بەلارۋس پرەزيدەنتٸ الەكساندر لۋكاشەنكو 9 تامىزداعى سايلاۋ الدىندا ساياسي قارسىلاستارىن 90 جىلدارداعىداي ەلدٸڭ "بىت-شىتىن "شىعارعىسى كەلەتٸن "شەتەل اگەنتتەرٸ" دەپ ايىپتادى. ول ٶز قارسىلاستارىن "شەتتەن اقشا الىپ وتىر" دەيدٸ.
لۋكاشەنكو قارسىلاستارىنىڭ 1994 جىلعى كونستيتۋتسييانى قايتارۋ تۋرالى تالابىن ورىندامايتىنىن ايتتى. 94 جىلعى كونستيتۋتسيياعا ساي, پرەزيدەنت تەك ەكٸ رەت سايلاۋعا تٷسە الاتىن.
"ەلدە ٶزگەرٸستٸ, رەفورمانى, ەسكٸ كونستيتۋتسييانى قايتارۋدى تالاپ ەتٸپ جٷرگەندەر 90 جىلدارداعى قيىن جاعدايعا ەكەلگٸسٸ كەلەدٸ. تاۋ-تاۋ التىن ۋەدە ەتكەندەرگە سەنبەڭٸزدەر" دەدٸ لۋكاشەنكو 4 تامىزدا پارلامەنتتەگٸ جولداۋىندا.
ول "94 جىلعى كونستيتۋتسييانى قايتارساق, ەلدە انارحييا ورنايدى. بۇل كونستيتۋتسييانى قايتارساق, قىلمىسكەرلەرگە سىيلىق جاساعانىمىز. 90 جىلدارداعى جابايى ٶمٸرگە ورالمايمىز" دەدٸ. لۋكاشەنكونىڭ ٶزٸ وسى كونستيتۋتسييا كەزٸندە پرەزيدەنت بولىپ سايلانعان ەدٸ.
"ەلدٸڭ شىرقىن بۇزۋ ٷشٸن ميلليارد [اقشا] جۇمسالىپ جاتىر. سوندىقتان بەلارۋستىقتاردىڭ لۋكاشەنكوعا قارسى شىعاتىن نەگٸز جوق. ال لۋكاشەنكوعا قارسىلاردىڭ بەرٸ – شەتەل اگەنتٸ" دەيدٸ ول.
باتىس ديپلوماتتارى بەلارۋستى ەۋروپاداعى ەڭ سوڭعى ديكتاتورلىق ەل دەپ اتايدى. ەلدٸ 26 جىل باسقارعان لۋكاشەنكو 9 تامىز الدىندا قيىن جاعدايعا تاپ بولدى. بەلارۋستا پرەزيدەنتتٸككە كانديدات سۆەتلانا تيحانوۆسكايانىڭ سايلاۋالدى شارالارىنا مىڭداعان ادام كەلٸپ جٷر. ەرٸكتٸلەردٸڭ ەسەبٸنشە, مينسكتەگٸ تيحانوۆسكايانىڭ شاراسىنا كەم دەگەندە 63 مىڭ ادام كەلگەن. سايلاۋ الدىندا ەلدە لۋكاشەنكوعا دەگەن قارسىلىق تا كٷشەيدٸ. جۇرتتىڭ كٶبٸ ەلدە ٶزگەرٸس بولعانىن قالايدى.
بٸراق بٸراز ساراپشى لۋكاشەنكو تٷرلٸ قۇيتىرقى ەرەكەتتەر جاساپ, سايلاۋدى جەڭٸسكە جەتەدٸ دەپ ويلايدى.
لۋكاشەنكو 4 تامىزداعى جولداۋىندا ساياسي قارسىلاستارى بەلارۋس جاستارىن "ساياسي ماقساتتا قولدانىپ وتىر" دەپ تە ايىپتادى.
لۋكاشەنكونىڭ قارسىلاسىنىڭ بٸرٸ, ەلدە قامالۋ قاۋپٸنەن سوڭ كيەۆكە كەتكەن ۆالەرييا تسەپكالو "ناستوياششەە ۆرەميا" تەلەارناسىنا بەرگەن سۇحباتىندا "سايلاۋدان كەيٸن ەلدە جاپپاي نارازىلىق باستالسا, لۋكاشەنكو ەلدەن قاشىپ كەتەدٸ" دەدٸ.
تسەپكالونىڭ پايىمداۋىنشا, مىڭداعان ادام نارازىلىققا شىقسا لۋكاشەنكو ەسكەر مەن ارنايى جاساقتى قولدانۋى مٷمكٸن, ال جٷزدەگەن مىڭ ادام نارازىلىق تانىتسا, ەسكەرگە بۇيرىق بەرە المايدى.
"بەلارۋس ەسكەرٸ ٶز حالقىنا قارسى شىعادى دەپ ويلامايمىن" دەدٸ ول.
لۋكاشەنكونىڭ قارسىلاسى سۆەتلانا تيحانوۆسكايا سايلاۋدا جەڭٸسكە جەتسە ەلدە قايتا پرەزيدەنت سايلاۋىن ٶتكٸزۋگە ۋەدە بەرگەن.
باتىس ەلدەرٸ مەن ەقىۇ بەلارۋس ەلٸندەگٸ بٸردە-بٸر سايلاۋدى زاڭدى ٶتتٸ دەپ مويىنداماعان.
