ماڭعىستاۋ وبلىسىندا سالىمشىلارعا 9 ملرد تەڭگەدەن استام شىعىن كەلتٸرگەن Sax Invest قارجى پيراميداسىنا قاتىستى قىلمىستىق ٸس بويىنشا تەرگەۋ جالعاسىپ جاتىر. بۇل تۋرالى وبلىستىق ەكونوميكالىق تەرگەپ-تەكسەرۋ دەپارتامەنتٸ مەلٸمدەدٸ, دەپ حابارلايدى ult.kz.
ەتد تەرگەۋ باسقارماسىنىڭ باسشىسى سامات يسابەكوۆتٸڭ ايتۋىنشا, 2026 جىلدىڭ العاشقى جارتىجىلدىعىندا دەپارتامەنت ٶندٸرٸسٸندە 27 قىلمىستىق ٸس بولعان. ونىڭ 10-ى بويىنشا تەرگەۋ اياقتالىپ, توعىز ٸس سوتقا جولدانعان. اياقتالعان قىلمىستىق ٸستەر بويىنشا كەلتٸرٸلگەن جالپى شىعىن كٶلەمٸ 1,63 ملرد تەڭگەدەن اسسا, تەركٸلەنگەن مٷلٸكتٸ قوسا ەسەپتەگەندە 887,4 ملن تەڭگەگە جۋىق زالال ٶتەلگەن.
ەڭ ٸرٸ ٸستەردٸڭ بٸرٸ – Sax Invest قارجى پيراميداسىنىڭ قىزمەتٸنە قاتىستى تەرگەۋ. Lada.kz مەلٸمەتٸنشە, 2018–2022 جىلدار ارالىعىندا ونىڭ ۇيىمداستىرۋشىلارى اقتاۋ, استانا, اقتٶبە جەنە ورال قالالارىنداعى مىڭنان استام ازاماتقا باعالى قاعازدارمەن وپەراتسييالار جٷرگٸزۋ جەنە انگولاداعى الماس ٶندٸرۋ جوباسىنا ينۆەستيتسييا سالۋ ارقىلى جوعارى تابىس تابۋعا بولاتىنىن ايتىپ, قارجى تارتقان. تەرگەۋ دەرەكتەرٸنە سەيكەس, سالىمداردىڭ جالپى كٶلەمٸ 9 ملرد تەڭگەدەن اسقان.
اتالعان ٸس بويىنشا ۇيىمداسقان قىلمىستىق توپتىڭ سەگٸز مٷشەسٸ 6 جىلدان 8 جىلعا دەيٸن باس بوستاندىعىنان ايىرىلدى. ال تەرگەۋ نۇسقاسى بويىنشا قارجى پيراميداسىنىڭ ۇيىمداستىرۋشىسى 2024 جىلدان بەرٸ حالىقارالىق ٸزدەۋدە. سوت ٷكٸمٸمەن سوتتالعانداردىڭ مٷلكٸ مەن تسيفرلىق اكتيۆتەرٸ تەركٸلەنٸپ, 208 جەبٸرلەنۋشٸنٸڭ ازاماتتىق تالاپ-ارىزى قاناعاتتاندىرىلدى.
ەكونوميكالىق تەرگەپ-تەكسەرۋ دەپارتامەنتٸنٸڭ مەلٸمەتٸنشە, تەرگەۋ بارىسىندا قىلمىستىق جولمەن الىنعان قاراجاتتى كازينو ارقىلى زاڭداستىرۋ بەلگٸلەرٸ دە انىقتالعان. الايدا تەرگەۋ قۇپيياسىنا بايلانىستى بۇل سحەما تۋرالى تولىق اقپارات جارييالانعان جوق.
سونىمەن قاتار ۆەدومستۆو اقتاۋ تۇرعىنىنا قاتىستى Telegram ارقىلى زاڭسىز ونلاين-كازينو ۇيىمداستىرۋ ٸسٸ بويىنشا تەرگەۋدٸڭ اياقتالعانىن حابارلادى. اينالىمى 3,1 ملرد تەڭگەنٸ قۇراعان زاڭسىز قىزمەت ٷشٸن سوت ونى 5 جىلعا باس بوستاندىعىنان ايىرىپ, قۇنى 52 ملن تەڭگەدەن اساتىن ەكٸ اۆتوكٶلٸكتٸ مەملەكەت كٸرٸسٸنە تەركٸلەدٸ.
بۇدان بٶلەك, Astana Rich Village تۇرعىن ٷي كەشەنٸنٸڭ اياقتالماي قالعان قۇرىلىسىنا قاتىستى قىلمىستىق ٸس, سونداي-اق مەملەكەتتٸك ساتىپ الۋلار, ەلەۋمەتتٸك نىساندار قۇرىلىسى جەنە وبلىس ەكٸمدٸگٸنٸڭ بۇرىنعى جەكەلەگەن لاۋازىمدى تۇلعالارىنىڭ قىزمەتٸنە بايلانىستى بٸرنەشە ٸس بويىنشا تەرگەۋ جالعاسىپ جاتىر.
ەكونوميكالىق تەرگەپ-تەكسەرۋ دەپارتامەنتٸ سوتقا دەيٸنگٸ تەرگەپ-تەكسەرۋ قۇپيياسىنا بايلانىستى اتالعان قىلمىستىق ٸستەردٸڭ ٶزگە مەن-جايلارى جارييالانبايتىنىن مەلٸمدەدٸ.
