Foto ©️ Tengrinews.kz / Turar Qazanǵapov
Qazgidromet Qazaqstan boiynsha 2024 jylǵy maýsymǵa arnalǵan aýa raiy boljamyn jariialady, -dep habrlaidy "Ult Aqparat".
Maýsym aiynda respýblikanyń basym bóliginde ortasha ailyq aýa temperatýrasy norma shamasynda, batysta jáne eldiń ońtústik jartysynda normadan 1° joǵary bolady dep kútilýde.
Maýsym aiynda jaýyn-shashyn mólsheri respýblikanyń basym bóliginde norma shamasynda, Atyraý, Mańǵystaý oblysynda, Batys Qazaqstan oblysynyń basym bóliginde, Qyzylorda oblysynda, Aqtóbe oblysynyń ońtústik-batysynda normadan az bolady dep boljanýda.
Maýsym aiynda atmosferalyq fronttardyń ótýimen jańbyr kei kúnderi qatty jańbyr, naizaǵai, burshaq, qatty jel kútiledi.
Maýsymnyń birinshi onkúndiginde Qazaqstannyń soltústik, ortalyq, shyǵys jáne ońtústik-shyǵys oblystarynda Jerorta teńiziniń shyǵys jaǵalaýynan jáne Orta Aziiadan jyly aýa massalarynyń shyǵýymen aýa temperatýrasynyń joǵarylaýy kútilýde:
elimizdiń soltústiginde, ortalyǵynda túnde +2+10°S-tan +12+20°S-qa deiin, kúndiz +13+20°S-tan +22+30°S-qa deiin;
shyǵysta túnde +2+7°S-tan +13+18°S-qa deiin, kúndiz +13+18°S-tan +23+30°S-qa deiin;
ońtústik-shyǵysta túnde +7+12°S-tan +12+20°S-qa deiin, kúndiz +22+30°S-tan +25+37°S-qa deiin.
Batys jáne ońtústik aimaqtarda temperatýranyń negizgi fony boljanady:
eldiń batysynda, soltústik-batysynda (Aqtóbe oblysy) túnde +15+25°S, kúndiz +25+38°S;
ońtústik-batysta túnde +20+28°S, kúndiz +30+39°S;
ońtústik óńirlerde túnde +12+17°S, kúndiz +27+38°S;
Birinshi onkúndiktiń sońynda eldiń basym bóliginde aptap ystyqtyń básendeýi kútiledi. Maýsymnyń ekinshi jáne úshinshi onkúndiginde aýa temperatýrasynyń soltústik, ortalyq jáne shyǵys oblystarda kúndiz +20+25°S-tan +30+38°S-qa deiin, al batys, ońtústik óńirlerde 25+30°S-tan 34+39°S-qa deiin aýytqýy boljanýda.
Eskertý: bir aiǵa arnalǵan aýa raiynyń konsýltativtik boljamy sinoptikalyq jaǵdaidyń ózgerýine qarai túzetiledi jáne onkúndik boljamdarmen naqtylanady.
