مەملەكەت باسشىسى باس پروكۋرور قايرات قوجامجاروۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا نۇرسۇلتان نازارباەۆقا ەلٸمٸزدەگٸ قۇقىق قورعاۋ ورگاندارىنىڭ قىزمەتٸ جەنە بۇعان دەيٸن جٷكتەلگەن تاپسىرمالاردىڭ ورىندالۋى جٶنٸندە ەسەپ بەرٸلدٸ.
ەلباسى پروكۋراتۋرا ورگاندارىنا ازاماتتار قۇقىقتارىنىڭ, زاڭدى مٷددەلەرٸنٸڭ ساقتالۋى جەنە زاڭنامالاردىڭ ورىندالۋى ٷشٸن جوعارى قاداعالاۋدى جٷزەگە اسىرۋ مٸندەتٸ قويىلعانىن ايتتى.
– بٷگٸندە ەلٸمٸزدەگٸ زاڭدىلىقتى قامتاماسىز ەتۋ ٷشٸن قاجەتتٸ شارالاردىڭ بەرٸ ٸسكە اسىرىلدى. اتاپ ايتقاندا, قۇقىق قورعاۋ ورگاندارى مەن سوت جٷيەسٸ رەفورمالاندى, تيٸستٸ زاڭدار قابىلداندى, سونىڭ ٸشٸندە بيزنەستٸ نەگٸزسٸز تەكسەرٸستەردەن قورعاۋ تۋرالى مەسەلە دە قامتىلدى. سولاردى تەك ساپالى ورىنداۋ قاجەت, – دەدٸ قازاقستان پرەزيدەنتٸ.
نۇرسۇلتان نازارباەۆ قىلمىستىق زاڭنامانى ٸزگٸلەندٸرۋ جٶنٸندەگٸ جۇمىستاردى جالعاستىرۋدىڭ ماڭىزدىلىعىن اتاپ ٶتٸپ, قازاقستانداعى سوتتالعاندار سانى 35 پايىزعا ازايعانىن ايتتى.
باس پروكۋرور مەملەكەت باسشىسىنا قىلمىستىق پروتسەستٸ رەفورمالاۋ باعىتىندا اتقارىلىپ جاتقان جۇمىستار جٶنٸندە مەلٸمدەپ, وسى ٸس-قيمىلداردىڭ نەتيجەسٸندە ەلٸمٸزدەگٸ جالپى قىلمىستىق ٸستەر ٶتكەن جىلمەن سالىستىرعاندا 10 پايىزعا كەمٸگەنٸن اتاپ ٶتتٸ.
– پروكۋراتۋرا ورگاندارى تاراپىنان ازاماتتاردىڭ قۇقىقتارى مەن زاڭدى مٷددەلەرٸن قورعاۋ ٷشٸن جٷيەلٸ شارالار قابىلدانۋدا. بيىلعى التى ايدىڭ ٸشٸندە ەڭبەك قۇقىقتارىنىڭ ساقتالۋى, جەر قاتىناستارى, تاريفتٸك زاڭناما سالالارىنا تەكسەرۋ جٷرگٸزٸلدٸ, نەتيجەسٸندە ٷش ميلليوننان اسا ازاماتتىڭ قۇقىقتارى قورعالىپ, قايتا قالپىنا كەلتٸرٸلدٸ, – دەدٸ قايرات قوجامجاروۆ.
ەلباسى كەزدەسۋ قورىتىندىسى بويىنشا بٸرقاتار ناقتى تاپسىرما بەردٸ.
