اۋىلداردى مەملەكەتتٸك قولداۋ تٷرلٸ باعدارلامالاردىڭ تاساسىندا قالىپ كەلەدٸ. بۇل تۋرالى قر پارلامەنتٸ سەناتىنىڭ تٶراعاسى مەۋلەن ەشٸمباەۆ مەلٸم ەتتٸ, دەپ حابارلايدى قازاقپارات.
«اۋىل تۇرعىندارىنىڭ تابىس دەڭگەيٸ تٶمەن ەكەنٸن بٸلەمٸز. اۋىلدان كٶشۋ قارقىنى دا بەسەڭدەمەي وتىر. نەگٸزٸنەن جاستار, ەڭبەككە جارامدى ادامدار كەتٸپ جاتىر. سونىڭ سالدارىنان حالىقتىڭ قارتايۋ ٷدەرٸسٸ بەلەڭ الۋدا. اۋىلداعى ەڭ باستى مەسەلەلەردٸڭ بٸرٸ – جۇمىسسىزدىق. قىسقا مەرزٸمدە وقىتۋ جەنە قايتا وقىتۋ سيياقتى مٷمكٸندٸكتەر قاراستىرىلسا دا, قازٸرگٸ جۇمىسپەن قامتۋ باعدارلامالارى تۇرعىنداردى تولىق قامتي الماۋدا», - دەدٸ م. ەشٸمباەۆ سەناتتاعى اۋىلدىق اۋماقتاردى دامىتۋ جٶنٸندەگٸ پارلامەنتتٸك تىڭداۋدا.
ونىڭ ايتۋىنشا, اۋىلداعى كەسٸپكەرلٸك تە تيٸستٸ دەڭگەيدە دامىماي وتىر. 2019 جىلدىڭ قورىتىندىسى بويىنشا اۋىلدىق جەرلەردە جۇمىس ٸستەيتٸن 412 مىڭ شاعىن جەنە ورتا كەسٸپكەرلٸك سۋبەكتٸسٸ بار. بۇل ەلٸمٸز بويىنشا شاعىن جەنە ورتا كەسٸپكەرلٸك كٶلەمٸنٸڭ 31 پايىزىنا تەڭ. الايدا, اۋىلداعى كەسٸپكەرلەر شىعارعان ٶنٸمنٸڭ ٷلەسٸ بارلىق شاعىن جەنە ورتا كەسٸپكەرلٸكتٸڭ 14 پايىزىن عانا قۇرايدى.
«وعان بۇرىننان قوردالانىپ قالعان مەسەلەلەر عانا سەبەپ ەمەس. اۋىلدىق اۋماقتاردى دامىتۋعا قاتىستى مەملەكەتتٸك باسقارۋداعى قازٸرگٸ تەتٸكتەردٸڭ وسالدىعى دا وسىعان ەكەلٸپ وتىر. ورتالىق دەڭگەيدە دە, جەرگٸلٸكتٸ دەڭگەيدە دە اۋىل دامۋىن باسقارۋدىڭ جەنە ٷيلەستٸرۋدٸڭ كەشەندٸ تەسٸلٸ جوق ەكەنٸن جيٸ ەستٸپ كەلەمٸز. اۋىلداردى مەملەكەتتٸك قولداۋ تٷرلٸ باعدارلامالاردىڭ تاساسىندا قالىپ, ناقتى جٷرگٸزٸلمەي كەلەدٸ. سوندىقتان جٷيەلٸ ساياسات قاجەت. بۇل جٶنٸندە مەملەكەت باسشىسى بٸرنەشە رەت ايتقانىن جاقسى بٸلەسٸزدەر.
ول ٷشٸن ورتالىق مەملەكەتتٸك ورگاندار جەرگٸلٸكتٸ بيلٸك ورگاندارىمەن بٸرلەسٸپ, كونسترۋكتيۆتٸ جۇمىس جٷرگٸزگەن جٶن. بٸزدەر, سەناتورلار, اۋىلدى تيٸمدٸ دامىتۋعا ارنالعان زاڭنامالىق باستامالاردى قولداۋعا دايىنبىز», - دەدٸ سەنات تٶراعاسى.
وسى ورايدا, ول اۋىلداردى ساقتاۋ جەنە دامىتۋ – ۇلتتىق قاۋٸپسٸزدٸككە دە قاتىستى مەسەلە ەكەنٸن اتاپ ٶتتٸ. بۇل ەسٸرەسە, قازٸرگٸدەي سىن-قاتەرلەر كەزەڭٸندە ٶتە ٶزەكتٸ.
«ناقتى ايتقاندا, شەكارا ماڭىنداعى ەلدٸ مەكەندەردٸ ساقتاۋ اسا ماڭىزدى مەسەلەلەردٸڭ بٸرٸ. پرەزيدەنتٸمٸز انىقتاپ بەرگەن باسىمدىقتاردى ٸسكە اسىرۋ جەنە اۋىلدىق اۋماقتاردى دامىتۋعا تىڭ سەرپٸن بەرۋ – تيٸستٸ مەملەكەتتٸك ورگانداردىڭ الدىندا تۇرعان نەگٸزگٸ مٸندەت», - دەدٸ م. ەشٸمباەۆ.
