پارلامەنت مەجٸلٸسٸنٸڭ جالپى وتىرىسىندا «بٸر تاراپتان ەۋرازييالىق ەكونوميكالىق وداق پەن وعان مٷشە مەملەكەتتەر جەنە ەكٸنشٸ تاراپتان سەربييا اراسىنداعى ەركٸن ساۋدا تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى "ۇلت اقپارات".
وسى كەلٸسٸم كەدەندٸك ەكەلۋ باجدارىن الىپ تاستاۋ جەنە بٸرقاتار تاۋاردى باجسىز ەكەلۋگە كۆوتا بەرۋ ارقىلى ەۋرازييالىق ەكونوميكالىق وداققا مٷشە مەملەكەتتەر مەن سەربييا رەسپۋبليكاسى اراسىنداعى ٶزارا ساۋدانى جاقسارتۋ ٷشٸن جاعداي جاساۋعا باعىتتالعان.
«قازٸردٸڭ ٶزٸندە قازاقستان, بەلارۋس جەنە رەسەيدە سەربييا رەسپۋبليكاسىمەن ەركٸن ساۋدا تۋرالى ەكٸجاقتى شارتتار قولدانىلۋدا. ەۋرازييالىق ەكونوميكالىق وداققا ارمەنييا مەن قىرعىزستاننىڭ قوسىلۋىنا بايلانىستى 2015 جىلى بارلىق بەس مەملەكەتكە بٸرىڭعاي ساۋدا رەجيمٸن ورناتۋ قاجەتتٸلٸگٸ تۋىندادى», - دەپ تٷسٸندٸردٸ ساۋدا جەنە ينتەگراتسييا مينيسترٸ باقىت سۇلتانوۆ.
ونىڭ ايتۋىنشا, جاڭا كەلٸسٸمدە ەكٸ جاقتى باجسىز ساۋدامەن قاراستىرىلعان تاۋارلار تٸزبەسٸ ۇلعايادى. وسىلايشا, ەۋرازييالىق ەكونوميكالىق وداق ەلدەرٸ سەربيياعا ٸرٸمشٸك, الكوگولدٸك ٸشٸمدٸكتەر جەنە تەمەكٸ تاۋارلارىن باجسىز جەتكٸزە الادى. بۇرىندا بۇل تاۋارلارعا يمپورتتىق باج سالىقتارى سالىنعان.
«ەۋرازييالىق ەكونوميكالىق وداق ەلدەرٸ دە سەربييالىق ٸرٸمشٸككە, تەمەكٸگە, برەنديگە ٸشكٸ نارىققا قول جەتكٸزۋ شارتتارىن جاقسارتتى.
سونىمەن قاتار, ٸشكٸ نارىقتى قورعاۋ ماقساتىندا ەۋرازييالىق ەكونوميكالىق وداق قۇس ەتٸن, قانتتى, ماتالاردى, الكوگولدٸ ٸشٸمدٸكتەردٸ, تەمەكٸنٸ ەكەلۋگە, سونداي-اق كومپرەسسورلار مەن موتورلى كٶلٸك قۇرالدارى سيياقتى بٸرقاتار ٶنەركەسٸپتٸك تاۋارلارعا يمپورتتىق باج سالىعىن قولدانۋدى ساقتايدى. ايتىپ ٶتەتٸن تاعى دا بٸر جايت جاڭا كەلٸسٸمنٸڭ ارتىقشىلىقتارىنىڭ بٸرٸ – ونى دٷنيەجٷزٸلٸك ساۋدا ۇيىمىنىڭ نەگٸزگٸ نورمالارىمەن تولىقتىرۋعا قاتىستى. اتاپ ايتقاندا, كەلٸسٸمنٸڭ تاراپتارى سانيتارييالىق جەنە فيتوسانيتارييالىق شارالاردى, تەحنيكالىق رەتتەۋ شارالارىن قولدانۋ جولىمەن ٶزارا ساۋدادا ارتىق كەدەرگٸلەر جاسامايتىن بولادى جەنە زيياتكەرلٸك مەنشٸك وبەكتٸلەرٸن قورعاۋعا كەپٸلدٸك بەرەتٸن بولادى», - دەدٸ مينيستر.
كەلٸسٸم تاراپتارى ٶزارا ساۋدادا ۇلتتىق رەجيم جەنە بارىنشا قولايلى رەجيم سيياقتى دٷنيەجٷزٸلٸك ساۋدا ۇيىمىنىڭ نەگٸزگٸ قاعيداتتارىن قولدانۋعا مٸندەتتٸ بولادى. وسى كەلٸسٸمدٸ ٸسكە اسىرۋ ەۋرازييالىق ەكونوميكالىق وداققا مٷشە مەملەكەتتەردە ٶندٸرٸلەتٸن تاۋارلاردى ٶتكٸزۋ نارىعىن كەڭەيتۋگە مٷمكٸندٸك بەرەدٸ. اتاپ ايتقاندا, قازاقستاندىق تاۋارلاردىڭ سەربيياعا ەكسپورتىن ۇلعايتۋ ەلەۋەتٸ 250 ملن اقش دوللارىن قۇرايدى. وسى ورايدا مۇناي-حيمييا, حيمييا, ماشينا جاساۋ, مەتاللۋرگييا, قۇرىلىس جەنە ازىق-تٷلٸك تاۋارلارى سيياقتى سالالار ەسكەرٸلگەن.
