ەلوردادا مەدەنيەت, ٶنەر سالاسىنىڭ ۇيىمدارى مەن قىزمەتكەرلەرٸ اراسىنداعى IV رەسپۋبليكالىق «رۋحاني قازىنا – 2021» فەستيۆالٸ باستالدى, دەپ حابارلايدى "ۇلت اقپارات".
مەدەنيەت جەنە ٶنەر سالاسى قىزمەتكەرلەرٸنٸڭ كەسٸبي مەرەكەسٸنە وراي ۇيىمداستىرىلعان فەستيۆالدٸڭ رەسپۋبليكالىق دەڭگەيدەگٸ قازىلار القاسىنىڭ وتىرىسى 12-14 مامىر ارالىعىندا ونلين كٶرسەتٸلٸم ارقىلى جٷرەدٸ.
فەستيۆالدٸڭ سالتاناتتى ماراپاتتاۋ رەسٸمٸ 18-21 مامىر ارالىعىنا جوسپارلانىپ وتىر. وسى ارالىقتا كٶكشەتاۋ قالاسىندا شەتەلدٸك ساراپشىلاردىڭ قاتىسۋىمەن شەبەرلٸك ساعاتتارى ٶتەدٸ.
فەستيۆالدٸڭ اشىلۋ سالتاناتىنا مəدەنيەت جəنە سپورت مينيسترلٸگٸنٸڭ اتىنان قاتىسقان مəدەنيەت جəنە ٶنەر ٸستەرٸ دەپارتامەنتٸنٸڭ ديرەكتورى كٷمٸس سەيٸتوۆا جىل ٶتكەن سايىن جۇمىسىن رەسپۋبليكا دەڭگەيٸندە كٶرسەتكٸسٸ كەلەتٸن ۇيىم مەن قىزمەتكەرلەر سانى ارتىپ كەلە جاتقانىن اتاپ ٶتتٸ.
«بٷگٸندە بايقاۋعا ەلٸمٸزدٸڭ 15 ٶڭٸرٸنەن كٸتاپحانا, مۋزەي جەنە مەدەني-دەمالىس قىزمەتٸ بويىنشا 300-دەن استام ٶتٸنٸش كەلٸپ تٷستٸ. ال ەڭ العاش ۇيىمداستىرعان كەزدە قاتىسۋشىلار سانى 100-گە جەتپەيتٸن ەدٸ. جىل ٶتكەن سايىن اۋىل, اۋدان, قالاداعى مəدەنيەت وشاقتارىنىڭ قىزمەتٸن جانداندىرۋعا باعىتتالعان بايقاۋ كەڭٸنەن تانىلىپ كەلەدٸ. وسى فەستيۆالدە ٷزدٸك شىققان ۇيىم 1 ملن تەڭگە, توپ جارعان قىزمەتكەر 500 مىڭ تەڭگە سىياقى الادى. بيىل فەستيۆالدٸڭ مامىر ايىندا ٶتكٸزٸلۋٸنٸڭ ٶزٸندٸك سەبەبٸ بار. ٷزدٸكتەردٸ ماراپاتتاۋ رەسٸمٸ باستالاتىن 18 مامىر – حالىقارالىق مۋزەي كٷنٸنە, 21 – مامىر ەلٸمٸزدٸڭ مəدەنيەت جەنە ٶنەر سالاسى قىزمەتكەرلەرٸنٸڭ كٷنٸنە ورايلاستىرىلدى», - دەدٸ كٷمٸس سەيٸتوۆا.
رەسپۋبليكالىق «رۋحاني قازىنا – 2021» بايقاۋىنىڭ اياسىندا وبلىستىق, اۋداندىق, قالالىق دەڭگەيدەگٸ ٷزدٸك مەملەكەتتٸك مۋزەي, ٷزدٸك كٸتاپحانا, ٷزدٸك مەملەكەتتٸك مەدەني ويىن-ساۋىق ۇيىمى مەن مەدەنيەت ۇيىمدارىنىڭ ٷزدٸك قىزمەتكەرلەرٸ ٸرٸكتەلٸپ, ماراپاتتالادى.
