مەملەكەت باسشىسى قاسىم-جومارت توقاەۆ بەلگٸلٸ جۋرناليست, «جەتٸسۋ» تەلەارناسىنىڭ ديرەكتورى بەيسەن قۇرانبەكتٸڭ قايتىس بولۋىنا بايلانىستى ونىڭ وتباسى مەن جاقىن تۋىستارىنا كٶڭٸل ايتىپ, جەدەلحات جولدادى. بۇل تۋرالى قر پرەزيدەنتٸنٸڭ باسپاسٶز حاتشىسى بەرٸك ۋەلي جەلٸدەگٸ پاراقشاسىندا جازدى.
«بەلگٸلٸ جۋرناليست, تانىمال تەلەجٷرگٸزۋشٸ بەيسەن قۇرانبەكتٸڭ دٷنيەدەن ٶتۋٸنە بايلانىستى اۋىر قايعىلارىڭىزعا ورتاقتاسىپ, كٶڭٸل ايتامىن. بەيسەن قۇرانبەك قازاق جۋرناليستيكاسىندا ٶزٸندٸك ورنى بار, كەسٸبي قولتاڭباسىن قالىپتاستىرعان ازامات ەدٸ. «قازاقستان» ۇلتتىق تەلەارناسىنداعى «ايتۋعا وڭاي», «قارەكەت» باعدارلامالارىن جٷرگٸزٸپ, ەلدٸڭ ىستىق ىقىلاسىنا بٶلەندٸ, حالىقتىڭ العىسىن الدى. ول الماتى وبلىستىق «جەتٸسۋ» ارناسىنىڭ ديرەكتورى رەتٸندە بٸلٸكتٸ باسشى, ۇتقىر ۇيىمداستىرۋشى ەكەنٸن دە كٶرسەتە بٸلدٸ. مارقۇمنىڭ توپىراعى تورقا, جاتقان جەرٸ جايلى, يمانى سالامات بولسىن!», – دەلٸنگەن جەدەلحاتتا.
