مەكتەپتەردەگٸ مەديتسينالىق كابينەتتەردٸڭ ٷزدٸكسٸز جۇمىسىن قامتاماسىز ەتۋ قاجەت. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى قازاقپارات.
«جاڭا وقۋ جىلى العاش رەت ەرەكشە فورماتتا باستالعالى وتىر. جالپى, جاعداي تۇراقتالدى. بٷگٸندە ۆيرۋسپەن كٷرەسكە بارلىعى جۇمىلدىرىلعان. شەشٸمدەر جەدەل رەجيمدە قابىلدانىپ جاتىر. بارلىق قاجەتتٸ شارالار قابىلدانىپ, دەرٸ-دەرمەك, تٶسەك-ورىن قورى جاساقتالدى. تٶسەك ورىن جٷكتەمەسٸ 95-96 پايىزدان 19 پايىزعا دەيٸن, رەانيماتسييالىق تٶسەكورىن 91 پايىزدان 24 پايىزعا دەيٸن تٶمەندەدٸ. بٸراق, ناۋقاستانىپ قالۋ تەۋەكەلٸ ەلٸ دە ساقتالىپ وتىرعاندىعىن اتاپ ٶتكٸم كەلەدٸ. ەۋروپانىڭ بٸرقاتار ەلٸندە قايتا ٶرشۋ بايقالادى. كٷن تەرتٸبٸندە بالالاردىڭ قاۋٸپسٸزدٸگٸ مەسەلەسٸ تۇراتىندىعى سٶزسٸز. بالالاردى شتاتتىق رەجيمدە وقىتۋعا قاتىستى تٷرلٸ ۇسىنىستار تٷسٸپ جاتىر. ەگەر بالالارمەن بٸردەڭە بولىپ قالسا, بٸزدٸ ەشكٸم كەشٸرمەيدٸ. مەكتەپتەر مەن بالاباقشالار ايرىقشا باقىلاۋ نىسانىنا اينالۋى تيٸس. وقۋ پروتسەسٸنە جۇمىلدىرىلعان بارلىق تۇلعا بالالاردىڭ دەنساۋلىعى ٷشٸن دەربەس جاۋاپ بەرەدٸ. بٸزدٸڭ بٸرلەسٸپ شەشۋٸمٸز قاجەت بەلگٸلٸ بٸر مەسەلەلەر دە بار», - دەدٸ ەرالى توعجانوۆ پەداگوگتار مەن بٸلٸم جەنە عىلىم سالاسى قىزمەتكەرلەرٸنٸڭ رەسپۋبليكالىق تامىز كەڭەسٸ بارىسىندا.
سونىمەن قاتار ول بالالاردىڭ جاڭا وقۋ جىلىن قالاي باستاۋىنا قاتىستى بارلىق مەن-جايدى جٸتٸ ويلاستىرۋ قاجەتتٸگٸن اتاپ ٶتتٸ. ادامداردىڭ جينالۋىنا جول بەرمەۋ قاجەتتٸگٸن قاتاڭ ەسكەرتتٸ.
«مەكتەپتەردە زالالسىزداندىرۋ قۇرالدارىن پايدالانا وتىرىپ, تىڭعىلىقتى تازالىق جۇمىستارىن جٷرگٸزۋ قاجەت. ەربٸر سىنىپتا دايىندىق اكتٸسٸ بولۋى تيٸس. عيماراتقا كٸرە بەرٸستە سٷزگٸ ۇيىمداستىرىپ, تەپلوۆيزورلار , دەزينفەكتسييالىق ٶتكەلدەر ورناتىپ, اياق كيٸمگە ارنالعان كٸلەمشەلەر تٶسەۋ كەرەك. مەكتەپتەردە دەزينفەكتسييالىق رەجيمدٸ كٷشەيتٸپ, ٶزٸڭمەن بٸرگە ماسكا الىپ جٷرۋ كەرەك. ەربٸر سىنىپقا جەكە وقۋ كابينەتٸ بەكٸتٸلۋٸ تيٸس. بالالار بٸر سىنىپتان ەكٸنشٸسٸنە كٶشٸپ جٷرمەۋٸ تيٸس. مەكتەپتەردەگٸ مەديتسينالىق كابينەتتەردٸڭ ٷزدٸكسٸز جۇمىسىن قامتاماسىز ەتۋ قاجەت», - دەدٸ ٷكٸمەت باسشىسىنىڭ ورىنباسارى.
ەرالى توعجانوۆ جاڭا وقۋعا دايىندىق جۇمىستارى ەلسٸز جٷرگٸزٸلٸپ جاتقان ٶڭٸرلەردٸڭ دە بار ەكەندٸگٸن باسا ايتتى.
«بٸرنەشە عانا كٷن قالدى. ال بالالارىمىزدا كومپيۋتەر ەلٸ جوق. مەكتەپتەردە پەداگوگتار جەتٸسپەيدٸ. بٸلٸم بەرۋ باسقارمالارىنىڭ ەربٸر باسشىسىنا وقۋ جىلىنىڭ باستالۋىنا دايىندىق بويىنشا جەدەل شارالار قابىلداۋدى تاپسىرامىن. بۇل - ەربٸرٸنٸڭ جاۋاپكەرشٸلٸگٸ», - دەدٸ پرەمەر-مينيستردٸڭ ورىنباسارى.
