دٷنيەجٷزٸلٸك كارانتين تالاپتارى تىڭ مەدەني ٸزدەنٸستەرگە نەگٸز بولىپ, جاڭا مازمۇن مەن فورماداعى ٶنەر تۋىندىلارىنىڭ تۋۋىنا سەبەپكەر بولدى. اقىن, مۋزىكانت Maqpalsher-دٸڭ (ماقپال جۇماباي) «قولىڭدى بەر» البومى دا - وسى باعىتتاعى ەكسپەريمەنتتٸك جوبا, دەپ حابارلايدى قازاقپارات.
«قولىڭدى بەر» بٸر مەزگٸلدە ەلەمنٸڭ ەكٸ نٷكتەسٸندە – قازاقستان مەن گەرمانييا مۋزىكانتتارىنىڭ قاتىسۋىمەن Live رەجيمدە جازىلدى.
البومنىڭ باسىم بٶلٸگٸ بەرليندەگٸ Jazzanova Recording Studio (JRS) ستۋديياسىندا ۇيىمداستىرىلدى.
ال, تٷسٸرٸلٸم جۇمىستارى بەرلين جەنە الماتى قالالارىندا تاسپالانعان.
JRS – 2013 جىلى نەگٸزٸ قالانعان ەۋروپاداعى وزىق دىبىس جازۋ ستۋدييالارىنىڭ بٸرٸ. دىبىس ينجەنەرٸ ەرٸ ستۋدييانى قۇرۋشى Axel Reinemer.
ايتا كەتەرلٸگٸ, بۇل ستۋدييادا رەينەمەردٸڭ جەتەكشٸلٸگٸمەن Black Eyed Peas, Rihanna, Patricia Kaas سىندى ەلەمگە تانىمال مۋزىكانتتار مەن Universal Music, Sony Music ستۋدييالارى دىبىس جازعان.
دەل وسى ستۋدييادا جازىلعان LP5 مۋزىكالىق البومى 2020 جىلى Grammy نومينانتى اتاندى.
«قولىڭدى بەر» اتتى مينيالبومنىڭ نەگٸزگٸ تاقىرىبى – ادامزات جەنە ونىڭ كٶكەيكەستٸ سۇراقتارى. جوبا پاندەمييا كەزەڭٸندەگٸ ادامنىڭ كٶڭٸل- كٷيٸ مەن جان بۇلقىنىسىن سيپاتتايدى. البومنىڭ اتى ايتىپ تۇرعانداي, بٸر-بٸرٸمٸزگە بٸر سەت نازار اۋدارىپ, جٷرەك كٶزٸمەن قاراۋعا, قاجەت بولسا قول سوزىپ, بٸرلەسۋگە شاقىرادى. سونىمەن قاتار, بۇل حالىقارالىق جوبا ٶنەردٸڭ ەلەمگە ورتاق قۇندىلىق ەكەنٸن دەرٸپتەپ, تٸل, دٸل جەنە مەدەني الۋاندىلىقتىڭ ٶنەردٸ بايىتا تٷسەتٸنٸن دەلەلدەيدٸ. وسى ورايدا جوباعا قاتىسقان گەرمانييالىق مۋزىكانتتار: «ەۋ باستا بٸز مەدەني شەكارانى اتتاپ ٶتٸپ, جوباعا ٶز دەڭگەيٸندە ٷلەس قوسا الامىز با?» دەپ ۋايىمداعان ەدٸك. الايدا, ۋايىمىمىز ٸس جٷزٸندە نەگٸزسٸز بولىپ شىقتى. كومپوزيتسييالاردى ورىنداي باستاعاندا-اق بارلىق قورقىنىشىمىز سەيٸلدٸ. بۇل – مۋزىكانىڭ, ٶنەردٸڭ كٷشٸ ەدٸ! «قولىڭدى بەر» – بٸز ٷشٸن مۋزىكانىڭ مٷمكٸندٸگٸن جەنە بٸر تانىتقان عاجاپ تەجٸريبە بولدى», - دەپ پٸكٸر بٸلدٸردٸ Alex Reinemer.
ەسكە سالا كەتەيٸك, «قولىڭدى بەر» – Maqpalsher-دٸڭ ەكٸنشٸ حالىقارالىق مۋزىكالىق جوباسى.
2019 جىلى اقىن, كومپوزيتور لوندونداعى The Brunel Museum ساحناسىندا «AUA» كونتسەپتۋالدى كونتسەرتٸن ٶتكٸزگەن بولاتىن.
بەلگٸلٸ بريتان اقىنى دەۆيد كۋك الدىن الا اعىلشىن تٸلٸنە اۋدارعان سول كەشتە ورىندالعان بارلىق جىر كٶرەرمەنگە جيناق تٷرٸندە تارتۋ ەتٸلگەن.
«قولىڭدى بەر» البومىنىڭ ۆيدەوسى YouTube پلاتفورماسىندا 9 قىركٷيەك كٷنٸ جارىق كٶردٸ.
سونىمەن قاتار جاقىن ارادا البومدى Itunes, Apple Music, Yandex Music, Spotify جەنە باسقا ستريمينگ پلاتفورمالارىندا تىڭداۋعا, جٷكتەۋگە بولادى.
