ليۆانداعى جارىلىس سالدارىنان قازاقستاننىڭ ديپلوماتييالىق ميسسيياسى عيماراتىنا زييان كەلدٸ. بۇل تۋرالى سىرتقى ٸستەر مينيسترلٸگٸ حابارلادى.
ليۆانداعى قازاقستاندىق ديپلوماتتاردىڭ اقپاراتى بويىنشا, 4 تامىزدا جەرگٸلٸكتٸ ۋاقىت بويىنشا ساعات 18:00 شاماسىندا بەيرۋتتاعى تەڭٸز پورتىنىڭ بازاسىندا بٸرنەشە قاتتى جارىلىس بولىپ, جاقىن ماڭدا ورنالاسقان ٷيلەردٸڭ, سونداي-اق ەپيتسەنتردەن بٸرنەشە شاقىرىم جەردە ورنالاسقان عيماراتتاردىڭ تەرەزەلەرٸ شاعىلعان.
دەگەنمەن ديپلوماتييالىق ميسسييانىڭ قىزمەتكەرلەرٸ جۇمىس كٷنٸ اياقتالعان سوڭ ورىندارىنان كەتٸپ قالعان. مينيسترلٸك دەرەگٸنشە, كونسۋل عانا جۇمىستا قالىپ, جارىلىس تولقىنى سالدارىنان جەڭٸل جاراقات العان.
"ەلشٸلٸك قىزمەتكەرلەرٸ جۇمىس ۋاقىتى اياقتالعان سوڭ ٷيلەرٸنە قايتىپ كەتكەن. جۇمىستا قالعان كونسۋل جارىلىس تولقىنىنان ازداپ جاراقاتتاندى. سٸم جەرگٸلٸكتٸ بيلٸكپەن بايلانىسىپ وتىر. ليۆاندا جٷرگەن قازاقستان ازاماتتارىنا قاتىستى اقپاراتتاردى تەكسەرٸپ جاتىر" دەپ حابارلادى مينيسترلٸك.
جەرگٸلٸكتٸ بيلٸكتٸڭ الدىن-الا اقپاراتى بويىنشا, تەڭٸز پورتىندا پيروتەحنيكاسى بار كەمە جارىلعان.
بۇعان دەيٸن ليۆان استاناسى بەيرۋت قالاسىندا جويقىن جارىلىس بولعانى تۋرالى حابارلاعان بولاتىنبىز.
