2019 جىلعا ارنالعان رەسپۋبليكالىق بيۋدجەت تۋرالى زاڭعا ٷكٸمەتتٸك تٷزەتۋلەردٸ تالقىلاۋ بارىسىندا مەجٸلٸس دەپۋتاتى مۇرات تەمٸرجانوۆ ونىڭ كەمشٸلٸكتەرٸن اتادى, دەپ حابارلايدى قازاقپارات.
«مەنٸڭ بٸر عانا ساۋالىم بار. اۋىل شارۋاشىلىعىن نەگە سونشالىقتى جاقسى كٶرمەيسٸزدەر? سۇراقتى نەلٸكتەن بۇلاي قويىپ وتىرمىن. سٸز ٶزٸڭٸزدٸڭ سٶز سٶيلەۋٸڭٸز بارىسىندا سىياقى كۋپونى تۋرالى ايتتىڭىز. مەن ٷشٸن, نەلٸكتەن 17 ملرد تەڭگەنٸ الىپ قويماق بولىپ وتىرعاندارىڭىز مٷلدەم تٷسٸنٸكسٸز. زاڭ جوباسىنىڭ قازٸرگٸ ۋاقىتتا سەنات قاراۋىنا جاتقانىنا جەنە ونىڭ تاياۋ ارالىقتا قابىلداناتىندىعىنا قانداي كەپٸل بار? اۋىل شارۋاشىلىعى مينيسترلٸگٸ, باعدارلاما ەكٸمشٸسٸ ودان كەيٸن بۇل اقشانى قالاي الادى? بۇل قاراجاتتىڭ بيۋدجەتكە قايتارىلۋىنا كٸم باستاماشى بولدى?», - دەدٸ مەجٸلٸس دەپۋتاتى تالقىلاۋ بارىسىندا قر قارجى ۆيتسە-مينيسترٸ بەرٸك شولپانقۇلوۆقا قاراتا.
سونىمەن قاتار ول «Nur Otan» پارتيياسىنىڭ «قازاقستان 2021: بٸرلٸك, تۇراقتىلىق, جاسامپازدىق» اتتى سايلاۋالدى باعدارلاماسىندا سۋبسيدييالاۋ جٷيەسٸن جەتٸلدٸرۋگە باعىتتالعان بٸرنەشە پوزيتسييانىڭ بولعانىن ەسكە سالدى. ال قازٸرگٸ رەسپۋبليكالىق بيۋدجەت تٷزەتۋٸندە اسىل تۇقىمدى مال شارۋاشىلىعىن سۋبسيدييالاۋ جەنە دامىتۋعا, مال شارۋاشىلىعىنىڭ ٶنٸمدٸلٸگٸن ەرٸ ٶنٸم ساپاسىن ارتتىرۋعا كٶزدەلگەن 36,5 ملرد تەڭگە قولداۋ تاپپاعاندىعىنا نازار اۋدارتتى.
«سٸزدەر, قارجىگەرلەر جەم-شٶپ بازاسى بولماسا مال شارۋاشىلىعى دا بولمايتىندىعىن قالاي تٷسٸنبەيسٸزدەر. ال مال شارۋاشىلىعىمىز بولماسا, وندا دٷكەن سٶرەلەرٸندە ەتتٸڭ ٶزٸ دە بولمايدى. بۇل تٸزبەكتەر بٸر-بٸرٸمەن بايلانىستى. تيٸمسٸز سۋبسيدييالاردان باس تارتۋ مٸندەتٸ قويىلعاندىعى تٷسٸنٸكتٸ. بٸراق, بۇل سالاداعى بارلىق سۋبسيدييانى الىپ تاستاۋ كەرەك دەگەندٸ بٸلدٸرمەيدٸ. بٷگٸندە اۋىل شارۋاشىلىعى تاۋارىن ٶندٸرۋشٸلەرٸمٸز ونسىز دا قيىن جاعدايعا تاپ بولىپ وتىر. اۋا رايى ناشار بولىپ تۇر. قاجەتتٸ استىقتى باستىرىپ ٷلگەرمەيمٸز, ەكٸ رەت قۇرعاقشىلىق ورىن الدى. ال سٸزدەر ەكونوميكانىڭ شىنايى سەكتورىن قولداۋدى قىسقارتىپ جاتىرسىزدار. بۇل مەن ٷشٸن تٷبەگەيلٸ تٷسٸنٸكسٸز جايت. مۇنداي تٷردە بۇل بيۋدجەت قابىلدانباۋى تيٸس», - دەدٸ دەپۋتات.
جوعارىداعى ساۋالدارعا جاۋاپ بەرگەن قارجى ۆيتسە-مينيسترٸنٸڭ ايتۋىنشا, سىياقىعا كۋپون بويىنشا سۋبسيدييا تٶلەۋگە كٶزدەلگەن 16,7 ملرد تەڭگە قىسقارتىلعان. دەگەنمەن بۇل سوما رەزەرۆتە تۇر. ال اۋىل شارۋاشىلىعىن سۋبسيدييالاۋعا كٶزدەلگەن 36 ملرد تەڭگەگە قاتىستى ٶتٸنٸم اۋىل شارۋاشىلىعى تاراپىنان تٷسكەنٸن ايتتى.
