فوتو ©️ Tengrinews.kz / تۇرار قازانعاپوۆ
قازگيدرومەت قازاقستان بويىنشا 2024 جىلعى ماۋسىمعا ارنالعان اۋا رايى بولجامىن جارييالادى, -دەپ حابرلايدى "ۇلت اقپارات".
ماۋسىم ايىندا رەسپۋبليكانىڭ باسىم بٶلٸگٸندە ورتاشا ايلىق اۋا تەمپەراتۋراسى نورما شاماسىندا, باتىستا جەنە ەلدٸڭ وڭتٷستٸك جارتىسىندا نورمادان 1° جوعارى بولادى دەپ كٷتٸلۋدە.
ماۋسىم ايىندا جاۋىن-شاشىن مٶلشەرٸ رەسپۋبليكانىڭ باسىم بٶلٸگٸندە نورما شاماسىندا, اتىراۋ, ماڭعىستاۋ وبلىسىندا, باتىس قازاقستان وبلىسىنىڭ باسىم بٶلٸگٸندە, قىزىلوردا وبلىسىندا, اقتٶبە وبلىسىنىڭ وڭتٷستٸك-باتىسىندا نورمادان از بولادى دەپ بولجانۋدا.
ماۋسىم ايىندا اتموسفەرالىق فرونتتاردىڭ ٶتۋٸمەن جاڭبىر كەي كٷندەرٸ قاتتى جاڭبىر, نايزاعاي, بۇرشاق, قاتتى جەل كٷتٸلەدٸ.
ماۋسىمنىڭ بٸرٸنشٸ ونكٷندٸگٸندە قازاقستاننىڭ سولتٷستٸك, ورتالىق, شىعىس جەنە وڭتٷستٸك-شىعىس وبلىستارىندا جەرورتا تەڭٸزٸنٸڭ شىعىس جاعالاۋىنان جەنە ورتا ازييادان جىلى اۋا ماسسالارىنىڭ شىعۋىمەن اۋا تەمپەراتۋراسىنىڭ جوعارىلاۋى كٷتٸلۋدە:
ەلٸمٸزدٸڭ سولتٷستٸگٸندە, ورتالىعىندا تٷندە +2+10°س-تان +12+20°س-قا دەيٸن, كٷندٸز +13+20°س-تان +22+30°س-قا دەيٸن;
شىعىستا تٷندە +2+7°س-تان +13+18°س-قا دەيٸن, كٷندٸز +13+18°س-تان +23+30°س-قا دەيٸن;
وڭتٷستٸك-شىعىستا تٷندە +7+12°س-تان +12+20°س-قا دەيٸن, كٷندٸز +22+30°س-تان +25+37°س-قا دەيٸن.
باتىس جەنە وڭتٷستٸك ايماقتاردا تەمپەراتۋرانىڭ نەگٸزگٸ فونى بولجانادى:
ەلدٸڭ باتىسىندا, سولتٷستٸك-باتىسىندا (اقتٶبە وبلىسى) تٷندە +15+25°س, كٷندٸز +25+38°س;
وڭتٷستٸك-باتىستا تٷندە +20+28°س, كٷندٸز +30+39°س;
وڭتٷستٸك ٶڭٸرلەردە تٷندە +12+17°س, كٷندٸز +27+38°س;
بٸرٸنشٸ ونكٷندٸكتٸڭ سوڭىندا ەلدٸڭ باسىم بٶلٸگٸندە اپتاپ ىستىقتىڭ بەسەندەۋٸ كٷتٸلەدٸ. ماۋسىمنىڭ ەكٸنشٸ جەنە ٷشٸنشٸ ونكٷندٸگٸندە اۋا تەمپەراتۋراسىنىڭ سولتٷستٸك, ورتالىق جەنە شىعىس وبلىستاردا كٷندٸز +20+25°س-تان +30+38°س-قا دەيٸن, ال باتىس, وڭتٷستٸك ٶڭٸرلەردە 25+30°س-تان 34+39°س-قا دەيٸن اۋىتقۋى بولجانۋدا.
ەسكەرتۋ: بٸر ايعا ارنالعان اۋا رايىنىڭ كونسۋلتاتيۆتٸك بولجامى سينوپتيكالىق جاعدايدىڭ ٶزگەرۋٸنە قاراي تٷزەتٸلەدٸ جەنە ونكٷندٸك بولجامدارمەن ناقتىلانادى.
