قازاقستان دەنساۋلىق ساقتاۋ مينيسترلٸگٸنٸڭ بولجامىنشا, ەلدە مامىردىڭ سوڭىنا دەيٸن تٶرت مىڭداي ادامعا كوروناۆيرۋس جۇعادى. بۇل تۋرالى 22 سەۋٸردە ٶتكەن بريفينگتە مەملەكەتتٸك باس سانيتارلىق دەرٸگەرٸ ايجان ەسماعامبەتوۆا ايتتى, دەپ حابارلايدى ازاتتىق.
“قازٸر بٸز ينفەكتسييا تاراۋىنىڭ شىرقاۋ شەگٸندەمٸز. بولجامعا ساي, ۆيرۋستىڭ ٶسۋٸ جەنە تٷسۋٸن ٷش ايدا, ناۋرىز-مامىردا باقىلايمىز. سەۋٸردٸڭ سوڭىنا دەيٸن 2700 ادامعا, مامىردىڭ سوڭىنا دەيٸن 4000 ادامعا ۆيرۋس جۇعادى دەگەن بولجام بار. الدىمىزدا تۇرعان ماقسات – كٷندەلٸكتٸ ٶسٸمدٸ بەس پايىزعا, ودان كەيٸن بٸر پايىزعا دەيٸن تٶمەندەتۋ. ۆيرۋس جۇقتىرعاندار سانىن 4000 دەڭگەيٸندە ۇستاۋ ٷشٸن حالىق كارانتين ەرەجەسٸن ساقتاۋى تيٸس” دەدٸ ول.
22 سەۋٸر 19.35-تەگٸ مەلٸمەتكە ساي, قازاقستاندا 2070 ادامعا ۆيرۋس جۇقتى. 515 ادام دەرتتەن ايىقتى. 19 ادام قايتىس بولدى.
ەسماعامبەتوۆانىڭ سٶزٸنشە, قازٸر ەلدە ۆيرۋس جۇقتىرعان التى ادامنىڭ حالٸ ٶتە اۋىر, 21 ادامنىڭ جاعدايى اۋىر, 13 ادامنىڭ جاعدايى ورتاشا اۋىر. ۆيرۋس جۇقتىرعانداردىڭ 60 پايىزىندا سيمپتوم از يا بايقالمايدى.
“ەلدە 652 مەدقىزمەتكەردەن كوروناۆيرۋس تابىلدى. ولاردىڭ ٸشٸندە كەيبٸرٸنٸڭ جاعدايى ورتاشا. اۋىر حالدە جاتقاندار جوق” دەدٸ ەسماعامبەتوۆا.
ۆيرۋس جۇقتىرعان مەدقىزمەتكەرلەردٸڭ باسىم بٶلٸگٸ الماتىدا – 375. الماتىداعى ورتالىق قالالىق كلينيكالىق اۋرۋحانا ۆيرۋس وشاعىنا اينالىپ, قازٸر بۇل مەديتسينا مەكەمەسٸندەگٸ جاعداي بويىنشا ٸس قوزعالعان.
ەسماعامبەتوۆا قازاقستاندا 250 مىڭ مەدقىزمەتكەر (ونىڭ 72 مىڭى دەرٸگەر) بارىن, ەلگە 4 مىڭداي دەرٸگەر جەتٸسپەيتٸنٸن ايتتى. سٶزٸنشە, قازاقستانعا قوسىمشا 800 ەپيدەميولوگ قاجەت. ەلدە قازٸر 16 مىڭ مەدقىزمەتكەر كوروناۆيرۋسپەن كٷرەسكە جۇمىلعان.
مينيسترلٸك ٶكٸلٸ ۆيرۋس جۇقتىرعاندارمەن بايلانىستا بولعان 39585 ادامنىڭ 98 پايىزى – 38 مىڭنان استامى تابىلىپ, وقشاۋلانعان.
وسىعان دەيٸن قازاقستان دەنساۋلىق ساقتاۋ مينيسترٸنٸڭ ورىنباسارى قامالجان نادىروۆتان كوروناۆيرۋس تابىلعانى حابارلانعان. نادىروۆتىڭ ٶزٸ اۋرۋ جەڭٸل ٶتٸپ جاتقانىن ايتقان. ال ەسماعامبەتوۆانىڭ سٶزٸنشە, دەنساۋلىق ساقتاۋ مينيسترٸ ەلجان بٸرتانوۆ نادىروۆپەن بايلانىستا بولماعان.
