فوتو: اقوردا
قاسىم-جومارت توقاەۆ «Expo» كٶرمە ورتالىعىنداعى ەتنواۋىلدا ناۋرىز مەرەكەسٸن جۇرتشىلىقپەن بٸرگە قارسى الدى, دەپ حابارلايدى Ult.kz.
پرەزيدەنت مەرەكەلٸك ٸس-شاراعا جينالعان كٶپشٸلٸكتٸ ناۋرىز مەيرامىمەن قۇتتىقتاپ, جىلى لەبٸزٸن جەتكٸزدٸ.
"ۇلىستىڭ ۇلى كٷنٸ – ۇلتىمىزدىڭ ۇلىق مەيرامى. بۇل – بٸزدٸڭ اتا دەستٷرٸمٸز. شۋاقتى كٶكتەم مەرەكەسٸندە بٷكٸل دٷنيە قايتا جاڭعىرادى. كٷن مەن تٷن تەڭەلەدٸ. قازاق ەلٸ ەز-ناۋرىزدى كٶنە زاماننان بەرٸ تويلاپ كەلەدٸ. ناۋرىز – ەڭ الدىمەن, يگٸلٸكتٸ ٸستەردٸڭ مەرەكەسٸ. وسى كٷندەرٸ ەر ٷيدە اق داستارحان جايىلادى. ەل-جۇرت بٸر-بٸرٸمەن قاۋىشىپ, اق تٸلەگٸن ايتادى. مۇقتاج جاندارعا قايىرىمدىلىق جاساپ, قامقورلىق كٶرسەتەدٸ. ۇلىستىڭ ۇلى كٷنٸ بيىل دا قاسيەتتٸ ورازا ايىمەن تۇسپا-تۇس كەلٸپ وتىر. ەلٸمٸز ٷشٸن مۇنىڭ مەن-ماڭىزى زور. سەبەبٸ بٸزدٸڭ دٸنٸمٸز بەن دەستٷرٸمٸز – ەگٸز. قوس قازىنامىز حالقىمىزدىڭ بٸرەگەي بولمىسىن ايشىقتاي تٷسەدٸ", – دەدٸ قاسىم-جومارت توقاەۆ.
پرەزيدەنت ناۋرىز مەرەكەسٸ بىلتىردان باستاپ جاڭا تۇجىرىمداماعا سەيكەس ون كٷن بويى اتالىپ ٶتەتٸنٸنە نازار اۋدارىپ, ناۋرىزنامانىڭ ەر كٷنٸ تاعىلىمعا تولى ەكەنٸن ايتتى.
"ناۋرىز – كٶپتەگەن شىعىس حالىقتارىنا ورتاق مەرەكە بولعانىمەن, ەلٸمٸزدە ۇلىستىڭ ۇلى كٷنٸن تويلاۋدىڭ ەرەكشە دەستٷرٸ بار. بۇل مەيرامنىڭ تٶل مەدەنيەتٸمٸزدەگٸ ورنى ايرىقشا. شەتەلدٸك مەيماندار دا مەرەكە قارساڭىندا قازاقستانعا ارنايى كەلٸپ, بٸزدٸڭ سالت-دەستٷرٸمٸزبەن تانىسادى, ەدەت-عۇرپىمىزدى تانىپ-بٸلەدٸ. بٸز وسى رۋحاني قازىنامىزدى جان-جاقتى دەرٸپتەۋٸمٸز كەرەك. ناۋرىزناما بويىنشا بٷگٸن – ىنتىماق كٷنٸ. ەلٸمٸز ٷشٸن اۋىزبٸرشٸلٸك پەن تاتۋلىقتىڭ ورنى قاشاندا ەرەكشە. بٷكٸل حالقىمىز ۇلتىنا, دٸنٸنە قاراماستان بٸر ەل بولىپ, ناۋرىزدى بٸرگە اتاپ ٶتەدٸ. بٸز وسىنداي بەرەكە-بٸرلٸگٸمٸزدٸڭ ارقاسىندا بولاشاققا زور سەنٸممەن قاراپ, تەك العا قاراي قادام باسىپ كەلەمٸز. جان-جاقتى رەفورما جاساپ, مەملەكەتتٸڭ ساياسي جٷيەسٸن جاڭعىرتىپ جاتىرمىز. اۋقىمدى ەكونوميكالىق جوبالاردى قولعا الدىق. بايسالدى سىرتقى ساياساتىمىزدىڭ ارقاسىندا قازاقستان بٷكٸل ەلەمگە بەدەلدٸ مەملەكەت رەتٸندە تانىمال بولدى", – دەدٸ مەملەكەت باسشىسى.
قاسىم-جومارت توقاەۆ ناۋرىز مەيرامىنىڭ تازالىق, ەڭبەكقورلىق قۇندىلىقتارىن دەرٸپتەيتٸن تەربيەلٸك مەنٸنە توقتالدى.
"ۇلىستىڭ ۇلى كٷنٸ – تازالىق مەرەكەسٸ. حالقىمىز وسى كٷنٸ تال ەگٸپ, بۇلاقتىڭ كٶزٸن اشقان. اينالاسىن تازالاپ, تابيعاتتى ايالاعان. بۇل دەستٷر بٷگٸن دە ٶز جالعاسىن تابۋدا. بىلتىردان بەرٸ ەلٸمٸزدە «تازا قازاقستان» اكتسيياسى جٷرٸپ جاتىر. جالپىۇلتتىق ٸسكە بارشا جۇرتىمىز, ەسٸرەسە, جاستار بەلسەندٸ اتسالىسۋدا. وسىلايشا قوعامىمىزدا جاڭا ەكولوگييالىق مەدەنيەت پەن بولمىس قالىپتاسىپ كەلەدٸ. ناۋرىز – ناعىز ەڭبەك مەرەكەسٸ. كٶكتەمنٸڭ باسى – دالا ەڭبەگٸ جانداناتىن كەزەڭ. قازٸر اۋىل شارۋاشىلىعىندا قارقىندى جۇمىس باستالدى. بٸز وسى جىلدى «جۇمىسشى ماماندىقتارى جىلى» دەپ جارييالادىق. باستى ماقساتىمىز – ەڭبەك ادامىنىڭ بەدەلٸن ارتتىرۋ. ٶيتكەنٸ ەڭبەكقورلىق – وزىق ويلى ۇلتقا تەن قاسيەت", – دەدٸ مەملەكەت باسشىسى.
فوتو: اقوردا
پرەزيدەنت بٷكٸل ەلەمنٸڭ الماعايىپ جاعدايدا ٶمٸر سٷرٸپ جاتقان شاعىندا قوعامنىڭ تۇراقتىلىعىن نىعايتۋ ساياساتىمىزدىڭ باستى باعىتى بولىپ قالا بەرەتٸنٸن ايتتى.
"بيىل كونستيتۋتسييامىزعا جەنە قازاقستان حالقى اسسامبلەياسىنا 30 جىل تولادى. سونداي-اق ۇلى جەڭٸستٸڭ 80 جىلدىعىن اتاپ ٶتەمٸز. كٶپ ۇزاماي قاستەرلٸ تەۋەلسٸزدٸگٸمٸزدٸڭ 40 جىلدىق مەرەيلٸ بەلەسٸنە جەتەمٸز. قازاقستان وسى ۋاقىتتا وزىق, ٶركەنيەتتٸ, قۋاتتى مەملەكەت بولۋى كەرەك. مەن ۇلتتىق قۇرىلتايدىڭ بۋرابايداعى جيىنىندا وسى مەسەلەگە ارنايى توقتالدىم. بٸز ەلٸمٸزدٸ جاڭا جاھاندىق جاعدايعا بەيٸمدەۋٸمٸز قاجەت. مەملەكەتٸمٸزدٸڭ باعدارى دا, باسىمدىعى دا – ايقىن. تسيفرلاندىرۋ ٸسٸ مەن جاساندى ينتەللەكت, ٸرٸ ينفراقۇرىلىمدىق جوبالار, كٶلٸك تاسىمالى جەنە ەنەرگەتيكا, اگروٶنەركەسٸپ كەشەنٸ, سونداي-اق ادام كاپيتالى – وسىنىڭ بەرٸ ەلٸمٸزدٸڭ نەگٸزگٸ دامۋ باعىتتارى. قازاقستان وسى سالالار بويىنشا ەلەمدٸك بەسەكەگە قابٸلەتتٸ ەل بولماق. بۇعان بٸزدٸڭ مٷمكٸندٸگٸمٸز تولىق جەتەدٸ. بٸز «زاڭ مەن تەرتٸپ» قاعيداسى بەرٸك ورنىققان, ەدٸلەتتٸ, قاۋٸپسٸز, تازا, مەدەنيەتتٸ جەنە دامىعان قازاقستاندى مٸندەتتٸ تٷردە بٸرگە قۇرامىز! قازاقستاننان باسقا ەلٸمٸز جوق. سوندىقتان بەرٸمٸز بٸر قوعام بولىپ مەملەكەتٸمٸزدٸ نىعايتايىق, دامىتايىق, كٶركەيتەيٸك!" – دەدٸ قاسىم-جومارت توقاەۆ.
بۇدان كەيٸن مەملەكەت باسشىسى جۇرتشىلىقپەن بٸرگە مەرەكەلٸك كونتسەرتتٸ تاماشالادى.
فوتو: اقوردا
