فوتو: اقوردا
مەملەكەت باسشىسى قاسىم-جومارت توقاەۆ استانانى دامىتۋ مەسەلەلەرٸ جٶنٸندەگٸ كەڭەستە ەلوردانىڭ ەلەۋمەتتٸك-ەكونوميكالىق كٶرسەتكٸشتەرٸنە توقتالدى, دەپ حابارلايدى Ult.kz.
پرەزيدەنتتٸڭ ايتۋىنشا, بيىلعى جىلدىڭ قورىتىندىسى بويىنشا استانانىڭ ٶڭٸرلٸك جالپى ٶنٸم كٶلەمٸ 34–35 ميلليارد دوللارعا جەتۋٸ مٷمكٸن.
پرەزيدەنت سوڭعى 11 ايدا قىسقا مەرزٸمدٸ ەكونوميكالىق ينديكاتور 118,6 پايىزدى قۇراعانىن اتاپ ٶتتٸ. ونىڭ ايتۋىنشا, ينۆەستيتسييا تارتۋ, قۇرىلىس, سونداي-اق شاعىن جەنە ورتا بيزنەستٸ دامىتۋ كٶرسەتكٸشتەرٸ بويىنشا استانا ەلٸمٸزدە كٶش باستاپ تۇر.
– بيىل ەلوردادا 5 ميلليونعا جۋىق شارشى مەتر تۇرعىن ٷي پايدالانۋعا بەرٸلەدٸ. بۇل – رەسپۋبليكا بويىنشا سالىنعان باسپانانىڭ تٶرتتەن بٸرٸ. سونىمەن قاتار بۇل كٶرسەتكٸش ورتالىق ازيياداعى باسقا استانالارمەن سالىستىرعاندا بٸرنەشە ەسە جوعارى, – دەدٸ مەملەكەت باسشىسى.
سونداي-اق 2025 جىلدىڭ 11 ايىندا ٶڭدەۋ ٶنەركەسٸبٸ ٶنٸمٸنٸڭ كٶلەمٸ 2,8 تريلليون تەڭگەگە جەتٸپ, 7,2 پايىزعا ٶسكەن. ساۋدا كٶلەمٸ 10,8 تريلليون تەڭگەدەن اسىپ, 8,4 پايىز ٶسٸم كٶرسەتكەن. ال قالا بيۋدجەتٸنە تٷسكەن سالىق كٶلەمٸ 4,3 تريلليون تەڭگەنٸ قۇراعان.
پرەزيدەنتتٸڭ مەلٸمەتٸنشە, 2024 جىلى استانانىڭ ٶڭٸرلٸك جالپى ٶنٸمٸ 15 تريلليون تەڭگەدەن اسىپ, شامامەن 32 ميلليارد دوللار بولعان. بيىل بۇل كٶرسەتكٸش 17 تريلليون تەڭگەگە دەيٸن جەتۋٸ مٷمكٸن. قازٸرگٸ تاڭدا ەلوردا حالقىنىڭ رەسمي سانى 1,6 ميلليون ادامعا جەتكەن.
مەملەكەت باسشىسى جان باسىنا شاققانداعى ٶڭٸرلٸك جالپى ٶنٸم كٶرسەتكٸشٸنٸڭ دە وڭ ەكەنٸن ايتتى. Oxford Economics ۇيىمىنىڭ 2025 جىلعى يندەكسٸنە سەيكەس, استانا ازييا قالالارى اراسىندا 36-ورىنعا, ال ەلەم بويىنشا 276-ورىنعا تۇراقتاعان.
– بۇل جەتٸستٸككە توقمەيٸلسۋگە بولمايدى. ەلەۋەتٸمٸز زور, الداعى ۋاقىتتا رەيتينگتەگٸ ورنىمىزدى جاقسارتۋعا تولىق مٷمكٸندٸك بار. استانا باسقا ٶڭٸرلەرگە ٷلگٸ بولۋى تيٸس, – دەدٸ پرەزيدەنت.
قاسىم-جومارت توقاەۆ ەلوردانىڭ ەكونوميكالىق بەلسەندٸلٸگٸ ارتىپ كەلە جاتقانىن ايتىپ, سوعان سەيكەس ەكٸمدٸك پەن جاۋاپتى مەملەكەتتٸك ورگاندارعا جاڭا مٸندەتتەر جٷكتەلەتٸنٸن اتاپ ٶتتٸ.
