بٷگٸن پارلامەنت مەجٸلٸسٸنٸڭ جالپى وتىرىسىندا پالاتانىڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنە جاڭا تٶراعا سايلاندى, دەپ حابارلايدى قازاقپارات.
«ٶزدەرٸڭٸزگە بەلگٸلٸ, قازٸرگٸ ۋاقىتتا حالىقارالىق ٸستەر, قورعانىس جەنە قاۋٸپسٸزدٸك كوميتەتٸ تٶراعاسىنىڭ ورنى بوس. وسىعان بايلانىستى زاڭناماعا سەيكەس, بوس ورىنعا دەپۋتات مۇحتار تٸلدەبەكۇلى ەرماننىڭ كانديداتۋراسىن ۇسىنامىن. مۇحتار تٸلدەبەكۇلىن بارلىقتارىڭىز جاقسى بٸلەسٸزدەر, وسى كوميتەتتٸڭ مٷشەسٸ. شەت تٸلدەرٸن جاقسى مەڭگەرگەن بٸلٸمدٸ ەرٸ تەجٸريبەلٸ دەپۋتات. كٶپتەگەن ماڭىزدى زاڭداردىڭ قابىلدانۋىنا زور ٷلەس قوسقان», - دەدٸ مەجٸلٸس تٶراعاسى نۇرلان نىعماتۋلين.
ەستەرٸڭٸزگە سالا كەتەيٸك, وسىعان دەيٸن اتالعان كوميتەتكە مەۋلەن ەشٸمباەۆ تٶراعالىق ەتكەن بولاتىن. جاقىندا ول «نۇر وتان» پارتيياسى تٶراعاسىنىڭ بٸرٸنشٸ ورىنباسارى قىزمەتٸنە بەكٸتٸلگەننەن كەيٸن, مەجٸلٸستٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸ تٶراعاسى لاۋازىمىنىڭ ورنى بوس بولدى.
ەرمان مۇحتار تٸلدەبەكۇلى1963 جىلى وڭتٷستٸك قازاقستان وبلىسى قىزىلقۇم اۋدانى «تەمٸر» كەڭشارىندا تۋعان. س.م. كيروۆ اتىنداعى قازاق مەملەكەتتٸك ۋنيۆەرسيتەتٸن (1986) بٸتٸرگەن. تاريحشى, شەتەل تٸلٸندە وقىتاتىن تاريح پەنٸنٸڭ وقىتۋشىسى. ەل-فارابي اتىنداعى قازاق ۇلتتىق ۋنيۆەرسيتەتٸ (1998), زاڭگەر. ەڭبەك قىزمەتٸن 1986 جىلى الماتى سەۋلەت-قۇرىلىس ينستيتۋتىنىڭ اسسيستەنتٸ, تەلٸمگەرٸ بولىپ باستادى. 1993-1999 «ياشار حولدينگ» كومپانيياسىنىڭ ٶڭٸرلٸك مەنەدجەرٸ, الماتى ق. 1999-2005 «الماتىجارناما» مك ديرەكتورى, الماتى ق. 2005-2006 «اسار» رەسپۋبليكالىق پارتيياسى» رقب ورتالىق اپپاراتى حاتشىسىنىڭ ورىنباسارى, حاتشىسى, الماتى ق. 2006-2008 «نۇر وتان» پارتيياسى ورتالىق اپپاراتى باسشىسىنىڭ ورىنباسارى, استانا ق. 03.2008-11.2008 «نۇر وتان» حدپ ورتالىق اپپاراتىنىڭ حاتشىسى, استانا ق. 2008-2013 «نۇر وتان» حدپ ورتالىق اپپاراتى باسشىسىنىڭ ورىنباسارى, استانا ق. 2013-2014 «ەۆرازييا» بٸرٸنشٸ ارناسى» جشس باس ديرەكتورىنىڭ بٸرٸنشٸ ورىنباسارى, استانا ق. 2014-2016 قر پارلامەنتٸنٸڭ مەجٸلٸسٸندەگٸ «نۇر وتان» پارتيياسى فراكتسيياسى اپپاراتىنىڭ باسشىسى, استانا ق. 2016 جىلدان باستاپ - التىنشى سايلانعان قر پارلامەنتٸ مەجٸلٸسٸنٸڭ دەپۋتاتى, قر پارلامەنتٸنٸڭ مەجٸلٸسٸندەگٸ «نۇر وتان» پارتيياسى فراكتسيياسىنىڭ مٷشەسٸ.
«قۇرمەت» وردەنٸمەن, «ەرەن ەڭبەگٸ ٷشٸن», «قازاقستان رەسپۋبليكاسىنىڭ تەۋەلسٸزدٸگٸنە 10 جىل», «قازاقستان رەسپۋبليكاسىنىڭ تەۋەلسٸزدٸگٸنە 20 جىل», «10 جىل استانا» مەدالدارىمەن ماراپاتتالعان.
