مەملەكەت باسشىسىنىڭ ٶكٸمٸمەن 13 شٸلدە جالپىۇلتتىق ازا تۇتۋ كٷنٸ بولىپ بەلگٸلەنگەن بولاتىن. وسىعان وراي تٷنگٸ ساعات 00:00-دەن باستاپ ەلٸمٸزدەگٸ بارلىق مەملەكەتتٸك تۋ تٶمەن تٷسٸرٸلدٸ, دەپ حابارلايدى اقوردانىڭ رەسمي سايتى.
ال بٷگٸن نۇر-سۇلتان قالاسىنىڭ ۋاقىتىمەن ساعات 12:00-دە رەسپۋبليكا بويىنشا كوروناۆيرۋس پاندەميياسىنىڭ قۇرباندارىن بٸر مينۋت ٷنسٸزدٸكپەن ەسكە الۋ جارييالاندى.
اقوردا رەزيدەنتسيياسىنىڭ الدىندا مەملەكەت باسشىسى قاسىم-جومارت توقاەۆ كوروناۆيرۋس ٸندەتٸنەن قازا تاپقان ازاماتتاردى قۇرمەتپەن بٸر مينۋت ەسكە الدى.
ەسكە الۋ رەسٸمٸنە قر پارلامەنتٸ سەناتىنىڭ تٶراعاسى مەۋلەن ەشٸمباەۆ, مەجٸلٸس تٶراعاسى نۇرلان نىعماتۋلين, قر مەملەكەتتٸك حاتشىسى قىرىمبەك كٶشەرباەۆ, قر پرەزيدەنتٸ ەكٸمشٸلٸگٸنٸڭ باسشىسى ەرلان قوشانوۆ, قاۋٸپسٸزدٸك كەڭەسٸنٸڭ حاتشىسى ەسەت يسەكەشەۆ, پرەزيدەنت كەڭسەسٸنٸڭ باستىعى نۇرلان ونجانوۆ, دەنساۋلىق ساقتاۋ مينيسترٸ الەكسەي تسوي قاتىستى.
ٸندەت قۇرباندارىن ٷنسٸز ەسكە الۋ رەسٸمٸ رەسپۋبليكانىڭ بارلىق ايماعىندا ٶتتٸ. قۇرباندارعا تاعزىم شاراسىن رەسپۋبليكالىق ارنالار تٸكەلەي ەفير ارقىلى كٶرسەتتٸ.
ايتا كەتەيٸك, ەلٸمٸزدە قالىپتاسقان احۋالعا بايلانىستى حالىققا ٷندەۋ جاساعان قر پرەزيدەنتٸ قاسىم-جومارت توقاەۆ 13 شٸلدە– ۇلتتىق ازا تۇتۋ كٷنٸ دەپ جارييالايتىنىن مەلٸم ەتكەن بولاتىن.
تيٸستٸ ٶكٸمگە مەملەكەت باسشىسى 9 شٸلدە كٷنٸ قول قويدى.
