جامبىل وبلىسى كٶكساي شاتقالىندا قار كٶشكٸنٸنەن قازا تاپقان ەسكەري قىزمەتشٸلەردٸڭ جاقىندارى مەن تۋىستارىنا مەجٸلٸسمەندەر كٶڭٸل ايتتى, دەپ حابارلايدى قازاقپارات.
«قازا تاپقان ەسكەريلەردٸڭ جاقىندارى مەن تۋىستارىنا قايعىرا كٶڭٸل ايتامىز», - دەدٸ مەجٸلٸستٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ تٶراعاسى مەۋلەن ەشٸمباەۆ جامبىل وبلىسىنداعى قار كٶشكٸنٸنەن بولعان قايعىلى وقيعا جٶنٸندە.
«جامبىل وبلىسىندا ٷلكەن قايعىلى وقيعا ورىن الدى - جەتٸ ەسكەري قىزمەتشٸ ەسكەري بورىشىن ٶتەۋ جولىندا كٶز جۇمدى. ٶز اتىمنان, حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ مٷشەلەرٸ اتىنان جەنە بارلىق ەرٸپتەستەرٸم - قازاقستان پارلامەنتٸ مەجٸلٸسٸنٸڭ دەپۋتاتتارى اتىنان قازا تاپقان ەسكەريلەردٸڭ وتباسىنا, تۋىستارى مەن جاقىندارىنا قايعىرا كٶڭٸل ايتامىن. ولار ەسكەري ٸستٸڭ كەسٸبي ماماندارى جەنە ٶز وتانىنىڭ ناعىز پاتريوتتارى بولدى. ولاردىڭ تۋىستارى جەنە جاقىندارىنىڭ قايعىسىنا ورتاقپىز. تٷسٸنەمٸن, مۇنداي ورنى تولماس قازاعا كٶندٸگۋ قيىن, بٸراق مارقۇمداردىڭ وتباسى بارلىق قازاقستاندىقتاردىڭ قايعىرىپ وتىرعانىن بٸلۋٸ تيٸس. بارلىعىمىز قايعىرا كٶڭٸل ايتامىز. ٷكٸمەت قايعىلى وقيعانىڭ مەن-جايىن انىقتايتىن ارنايى كوميسسييا قۇردى. قورعانىس مينيسترلٸگٸ مەن قۇقىق قورعاۋ ورگاندارى سەبەپتەردٸ انىقتاۋ ٷشٸن بارلىق قاجەتتٸ شارالاردى جاساۋدا جەنە قازا تاپقانداردىڭ جانۇياسىنا كٶمەك كٶرسەتۋ جۇمىستارى ۇيىمداستىرىلدى. سونىمەن بٸرگە, قارۋلى كٷشتەردە مۇنداي قاسٸرەتتٸڭ قايتالانباۋى ٷشٸن بارلىق قاجەتتٸ شارانى جاساۋ كەرەك», - دەدٸ م.ەشٸمباەۆ.
