ماڭعىستاۋ وبلىسىندا جاڭاٶزەن قالالىق كٶپبەيٸندٸ اۋرۋحاناسىنا كٷيٸك بٶلٸمشەسٸن اشۋعا بٶلٸنگەن 223 ملن تەڭگە دەمەۋشٸلٸك قاراجاتتى جىمقىرۋ دەرەگٸ بويىنشا قىلمىستىق ٸس تەرگەلٸپ جاتىر, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, ٸسكە اۋرۋحانا ديرەكتورىنىڭ ورىنباسارى, «جارىلقاۋ» قوعامدىق قورىنىڭ باسشىسى, جاڭاٶزەن قالاسى ەكٸمٸنٸڭ بۇرىنعى ورىنباسارى جەنە ٶنٸم بەرۋشٸ كومپانييا ٶكٸلٸ قاتىسى بار دەپ كٷدٸككە ٸلٸنگەن. قازٸرگٸ تاڭدا ٷش كٷدٸكتٸ قاماۋعا الىنعان.
2025 جىلى «قازمۇنايگاز» ۇك» اق دەمەۋشٸلٸك رەتٸندە بٶلگەن 223 ملن تەڭگە «ٶزەنمۇنايگاز» اق ارقىلى «جارىلقاۋ» قورىنا اۋدارىلعان. باستاپقىدا بۇل قاراجاتقا سەگٸز تٷرلٸ مەديتسينالىق جابدىق ساتىپ الۋ جوسپارلانعان. الايدا كەيٸن كەلٸسٸمشارت ٶزگەرتٸلٸپ, 210 ملن تەڭگەگە نەبەرٸ ەكٸ ارنايى كەرەۋەت ساتىپ الۋ تۋرالى شارت جاسالعان.
تەرگەۋ نۇسقاسى بويىنشا, ساتىپ الۋ بٸرىڭعاي ديستريبيۋتوردى اينالىپ ٶتٸپ, زاڭ تالاپتارىن بۇزا وتىرىپ جٷرگٸزٸلگەن. جابدىققا ٸس جٷزٸندە 92 ملن تەڭگە جۇمسالىپ, قالعان قاراجات ٷلەستەس كەسٸپورىندار ارقىلى قولما-قول اقشاعا اينالدىرىلعان.
تەرگەۋ مەلٸمەتٸنە سەيكەس, «AKBS Invest» جشس ٶكٸلٸ قىلمىستىق جولمەن الىنعان اقشاعا استانادان پەتەر ساتىپ الىپ, ونى ٷشٸنشٸ تۇلعالاردىڭ اتىنا رەسٸمدەگەن.
سوت سانكتسيياسىمەن كٷدٸكتٸلەردٸڭ مٷلكٸنە, ونىڭ ٸشٸندە ٷش پەتەرگە, ەكٸ تۇرعىن ٷيگە جەنە اۆتوكٶلٸككە تىيىم سالىندى.
سونىمەن قاتار جاڭاٶزەن قالاسى ەكٸمٸنٸڭ بۇرىنعى ورىنباسارىنا قاتىستى قىلمىستىق كودەكستٸڭ 361-بابى بويىنشا لاۋازىمدىق ٶكٸلەتتٸكتەرٸن تەرٸس پايدالانۋ دەرەگٸمەن تەرگەۋ باستالدى.
قىلمىستىق-پروتسەستٸك كودەكستٸڭ 201-بابىنا سەيكەس, تەرگەۋ مٷددەسٸنە بايلانىستى ٶزگە اقپارات جارييا ەتٸلمەيدٸ.
