸنە گرانتتار بەرٸلەتٸنٸن, سونداي-اق, ولار جاڭا جالدامالى باسپانامەن جەنە جۇمىسپەن قامتاماسىز ەتٸلەتٸنٸن ايتتى.
اۋىلداردا باسپانا سالۋعا باعىتتالعان وبلىستاعى اتالعان پيلوتتىق جوبانىڭ جٷزەگە اسىرىلىپ جاتقانىنا ەكٸ جىل بولدى. بىلتىر اتالعان جوبا اياسىندا ەلدٸ مەكەندەردە 428 ٷي سالىنسا, بيىل 788 باسپانا تۇرعىزىلادى. بىلتىر وبلىسقا 736 وتباسى, بارلىعى 2,2 مىڭ ادام كٶشٸپ كەلگەن. بيىل 700 وتباسى نەمەسە 2,4 مىڭ ادام قونىس اۋدارماق.
كەزدەسۋ سوڭىندا اۋىل ەكٸمدەرٸ مەن ٶڭٸرگە جاڭادان قونىس اۋدارىپ كەلگەن تۇرعىندار مەملەكەت تاراپىنان قولداۋ كٶرسەتٸلٸپ جاتقانى ٷشٸن قازاقستان پرەزيدەنتٸنە العىس بٸلدٸردٸ.
