بٷگٸن مəدەنيەت جəنە سپورت مينيسترٸ اقتوتى رايىمقۇلوۆا تانىمال əنشٸ ديماش قۇدايبەرگەندٸ قابىلداپ, تۋعان كٷنٸنە وراي مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن تابىستادى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
«قۇرمەتتٸ ديماش!
جاس كەزٸڭنەن ٶنەر جولىن تاڭداپ, ٷزدٸكسٸز ەڭبەكتٸڭ نəتيجەسٸندە ٷلكەن بەلەستەردٸ باعىندىرا بٸلدٸڭ. الدىمەن رەسپۋبليكالىق, كەيٸن حالىقارالىق بايقاۋلاردا دارا شىقتىڭ. Əن ارقىلى ۇلتتىق قۇندىلىقتارىمىزدى دəرٸپتەپ, قازاقتىڭ تٸلٸن, قوڭىر دومبىراسىن, ٸزگٸ دəستٷرلەرٸن əلەمگە تانىتىپ كەلەسٸڭ.
الداعى ۋاقىتتا ەلٸمٸزدٸڭ رۋحاني-مəدەني سالاسىن ٶركەندەتۋگە مول ٷلەس قوسىپ, بٸلٸمٸڭ مەن كəسٸبي بٸلٸكتٸلٸگٸڭدٸ جەتٸلدٸرە بەرەتٸنٸڭە سەنٸم ارتامىن. ٶزٸڭە دەنساۋلىق, جاڭا تابىستار تٸلەيمٸن!», - دەپ جازىلعان مەملەكەت باسشىسىنىڭ قۇتتىقتاۋ حاتىندا.
وسىدان كەيٸن اقتوتى رايىمقۇلوۆا تۋعان كٷن يەسٸن ٶز اتىنان قۇتتىقتاپ, شىعارماشىلىق تابىس تٸلەدٸ.
«سٸز ۇلى دالا ەلٸ ٶنەرٸن عالامدىق دەڭگەيدە تانىتىپ كەلە جاتقان ٶنەرپاز رەتٸندە حالىقتىڭ ىستىق ىقىلاسى مەن قۇرمەتٸنە بٶلەنٸپ جاتىرسىز. تۋعان جەردٸڭ توپىراعىمەن دارىعان دارىن مەن تالعامنىڭ, تاباندى ٸزدەنٸس پەن قاجىرلى ەڭبەكتٸڭ ارقاسىندا جاھان حالىقتارى سٷيٸپ تىڭدايتىن əنشٸگە اينالدىڭىز. سٸز باعىندىرعان بيٸك بەلەستەر مەن تولاعاي تابىس ٸزٸڭٸزدەن ەرگەن جاستار ٷشٸن ٷلگٸلٸ سٷرلەۋ.
الداعى ۋاقىتتا دا جٷرەك قىلىن شەرتەتٸن تۋىندىلارىڭىزدىڭ قاتارى كٶبەيٸپ, ٶنەرسٷيەر قاۋىمدى قۋانتا بەرۋٸڭٸزگە تٸلەكتەسپٸن», - دەدٸ مينيستر.
