ماڭعىستاۋ وبلىسىندا قيىن جاعدايعا تاپ بولعان قىزىل كٸتاپقا ەنگەن شۇبار كٷزەن قۇتقارىلىپ, تابيعي مەكەندەۋ ورتاسىنا قايتا جٸبەرٸلدٸ, دەپ حابارلايدى ult.kz.
سيرەك كەزدەسەتٸن جانۋاردى پوليتسييا قىزمەتكەرلەرٸ تاۋىپ, قازاقستان رەسپۋبليكاسى ەكولوگييا جەنە تابيعي رەسۋرستار مينيسترلٸگٸنٸڭ ماڭعىستاۋ وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنا جەتكٸزگەن.
وسىدان كەيٸن ينسپەكتسييا باسشىسى عابباس دوساتوۆ ٷستٸرت مەملەكەتتٸك تابيعي قورىعىنىڭ ماماندارىمەن بايلانىسقا شىققان. اقتاۋعا قورىق ديرەكتورىنىڭ عىلىم جٶنٸندەگٸ ورىنباسارى جاسقايرات ەرمەك پەن ينسپەكتور دوسان اتانتاەۆ كەلٸپ, جانۋاردى تەكسەرگەن.
مامانداردىڭ انىقتاۋىنشا, تابىلعان اڭ – قازاقستان فاۋناسىنداعى Vormela تۋىسىنىڭ جالعىز ٶكٸلٸ سانالاتىن شۇبار كٷزەن. بۇل تٷر قازاقستاننىڭ قىزىل كٸتابىنا ەنگٸزٸلگەن جەنە سانى مەن تارالۋ ايماعى ازايىپ بارا جاتقان سيرەك جانۋارلاردىڭ III ساناتىنا جاتادى.
جٷرگٸزٸلگەن تەكسەرۋ بارىسىندا شۇبار كٷزەننٸڭ دەنەسٸنەن اۋىر سىرتقى جاراقاتتار انىقتالماعان. مامانداردىڭ ايتۋىنشا, بۇل جانۋار كٶبٸنە جارتىلاي بەكٸگەن جەنە بەكٸگەن قۇمدى القاپتاردا تٸرشٸلٸك ەتٸپ, قۇمتىشقاندار, سارىشۇناقتار مەن تىشقاندار كٶپ كەزدەسەتٸن اۋماقتاردى مەكەندەيدٸ.
كەيٸن شۇبار كٷزەن قاراقييا-قاراكٶل مەملەكەتتٸك تابيعي قاۋمالىنىڭ اۋماعىنا جەتكٸزٸلٸپ, تابيعي مەكەندەۋ ورتاسىنا جٸبەرٸلدٸ.
ماماندار ۋاقىتىلى كٶرسەتٸلگەن كٶمەك پەن تۇرعىنداردىڭ جاناشىرلىعىنىڭ ارقاسىندا سيرەك كەزدەسەتٸن جانۋاردىڭ تابيعاتتاعى تٸرشٸلٸگٸن جالعاستىرۋىنا مٷمكٸندٸك تۋعانىن اتاپ ٶتتٸ. سونداي-اق ولار جانۋاردى قۇتقارۋ ٸسٸنە اتسالىسقان بارلىق ازاماتتارعا العىس بٸلدٸردٸ.
