Mańǵystaý oblysynda qiyn jaǵdaiǵa tap bolǵan Qyzyl kitapqa engen shubar kúzen qutqarylyp, tabiǵi mekendeý ortasyna qaita jiberildi, dep habarlaidy ult.kz.
Sirek kezdesetin janýardy politsiia qyzmetkerleri taýyp, Qazaqstan Respýblikasy Ekologiia jáne tabiǵi resýrstar ministrliginiń Mańǵystaý oblystyq orman sharýashylyǵy jáne janýarlar dúniesi aýmaqtyq inspektsiiasyna jetkizgen.
Osydan keiin inspektsiia basshysy Ǵabbas Dosatov Ústirt memlekettik tabiǵi qoryǵynyń mamandarymen bailanysqa shyqqan. Aqtaýǵa qoryq direktorynyń ǵylym jónindegi orynbasary Jasqairat Ermek pen inspektor Dosan Atantaev kelip, janýardy teksergen.
Mamandardyń anyqtaýynsha, tabylǵan ań – Qazaqstan faýnasyndaǵy Vormela týysynyń jalǵyz ókili sanalatyn shubar kúzen. Bul túr Qazaqstannyń Qyzyl kitabyna engizilgen jáne sany men taralý aimaǵy azaiyp bara jatqan sirek janýarlardyń III sanatyna jatady.
Júrgizilgen tekserý barysynda shubar kúzenniń denesinen aýyr syrtqy jaraqattar anyqtalmaǵan. Mamandardyń aitýynsha, bul janýar kóbine jartylai bekigen jáne bekigen qumdy alqaptarda tirshilik etip, qumtyshqandar, saryshunaqtar men tyshqandar kóp kezdesetin aýmaqtardy mekendeidi.
Keiin shubar kúzen Qaraqiia-Qarakól memlekettik tabiǵi qaýmalynyń aýmaǵyna jetkizilip, tabiǵi mekendeý ortasyna jiberildi.
Mamandar ýaqytyly kórsetilgen kómek pen turǵyndardyń janashyrlyǵynyń arqasynda sirek kezdesetin janýardyń tabiǵattaǵy tirshiligin jalǵastyrýyna múmkindik týǵanyn atap ótti. Sondai-aq olar janýardy qutqarý isine atsalysqan barlyq azamattarǵa alǵys bildirdi.
